ਹੁਸ਼ਿਆਰਪੁਰ ’ਚ ਵੱਡੇ ਸਿਆਸੀ ਦਿੱਗਜ ਹਾਰੇ, ‘ਆਪ’ ਉਮੀਦਵਾਰ ਬ੍ਰਹਮ ਸ਼ੰਕਰ ਰਹੇ ਜੇਤੂ

ਹੁਸ਼ਿਆਰਪੁਰ (ਵੈੱਬ ਡੈਸਕ, ਘੁੰਮਣ)— ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਆਉਣੇ ਸ਼ੁਰੂ ਹੋ ਗਏ ਹਨ। ਹੁਸ਼ਿਆਰਪੁਰ ਸੀਟ ਤੋਂ ਕਾਂਗਰਸ ਅਤੇ ਭਾਜਪਾ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਾ ਜਦੋਂ ਇਥੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਬ੍ਰਹਮ ਸ਼ੰਕਰ ਜਿੰਪਾ ਚੋਣਾਂ ਜਿੱਤ ਗਏ। ਬ੍ਰਹਮ ਸ਼ੰਕਰ ਨੇ ਕਾਂਗਰਸੀ ਉਮੀਦਵਾਰ ਸ਼ਾਮ ਸੁੰਦਰ ਅਰੋੜਾ ਨੂੰ 13 ਹਜ਼ਾਰ ਦੇ ਵੱਡੇ ਫਰਕ ਨਾਲ ਹਰਾਇਆ। ਬ੍ਰਹਮ ਸ਼ੰਕਰ ਨੂੰ 50733 ਵੋਟਾਂ ਪਈਆਂ ਜਦਕਿ ਸ਼ਾਮ ਸੁੰਦਰ ਅਰੋੜਾ ਨੂੰ 37080 ਵੋਟਾਂ ਪਈਆਂ। ਉਥੇ ਹੀ ਭਾਜਪਾ ਦੇ ਤੀਕਸ਼ਣ ਸੂਦ 23833 ਵੋਟਾਂ ਨਾਲ ਤੀਜੇ ਨੰਬਰ ’ਤੇ ਰਹੇ ਹਨ। ਇਸ ਸੀਟ ਤੋਂ ਸਾਰੇ ਵੱਡੇ ਸਿਆਸੀ ਦਿੱਗਜ ਹਾਰ ਗਏ ਹਨ ਅਤੇ ‘ਆਪ’ ਨੇ ਵੱਡੀ ਜਿੱਤ ਹਾਸਲ ਕੀਤੀ ਹੈ।