ਬੇਹੱਦ ਜ਼ਹਿਰੀਲਾ ਸੱਪ ਰੈਟਲ ਅਚਾਨਕ ਘਰ ''ਚ ਵੜਿਆ, ਪਰਿਵਾਰ ਵਾਲਿਆਂ ਦੇ ਸੁੱਕੇ ਸਾਹ

ਡੇਰਾਬੱਸੀ (ਗੁਰਜੀਤ) : ਡੇਰਾਬੱਸੀ ਗੁਲਾਬਗੜ੍ਹ ਰੋਡ ’ਤੇ ਇਕ ਘਰ 'ਚ ਬੀਤੀ ਦੇਰ ਰਾਤ ਬੇਹੱਦ ਜ਼ਹਿਰੀਲਾ ਰੈਟਲ ਸੱਪ ਵੜ ਗਿਆ। ਉਸ ਨੂੰ ਦੇਖ ਪਰਿਵਾਰਕ ਮੈਂਬਰ ਸਹਿਮ ਗਏ, ਤੁਰੰਤ ਘਰ ਵਾਲਿਆਂ ਨੇ ਫਾਇਰ ਬ੍ਰਿਗੇਡ ਟੀਮ ਨੂੰ ਸੂਚਿਤ ਕੀਤਾ। ਗੁਲਾਬਗੜ੍ਹ ਰੋਡ ’ਤੇ ਪ੍ਰਮੋਦ ਕੁਮਾਰ ਦੇ ਘਰ 'ਚ ਸ਼ਨੀਵਾਰ ਰਾਤ ਕਰੀਬ 9 ਵਜੇ ਕਾਲੇ ਰੰਗ ਦਾ ਰੈਟਲ ਸੱਪ ਵੜ ਗਿਆ।

ਉਸ ਸਮੇਂ ਪ੍ਰਮੋਦ ਡਿਊਟੀ ’ਤੇ ਸੀ, ਜਦੋਂ ਕਿ ਘਰ ਪਤਨੀ ਅਤੇ ਦੋ ਬੱਚੇ ਸਨ। ਸੱਪ ਨੂੰ ਦੇਖ ਪਰਿਵਾਰਕ ਮੈਂਬਰ ਬਾਹਰ ਆ ਗਏ। ਉਨ੍ਹਾਂ ਦੱਸਿਆ ਕਿ ਗੁਆਂਢੀਆਂ ਨੇ ਸੱਪ ਨੂੰ ਲੱਭਣ ਦੀ ਕੋਸ਼ਿਸ਼ ਕੀਤੀ। ਨਾ ਮਿਲਣ ’ਤੇ ਉਨ੍ਹਾਂ ਫ਼ਾਇਰ ਬ੍ਰਿਗੇਡ ਦੀ ਟੀਮ ਨੂੰ ਸੂਚਿਤ ਕੀਤਾ। ਟੀਮ ਨੇ ਸੱਪ ਦੀ ਘਰ ’ਚ ਭਾਲ ਸ਼ੁਰੂ ਕੀਤੀ ਤਾਂ ਆਖ਼ਰਕਾਰ ਇਕ ਕਮਰੇ ’ਚ ਲੱਗੇ ਇਨਵਰਟਰ ਵਾਲੇ ਬਕਸੇ ’ਚ ਬੈਠੇ ਸੱਪ ਨੂੰ ਕਾਬੂ ਕਰਕੇ ਥੈਲੇ ’ਚ ਪਾ ਲਿਆ ਅਤੇ ਬਾਅਦ ’ਚ ਜੰਗਲ ’ਚ ਛੱਡ ਦਿੱਤਾ। ਸੱਪ ਦੇ ਫੜ੍ਹੇ ਜਾਣ ਮਗਰੋਂ ਪਰਿਵਾਰਕ ਨੇ ਸੁੱਖ ਦਾ ਸਾਹ ਲਿਆ।