40 ਗ੍ਰਾਮ ਅਫੀਮ ਦੀ ਖੇਪ ਸਮੇਤ 2 ਗ੍ਰਿਫਤਾਰ

ਕਪੂਰਥਲਾ,    (ਭੂਸ਼ਣ)-  ਥਾਣਾ ਸਿਟੀ ਕਪੂਰਥਲਾ ਦੀ ਪੁਲਸ ਨੇ 40 ਗ੍ਰਾਮ ਅਫੀਮ ਸਮੇਤ 2 ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਗ੍ਰਿਫਤਾਰ ਮੁਲਜ਼ਮਾਂ  ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।  ਜਾਣਕਾਰੀ  ਅਨੁਸਾਰ ਥਾਣਾ ਸਿਟੀ  ਦੇ ਐੱਸ. ਐੱਚ. ਓ. ਇੰਸਪੈਕਟਰ ਸੁਖਪਾਲ ਸਿੰਘ  ਨੇ ਪੁਲਸ ਪਾਰਟੀ ਨੂੰ ਨਾਲ ਲੈ ਕੇ ਵਾਟਰ ਟ੍ਰੀਟਮੈਂਟ ਪਲਾਂਟ ਨਜ਼ਦੀਕ ਨਾਕਾਬੰਦੀ ਕੀਤੀ ਹੋਈ ਸੀ ਕਿ ਇਸ ਦੌਰਾਨ ਜਦੋਂ ਫੱਤੂਢੀਗਾ ਤੋਂ ਆ ਰਹੇ ਇਕ ਮੋਟਰਸਾਈਕਲ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਗਿਆ ਤਾਂ ਮੋਟਰਸਾਈਕਲ ਸਵਾਰਾਂ ਨੇ ਭੱਜਣ  ਦੀ ਕੋਸ਼ਿਸ਼ ’ਚ ਆਪਣੇ ਹੱਥਾਂ ’ਚ ਫਡ਼ੇ ਲਿਫਾਫੇ ਹੇਠਾਂ ਸੁੱਟ ਦਿੱਤੇ,   ਜਿਸ ਦੌਰਾਨ ਪੁਲਸ ਟੀਮ ਨੇ ਸੁੱਟੇ ਗਏ ਲਿਫਾਫੇ ਬਰਾਮਦ ਕਰ ਕੇ ਦੋਵਾਂ ਮੁਲਜ਼ਮਾਂ ਨੂੰ ਪਿੱਛਾ ਕਰ ਕੇ ਕਾਬੂ ਕਰ ਲਿਆ।  ਪੁੱਛਗਿਛ  ਦੌਰਾਨ ਮੁਲਜ਼ਮਾਂ ਨੇ ਆਪਣੇ ਨਾਂ ਵਿਸ਼ਾਲ ਪੁੱਤਰ ਅਸ਼ੋਕ ਕੁਮਾਰ  ਵਾਸੀ ਪਿੰਡ ਤਲਵੰਡੀ ਵਡਿਆਈ ਅਤੇ ਮਨਪ੍ਰੀਤ ਸਿੰਘ  ਉਰਫ ਮਨੀ ਪੁੱਤਰ ਜਰਨੈਲ ਸਿੰਘ  ਵਾਸੀ ਮੁਹੱਲਾ ਅਰਫਵਾਲਾ ਕਪੂਰਥਲਾ ਦੱਸਿਆ। ਮੁਲਜ਼ਮਾਂ ਵੱਲੋਂ ਸੁਟੇ  ਗਏ ਦੋਵੇਂ ਲਿਫਾਫਿਅਾਂ ’ਚੋਂ ਕੁਲ 40 ਗ੍ਰਾਮ ਅਫੀਮ ਬਰਾਮਦ ਹੋਈ।  ਪੁੱਛਗਿਛ  ਦੌਰਾਨ ਮੁਲਜ਼ਮਾਂ ਨੇ ਖੁਲਾਸਾ ਕੀਤਾ ਕਿ ਉਹ ਲੰਬੇ ਸਮੇਂ ਤੋਂ ਡਰੱਗ ਦਾ ਧੰਧਾ ਕਰਦੇ ਹਨ ਅਤੇ ਬਰਾਮਦ ਅਫੀਮ ਕਿਸੇ ਖਾਸ ਵਿਅਕਤੀ ਤੋਂ ਲੈ ਕੇ ਆਏ ਹਨ।  ਉਕਤ ਵਿਅਕਤੀ ਸਬੰਧੀ ਫਿਲਹਾਲ ਪੁਲਸ ਨੇ ਖੁਲਾਸਾ ਨਹੀਂ ਕੀਤਾ ਹੈ। ਦੋਵਾਂ ਮੁਲਜ਼ਮਾਂ ਤੋਂ ਪੁੱਛਗਿਛ ਦਾ ਦੌਰ ਜਾਰੀ ਹੈ, ਪੁੱਛਗਿਛ  ਦੌਰਾਨ ਕਈ ਸਨਸਨੀਖੇਜ਼ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।