ਪਟਿਆਲਾ ਜ਼ਿਲ੍ਹੇ ''ਚ ਕੋਰੋਨਾ ਕਾਰਨ 5 ਦੀ ਮੌਤ, 185 ਨਵੇਂ ਮਾਮਲਿਆਂ ਦੀ ਹੋਈ ਪੁਸ਼ਟੀ

ਪਟਿਆਲਾ,(ਪਰਮੀਤ)- ਜ਼ਿਲ੍ਹੇ ’ਚ ਪਿਛਲੇ ਕਈ ਦਿਨਾਂ ਤੋਂ 100 ਤੋਂ ਵੱਧ ਕੇਸ ਆਉਣ ਦਾ ਅੰਕਡ਼ਾ ਟੁੱਟਣ ਦਾ ਨਾਂ ਨਹੀਂ ਲੈ ਰਿਹਾ। ਅੱਜ ਕੋਰੋਨਾ ਨਾਲ 5 ਹੋਰ ਮੌਤਾਂ ਹੋ ਗਈਆਂ ਜਦਕਿ 5 ਪੁਲਸ ਮੁਲਾਜ਼ਮਾਂ ਅਤੇ 2 ਸਿਹਤ ਕਰਮੀਆਂ ਸਮੇਤ 185 ਨਵੇਂ ਕੇਸ ਪਾਜ਼ੇਟਿਵ ਕੇਸ ਮਿਲੇ ਹਨ। ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ ਡਾ. ਹਰੀਸ਼ ਮਲਹੋਤਰਾ ਨੇ ਦੱਸਿਆ ਕਿ ਅੱਜ 5 ਹੋਰ ਮੌਤਾਂ ਹੋਣ ਨਾਲ ਜ਼ਿਲ੍ਹੇ ’ਚ ਹੁਣ ਤੱਕ ਹੋਈਆਂ ਮੌਤਾਂ ਦੀ ਗਿਣਤੀ 135 ਹੋ ਗਈ। ਅੱਜ ਨਵੇਂ ਮਿਲੇ 185 ਮਰੀਜ਼ਾਂ ਨਾਲ ਜ਼ਿਲੇ ’ਚ ਹੁਣ ਤੱਕ ਪਾਜ਼ੇਟਿਵ ਕੇਸਾਂ ਦੀ ਗਿਣਤੀ 5417 ਹੋ ਗਈ ਹੈ। ਹੁਣ ਤੱਕ 3846 ਮਰੀਜ਼ ਠੀਕ ਹੋ ਚੁੱਕੇ ਹਨ, ਜਦਕਿ ਇਸ ਸਮੇਂ 1436 ਕੇਸ ਐਕਟਿਵ ਹਨ।

ਬੁੱਧਵਾਰ ਹੋਈਆਂ ਇਹ ਮੌਤਾਂ

– ਪਟਿਆਲਾ ਦੇ ਸਰਹੰਦੀ ਬਜ਼ਾਰ ’ਚ ਰਹਿਣ ਵਾਲਾ 74 ਸਾਲਾ ਬਜ਼ੁਰਗ ਜੋ ਕਿ ਪੁਰਾਣੀ ਸ਼ੂਗਰ ਅਤੇ ਬੀ. ਪੀ. ਦਾ ਮਰੀਜ਼ ਸੀ ਅਤੇ ਪਟਿਆਲਾ ਦੇ ਨਿੱਜੀ ਹਸਪਤਾਲ ’ਚ ਦਾਖਲ਼ ਸੀ।

– ਪੁਰਾਣਾ ਲਾਲ ਬਾਗ ਦਾ ਰਹਿਣ ਵਾਲਾ 85 ਸਾਲਾ ਬਜ਼ੁਰਗ ਜੋ ਕਿ ਪੁਰਾਣੀ ਸਾਹ ਦੀ ਬੀਮਾਰੀ ਦਾ ਮਰੀਜ਼ ਸੀ ਅਤੇ ਰਾਜਿੰਦਰਾ ਹਸਪਤਾਲ ’ਚ ਜ਼ੇਰੇ ਇਲਾਜ ਸੀ।

– ਰਾਘੌਮਾਜਰਾ ਦੀ ਰਹਿਣ ਵਾਲੀ 55 ਸਾਲਾ ਅੌਰਤ ਜੋ ਪੁਰਾਣੀ ਬੀ. ਪੀ. ਦੀ ਮਰੀਜ਼ ਸੀ।

– ਨਿਊ ਲਾਲ ਬਾਗ ਦਾ ਰਹਿਣ ਵਾਲਾ 55 ਸਾਲਾ ਵਿਅਕਤੀ ਜੋ ਕਿ ਸਾਹ ਦੀ ਦਿੱਕਤ ਕਾਰਣ 21 ਅਗਸਤ ਨੂੰ ਰਾਜਿੰਦਰਾ ਹਸਪਤਾਲ ਦਾਖਲ਼ ਹੋਇਆ ਸੀ।

– ਸਨੌਰ ਦਾ 25 ਸਾਲਾ ਨੌਜਵਾਨ ਜੋ ਕਿ ਕੋਈ ਜ਼ਹਿਰੀਲਾ ਪਦਾਰਥ ਖਾਣ ਕਾਰਣ ਪਹਿਲਾਂ ਪਟਿਆਲਾ ਦੇ ਨਿੱਜੀ ਹਸਪਤਾਲ ’ਚ ਦਾਖਲ਼ ਹੋਇਆ ਸੀ। ਬਾਅਦ ’ਚ ਰੈਫਰ ਹੋ ਕੇ ਰਾਜਿੰਦਰਾ ਹਸਪਤਾਲ ’ਚ ਦਾਖਲ ਹੋਇਆ ਸੀ।

ਇਨ੍ਹਾਂ ਇਲਾਕਿਆਂ ’ਚੋਂ ਮਿਲੇ ਨਵੇਂ ਮਰੀਜ਼

ਪਾਜ਼ੇਟਿਵ ਆਏ ਕੇਸਾਂ ਬਾਰੇ ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ 185 ਕੇਸਾਂ ’ਚੋਂ 87 ਪਟਿਆਲਾ ਸ਼ਹਿਰ, 22 ਰਾਜਪੁਰਾ, 17 ਨਾਭਾ, 22 ਸਮਾਣਾ, 1 ਸਨੌਰ ਅਤੇ 36 ਵੱਖ-ਵੱਖ ਪਿੰਡਾਂ ਤੋਂ ਹਨ। ਇਨ੍ਹਾਂ ’ਚੋਂ 41 ਪਾਜ਼ੇਟਿਵ ਕੇਸਾਂ ਦੇ ਸੰਪਰਕ ’ਚ ਆਉਣ, 143 ਕੰਟੇਨਮੈਂਟ ਜ਼ੋਨ ਅਤੇ ਓ. ਪੀ. ਡੀ. ’ਚ ਆਏ ਨਵੇਂ ਫਲੂ ਅਤੇ ਬਗੈਰ ਫਲੂ ਲੱਛਣਾਂ ਵਾਲੇ ਮਰੀਜ਼ਾਂ ਅਤੇ ਇੱਕ ਬਾਹਰੀ ਰਾਜ ਤੋਂ ਆਏ ਵਿਅਕਤੀ ਦੇ ਲਏ ਸੈਂਪਲਾਂ ’ਚੋਂ ਆਏ ਪਾਜ਼ੇਟਿਵ ਕੇਸ ਸ਼ਾਮਲ ਹਨ। ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਦੱਸਿਆ ਕਿ ਪਟਿਆਲਾ ਦੇ ਤੇਜ ਬਾਗ ਕਾਲੋਨੀ ਤੋਂ 9, ਮਜੀਠੀਆ ਐਨਕਲੇਵ ਅਤੇ ਡੀ. ਐੱਮ. ਡਬਲਿਯੂ. ਤੋਂ 5-5, ਛੱਤਾ ਨੰਨੂ ਮੱਲ, ਨਿਊ ਆਫੀਸਰ ਕਾਲੋਨੀ, ਰਣਜੀਤ ਨਗਰ ਤੋਂ 4-4, ਸਫਾਬਾਦੀ ਗੇਟ, ਰਤਨ ਨਗਰ, ਸਰਹੰਦ ਰੋਡ, ਸੈਂਟਰਲ ਜੇਲ ਤੋਂ 3-3, ਸੰਤ ਹਜਾਰਾ ਸਿੰਘ ਨਗਰ, ਅਨੰਦ ਨਗਰ, ਗੁਰਮਤਿ ਐਨਕਲੇਵ, ਸਰਹੰਦੀ ਬਜ਼ਾਰ ਤੋਂ 2-2, ਪੁਰਾਣਾ ਬਿਸ਼ਨ ਨਗਰ, ਮੁਹੱਲਾ ਸੁਖਦਾਸ ਪੁਰਾ, ਵਿਕਾਸ ਕਾਲੋਨੀ, ਖਾਲਸਾ ਮੁਹੱਲਾ, ਜੱਟਾਂ ਵਾਲਾ ਚੌਂਤਰਾ, ਰੋਜ਼ ਐਵੀਨਉ, ਸਫਾਬਾਦੀ ਗੇਟ, ਨਿਊ ਫਰੈਂਡਜ਼ ਐਨਕਲੇਵ, ਨੈਡ਼ੇ ਬੀ. ਟੈਂਕ, ਵੱਡੀ ਬਾਰਾਂਦਰੀ, ਅਰਬਨ ਅਸਟੇਟ ਫੇਜ਼-1 ਅਤੇ 2, ਅਜ਼ਾਦ ਨਗਰ, ਪ੍ਰਤਾਪ ਨਗਰ, ਸਿਵਲ ਲਾਈਨ, ਚਰਨ ਬਾਗ, ਨਿਊ ਬਡੂੰਗਰ ਬਸਤੀ, ਗੁਰਬਖਸ਼ ਕਾਲੋਨੀ, ਧੀਰੂ ਨਗਰ, ਮਿਲਟਰੀ ਕੈਂਟ, ਦਰਸ਼ਨ ਸਿੰਘ ਨਗਰ, ਢਿੱਲੋਂ ਕਾਲੋਨੀ, ਗੋਬਿੰਦ ਸਿੰਘ ਨਗਰ, ਪ੍ਰੋਫੈਸਰ ਕਾਲੋਨੀ, ਚਾਂਦਨੀ ਚੌਕ, ਆਦਰਸ਼ ਕਾਲੋਨੀ, ਮਾਡਲ ਟਾਊਨ, ਫੈਕਟਰੀ ਏਰੀਆ, ਓਮੈਕਸ ਸਿਟੀ, ਅਨਾਜ ਮੰਡੀ, ਗੁਰੂ ਨਾਨਕ ਨਗਰ, ਬੈਂਕ ਕਾਲੋਨੀ, 22 ਨੰਬਰ ਫਾਟਕ, ਗਰਲਜ਼ ਹੋਸਟਲ ਆਦਿ ਥਾਵਾਂ ਤੋਂ 1-1, ਰਾਜਪੁਰਾ ਤੋਂ ਨੇਡ਼ੇ ਮਹਾਵੀਰ ਮੰਦਰ, ਫੋਕਲ ਪੁਆਇੰਟ ਤੋਂ 4-4, ਗੋਬਿੰਦ ਕਾਲੋਨੀ ਤੋਂ 3, ਨੇਡ਼ੇ ਸਿੰਘ ਸਭਾ ਗੁਰਦੁਆਰਾ, ਗੁਰੂ ਅਰਜਨ ਦੇਵ ਕਾਲੋਨੀ ਤੋਂ 2-2, ਗੁਰਬਖਸ਼ ਕਾਲੋਨੀ, ਜੱਗੀ ਕਾਲੋਨੀ, ਬਾਬਾ ਦੀਪ ਸਿੰਘ ਕਾਲੋਨੀ, ਥਰਮਲ ਪਲਾਂਟ, ਆਰਿਆ ਸਮਾਜ, ਭਾਰਤ ਕਾਲੋਨੀ, ਅਨਾਜ ਮੰਡੀ ਆਦਿ ਥਾਵਾਂ ਤੋਂ 1-1, ਨਾਭਾ ਦੇ ਦਸ਼ਮੇਸ਼ ਨਗਰ ਤੋਂ 4, ਬੈਕ ਸਾਈਡ ਸਿਨੇਮਾ, ਜਸਪਾਲ ਕਾਲੋਨੀ ਤੋਂ 3-3, ਹੀਰਾ ਮਹੱਲ ਤੋਂ 2, ਰਾਮ ਕਿਸ਼ੋਰ ਸਟਰੀਟ, ਬਠਿੰਡੀਆ ਮੁਹੱਲਾ, ਭੱਟਾ ਸਟਰੀਟ, ਕਰਤਾਰ ਕਾਲੋਨੀ ਆਦਿ ਥਾਵਾਂ ਤੋਂ 1-1, ਸਮਾਣਾ ਦੇ ਵਡ਼ੈਚ ਕਾਲੋਨੀ ਤੋਂ 5, ਜੱਟਾਂ ਪੱਤੀ ਤੋਂ 3, ਕਾਟਨ ਸਪਿਨਿੰਗ ਫੈਕਟਰੀ ਤੋਂ 3-3, ਘਡ਼ਾਮਾ ਪੱਤੀ ਤੋਂ 2, ਨਾਭਾ ਕਾਲੋਨੀ, ਪੰਜਾਬੀ ਬਾਗ, ਸ਼ੁੱਕਲਾ ਵਿਹਾਰ, ਗੁਰੂ ਤੇਗ ਬਹਾਦਰ ਨਗਰ, ਪ੍ਰੀਤ ਨਗਰ, ਮੁੰਗਲਾ ਗੱਲੀ, ਦਰਦੀ ਕਾਲੋਨੀ, ਅਮਾਮਗਡ਼੍ਹ ਮੁਹੱਲਾ ਆਦਿ ਥਾਵਾਂ ਤੋਂ 1-1, ਸਨੌਰ ਤੋਂ 1 ਅਤੇ 36 ਵੱਖ-ਵੱਖ ਪਿੰਡਾਂ ਤੋਂ ਕੋਵਿਡ ਪਾਜ਼ੇਟਿਵ ਕੇਸ ਰਿਪੋਰਟ ਹੋਏ ਹਨ।

ਨਵੇਂ ਬਣੇ ਮਾਈਕ੍ਰੋ ਕੰਟੇਨਮੈਂਟ ਜ਼ੋਨ

ਸਿਵਲ ਸਰਜਨ ਨੇ ਦੱਸਿਆ ਕਿ ਕੋਵਿਡ ਪਾਜ਼ੇਟਿਵ ਜ਼ਿਆਦਾ ਕੇਸ ਆਉਣ ’ਤੇ ਪਟਿਆਲਾ ਸਰਹੰਦ ਰੋਡ ਸਥਿਤ ਗਰੀਨ ਪਾਰਕ ਏਰੀਏ ਅਤੇ ਤੇਜ ਬਾਗ ਕਾਲੋਨੀ ’ਚ ਮਾਈਕਰੋ ਕੰਟੇਨਮੈਂਟ ਲਾ ਦਿੱਤੀ ਗਈ ਹੈ। ਹੁਣ ਜ਼ਿਲੇ ’ਚ ਮਾਈਕਰੋ ਕੰਟੇਨਮੈਂਟ ਵਾਲੇ ਏਰੀਆਂ ਦੀ ਗਿਣਤੀ 11 ਹੋ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਘਨੌਰ ਅਤੇ ਸਮਾਣਾ ਸਥਿਤ ਫੈਕਟਰੀਆਂ ’ਚ ਕੰਟੈਕਟ ਟਰੇਸਿੰਗ ਅਤੇ ਰੈਂਡਮ ਸੈਂਪਲਿੰਗ ਦੌਰਾਨ ਵੱਡੀ ਗਿਣਤੀ ’ਚ ਕੋਵਿਡ ਪਾਜ਼ੇਟਿਵ ਕੇਸ ਸਾਹਮਣੇ ਆਏ ਹਨ। ਇਸ ਲਈ ਉਨ੍ਹਾਂ ਜ਼ਿਲੇ ਦੇ ਸਮੂਹ ਫੈਕਟਰੀ/ਕਾਰਖਨਿਆਂ ਦੇ ਮਾਲਕਾਂ ਨੂੰ ਮੁਡ਼ ਬੇਨਤੀ ਕੀਤੀ ਕਿ ਉਹ ਉਨ੍ਹਾਂ ਦੇ ਅਦਾਰਿਆਂ ’ਚ ਕੰਮ ਕਰਦੇ ਮੁਲਾਜ਼ਮਾਂ ਜਿਨ੍ਹਾਂ ’ਚ ਕੋਵਿਡ ਲੱਛਣ ਜਿਵੇਂ ਬੁਖਾਰ, ਖਾਂਸੀ, ਸਾਹ ਦੀ ਤਕਲੀਫ ਆਦਿ ਪਾਏ ਜਾਂਦੇ ਹਨ, ਉਨ੍ਹਾਂ ਦੀ ਤੁਰੰਤ ਕੋਵਿਡ ਜਾਂਚ ਕਰਵਾਉਣ।

ਕੁੱਲ ਲਏ ਸੈਂਪਲ 77758

ਕੁੱਲ ਨੈਗੇਟਿਵ 69111

ਪੈਂਡਿੰਗ ਰਿਪੋਰਟ 3050

ਪਾਜ਼ੇਟਿਵ ਕੇਸ 5417

ਠੀਕ ਹੋਏ ਮਰੀਜ਼ 3846

ਐਕਟਿਵ ਕੇਸ 1436

ਕੋਰੋਨਾ ਕੁੱਲ ਮੌਤਾਂ 135

ਫੋਟੋ ਨੰਬਰ : 26 ਪੀਏਟੀ 45

ਸੈਂਪਲ ਲੈਂਦੇ ਸਿਹਤ ਵਿਭਾਗ ਦੇ ਮੁਲਾਜ਼ਮ। (ਸੁੰਦਰ)