ਹੋਟਲ ''ਚ ਝੜਪ ਮਗਰੋਂ ਪੁਲਸ ਨੇ 3 ਨਿਹੰਗ ਸਿੰਘਾਂ ਨੂੰ ਕੀਤਾ ਗ੍ਰਿਫ਼ਤਾਰ

ਮੋਗਾ (ਕਸ਼ਿਸ਼ ਸਿੰਗਲਾ)- ਅੱਜ ਮੋਗਾ ਤੋਂ ਇਕ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਸਥਿਤ ਰੌਕ ਸਟਾਰ ਹੋਟਲ ਵਿਖੇ ਪਹੁੰਚੇ ਕੁਝ ਨਿਹੰਗ ਸਿੰਘਾਂ ਤੇ ਹੋਟਲ ਮੈਨੇਜਰ ਵਿਚਾਲੇ ਵਿਵਾਦ ਹੋਣ ਮਗਰੋਂ ਝੜਪ ਹੋ ਗਈ ਸੀ। ਇਹ ਮਾਮਲਾ ਵਧਦਾ ਦੇਖ ਕੇ ਮੌਕੇ 'ਤੇ ਪੁਲਸ ਟੀਮ ਨੂੰ ਬੁਲਾ ਲਿਆ ਗਿਆ ਸੀ, ਜਿਸ ਮਗਰੋਂ ਉਕਤ ਨੌਜਵਾਨਾਂ ਦੀ ਪੁਲਸ ਨਾਲ ਵੀ ਝੜਪ ਹੋ ਗਈ ਸੀ। 

ਇਸ ਮਗਰੋਂ ਪੁਲਸ ਨੇ ਕਾਫ਼ੀ ਮੁਸ਼ੱਕਤ ਮਗਰੋਂ ਮਾਮਲਾ ਸ਼ਾਂਤ ਕਰਵਾਇਆ ਤੇ 3 ਮੁਲਜ਼ਮਾਂ ਨੂੰ ਹਿਰਾਸਤ 'ਚ ਲਿਆ। ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਡੀ.ਐੱਸ.ਪੀ. ਸਿਟੀ ਰਵਿੰਦਰ ਸਿੰਘ ਨੇ ਦੱਸਿਆ ਕਿ ਉਕਤ ਨਿਹੰਗ ਸਿੰਘਾਂ ਵੱਲੋਂ ਰੌਕ ਸਟਾਰ ਹੋਟਲ 'ਚ ਜਾ ਕੇ ਜਬਰਨ ਵਸੂਲੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਇਸ ਦੌਰਾਨ ਹੱਥੋਪਾਈ ਮਗਰੋਂ ਉਨ੍ਹਾਂ ਵੱਲੋਂ ਹੋਟਲ ਮਾਲਕ ਦੇ ਡੱਬ 'ਚੋਂ ਪਿਸਤੌਲ ਵੀ ਕੱਢ ਲਿਆ ਗਿਆ ਸੀ। 

ਇਸ ਮਗਰੋਂ ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਉਕਤ ਤਿੰਨ ਮੁਲਜ਼ਮਾਂ ਜਗਰਾਜ ਸਿੰਘ, ਸ਼ੇਰ ਸਿੰਘ ਤੇ ਕੁਲਵਿੰਦਰ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਕੇ ਮੁਕੱਦਮਾ ਦਰਜ ਕਰ ਲਿਆ ਹੈ। ਫਿਲਹਾਲ ਮਾਮਲੇ ਦੀ ਅਗਲੇਰੀ ਕਾਰਵਾਈ ਪੁਲਸ ਵੱਲੋਂ ਸ਼ੁਰੂ ਕਰ ਦਿੱਤੀ ਗਈ ਹੈ। 

ਇਹ ਵੀ ਪੜ੍ਹੋ- ਕੀ ਅੱਜ ਖ਼ਤਮ ਹੋ ਜਾਵੇਗਾ ਸੀਜ਼ਫਾਇਰ ? ਜੰਗਬੰਦੀ 'ਤੇ ਆ ਗਿਆ ਭਾਰਤੀ ਫ਼ੌਜ ਦਾ ਵੱਡਾ ਬਿਆਨ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e