2024 ''ਚ 5 ਹਜ਼ਾਰ ਕਿੱਲੋਮੀਟਰ ਰਾਜਮਾਰਗ ਬਣਾਵੇਗਾ NHAI
06/15/2023 3:47:35 AM
ਨੈਸ਼ਨਲ ਡੈਸਕ: ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (ਐਨ.ਐਚ.ਏ.ਆਈ.) ਨੇ ਚਾਲੂ ਵਿੱਤੀ ਵਰ੍ਹੇ ਵਿਚ 5,060 ਕਿੱਲੋਮੀਟਰ ਦੀ ਲੰਬਾਈ ਵਾਲੇ ਹਾਈਵੇਅ ਬਣਾਉਣ ਦਾ ਟੀਚਾ ਰੱਖਿਆ ਹੈ, ਜਦੋਂ ਕਿ ਪਿਛਲੇ ਸਾਲ 4,882 ਕਿੱਲੋਮੀਟਰ ਦਾ ਨਿਰਮਾਣ ਕੀਤਾ ਗਿਆ ਸੀ। ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਦੋ ਮਹੀਨਿਆਂ 'ਚ ਐੱਨ.ਐੱਚ.ਏ.ਆਈ. ਨੇ 655.31 ਕਿੱਲੋਮੀਟਰ ਹਾਈਵੇਅ ਬਣਾਏ ਹਨ ਅਤੇ 22.42 ਕਿੱਲੋਮੀਟਰ ਦਾ ਸਿਰਫ਼ ਇਕ ਪ੍ਰਾਜੈਕਟ ਦਿੱਤਾ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਕੈਨੇਡਾ ਤੋਂ ਭਾਰਤੀ ਵਿਦਿਆਰਥੀਆਂ ਨੂੰ ਡਿਪੋਰਟ ਕਰਨ ਦੇ ਮਾਮਲੇ 'ਚ ਵੱਡੀ ਅਪਡੇਟ, ਸਰਕਾਰ ਨੇ ਲਿਆ ਅਹਿਮ ਫ਼ੈਸਲਾ
55 ਹਜ਼ਾਰ ਕਿਲੋਮੀਟਰ ਸੜਕਾਂ ਉਸਾਰੀ ਅਧੀਨ ਹਨ
ਵਿੱਤੀ ਸਾਲ 23 ਵਿਚ ਐੱਨ.ਐੱਚ.ਏ.ਆਈ. ਨੇ 5,213 ਕਿੱਲੋਮੀਟਰ ਦੀ ਕੁੱਲ੍ਹ ਲੰਬਾਈ ਵਾਲੇ 167 ਪ੍ਰਾਜੈਕਟ ਵੀ ਸ਼ੁਰੂ ਕੀਤੇ ਹਨ। ਇਕ ਰਿਪੋਰਟ ਮੁਤਾਬਕ 55,000 ਕਿੱਲੋਮੀਟਰ ਸੜਕਾਂ ਨਿਰਮਾਣ ਦੇ ਵੱਖ-ਵੱਖ ਪੜਾਵਾਂ ਵਿਚ ਹਨ। ਐੱਨ.ਐੱਚ.ਏ.ਆਈ ਪੂੰਜੀਗਤ ਖਰਚੇ ਦੇ ਸੰਦਰਭ ਵਿਚ, ਹਾਈਵੇਅ ਬੁਨਿਆਦੀ ਢਾਂਚੇ ਦਾ ਵਿਕਾਸ ਵਿੱਤੀ ਸਾਲ 23 ਵਿਚ 1.74 ਟ੍ਰਿਲੀਅਨ ਰੁਪਏ ਤੱਕ ਪਹੁੰਚ ਗਿਆ, ਜੋ ਸਰਕਾਰ ਦੁਆਰਾ ਨਿਰਧਾਰਤ 1.58 ਟ੍ਰਿਲੀਅਨ ਰੁਪਏ ਦੇ ਖਰਚੇ ਨੂੰ ਪਾਰ ਕਰਦਾ ਹੈ। ਬਾਕੀ ਦਾ ਪ੍ਰਬੰਧਨ ਪ੍ਰਾਜੈਕਟ ਅਧਾਰਤ ਵਿੱਤ ਦੁਆਰਾ ਕੀਤਾ ਗਿਆ ਸੀ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
