ਵਿਆਹ ਦੇ ਚੌਥੇ ਦਿਨ ਸੱਜਰੀ ਵਿਆਹੀ ਲਾੜੀ ਨਾਲ ਕਰ 'ਤਾ ਕਾਰਾ, ਦੇਖਣ ਵਾਲਿਆਂ ਦੀ ਕੰਬ ਗਈ ਰੂਹ

ਡੇਰਾਬੱਸੀ (ਗੁਰਜੀਤ) : ਡੇਰਾਬੱਸੀ ਬਰਵਾਲਾ ਰੋਡ 'ਤੇ ਪਿੰਡ ਕੂੜਾਵਾਲਾ 'ਚ ਬੁੱਧਵਾਰ ਰਾਤ ਨੂੰ ਇਕ ਪਤੀ ਨੇ ਕਮਰੇ 'ਚ ਸੌਂ ਰਹੀ ਨਵ-ਵਿਆਹੁਤਾ ਪਤਨੀ 'ਤੇ ਚਾਕੂ ਨਾਲ ਹਮਲਾ ਕਰਕੇ ਉਸ ਦਾ ਕਤਲ ਕਰ ਦਿੱਤਾ। ਕਰੀਬ 21 ਸਾਲ ਦੀ ਸੋਨੀਆ ਦਾ ਵਿਆਹ 4 ਦਿਨ ਪਹਿਲਾਂ ਹੀ ਰਾਮ ਲਖਨ ਨਾਲ ਹੋਇਆ ਸੀ, ਜੋ ਨਵ-ਵਿਆਹੁਤਾ ਦਾ ਕਾਤਲ ਬਣ ਗਿਆ ਸੀ। ਉਹ ਬੁੱਧਵਾਰ ਨੂੰ ਹੀ ਕਿਰਾਏ ਦੇ ਕਮਰੇ 'ਚ ਰਹਿਣ ਲਈ ਪਿੰਡ ਪਹੁੰਚੇ ਸੀ। ਡੇਰਾਬੱਸੀ ਪੁਲਸ ਨੇ ਸੂਚਨਾ ਮਿਲਣ ’ਤੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਅਤੇ ਲਾਸ਼ ਨੂੰ ਡੇਰਾਬੱਸੀ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿੱਚ ਰਖਵਾਇਆ। ਜਾਣਕਾਰੀ ਮੁਤਾਬਕ ਸੋਨੀਆ ਦੀ ਭੈਣ ਨੇ ਬੁੱਧਵਾਰ ਨੂੰ ਹੀ ਪਿੰਡ 'ਚ ਅਜੀਤ ਚੌਧਰੀ ਦੇ ਘਰ ਦੇ ਇਕ ਕਮਰੇ 'ਚ ਨਵੇਂ ਵਿਆਹੇ ਜੋੜੇ ਲਈ ਕਮਰੇ ਦਾ ਇੰਤਜ਼ਾਮ ਕੀਤਾ ਸੀ।

ਇਹ ਵੀ ਪੜ੍ਹੋ : ਪੰਜਾਬ 'ਚ 2 ਦਿਨ ਬੈਂਕ ਰਹਿਣਗੇ ਬੰਦ, ਛੇਤੀ-ਛੇਤੀ ਨਬੇੜ ਲਓ ਜ਼ਰੂਰੀ ਕੰਮ

ਘਟਨਾ ਰਾਤ ਕਰੀਬ 9 ਵਜੇ ਦੀ ਦੱਸੀ ਜਾ ਰਹੀ ਹੈ। ਜਾਂਚ ਅਧਿਕਾਰੀ ਏ. ਐੱਸ. ਆਈ. ਪਾਲਚੰਦ ਨੇ ਦੱਸਿਆ ਕਿ ਕਰੀਬ 4 ਦਿਨ ਪਹਿਲਾਂ 20-21 ਸਾਲਾ ਸੋਨੀਆ ਦਾ ਵਿਆਹ ਹੋਇਆ ਸੀ। ਪਤਾ ਲੱਗਾ ਹੈ ਕਿ ਪਰਿਵਾਰ ਅੱਜ ਬੁੱਧਵਾਰ ਨੂੰ ਕਰੀਬ 11 ਵਜੇ ਆਇਆ ਸੀ। ਸੋਨੀਆ ਦੀ ਭੈਣ ਅਤੇ ਜੀਜਾ ਮਨੋਜ ਨੇ ਇੱਥੇ ਅਜੀਤ ਚੌਧਰੀ ਦੇ ਮਕਾਨ ਵਿਚ ਕਿਰਾਏ 'ਤੇ ਕਮਰਾ ਦਿਵਾਇਆ ਸੀ। ਸ਼ਾਮ ਨੂੰ ਪੇਸ਼ੇ ਤੋਂ ਦਿਹਾੜੀਦਾਰ ਰਾਮ ਲਖਨ ਘਰ ਆਇਆ ਅਤੇ ਲੜਨ ਲਗਾ।

ਇਹ ਵੀ ਪੜ੍ਹੋ : ਪੰਜਾਬ ਵਾਸੀਆਂ ਲਈ ਜਾਰੀ ਹੋਈ Advisory, ਬੇਹੱਦ ਚੌਕਸ ਰਹਿਣ ਦੀ ਲੋੜ

ਉਸ ਨੇ ਸੋਨੀਆ ਦੇ ਮੂੰਹ 'ਤੇ ਥੱਪੜ ਮਾਰ ਦਿੱਤਾ। ਇਸ ਤੋਂ ਬਾਅਦ ਸੋਨੀਆ ਨੇ ਉਸ ਨੂੰ ਆਪਣੀ ਭੈਣ ਅਤੇ ਜੀਜਾ ਦੇ ਸਾਹਮਣੇ ਥੱਪੜ ਮਾਰ ਦਿੱਤਾ। ਸ਼ਰਾਬ ਦੇ ਨਸ਼ੇ 'ਚ ਉਹ ਉੱਥੋਂ ਚਲਾ ਗਿਆ ਅਤੇ ਰਾਤ ਕਰੀਬ 9 ਵਜੇ ਜਦੋਂ ਸੋਨੀਆ ਬੈੱਡ 'ਤੇ ਸੁੱਤੀ ਪਈ ਸੀ ਤਾਂ ਪਤਾ ਲੱਗਾ ਕਿ ਰਾਮ ਲਖਨ ਨੇ ਸੋਨੀਆ ਦੇ ਮੂੰਹ ਅਤੇ ਧੌਣ 'ਤੇ ਚਾਕੂ ਨਾਲ ਕਈ ਵਾਰ ਕੀਤੇ ਹਨ। ਸੋਨੀਆ ਦੀਆਂ ਚੀਕਾਂ ਸੁਣ ਕੇ ਕਈ ਗੁਆਂਢੀ ਉਸ ਦੇ ਕਮਰੇ ਵਿਚ ਪਹੁੰਚੇ। ਇਕ ਗੁਆਂਢੀ ਓਮਪ੍ਰਕਾਸ਼ ਨੇ ਦੱਸਿਆ ਕਿ ਸੋਨੀਆ ਬੈੱਡ 'ਤੇ ਲਹੂ-ਲੁਹਾਨ ਹਾਲਤ 'ਚ ਬੇਹੋਸ਼ ਪਈ ਸੀ।

ਜਦੋਂ ਤੱਕ ਉਸ ਨੂੰ ਡੇਰਾਬੱਸੀ ਸਿਵਲ ਹਸਪਤਾਲ ਲਿਜਾਇਆ ਗਿਆ ਤਾਂ ਡਾਕਟਰ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਘਟਨਾ ਤੋਂ ਬਾਅਦ ਗੁਆਂਢੀਆਂ ਨੇ ਕਾਤਲ ਪਤੀ ਨੂੰ ਫੜ੍ਹ ਕੇ ਪੁਲਸ ਹਵਾਲੇ ਕਰ ਦਿੱਤਾ। ਪਾਲਚੰਦ ਮੁਤਾਬਕ ਰਾਮ ਲਖਨ ਯੂ. ਪੀ. ਦੇ ਸੀਤਾਪੁਰ ਦਾ ਰਹਿਣ ਵਾਲਾ ਦੱਸਿਆ ਜਾਂਦਾ ਹੈ, ਜਿਸ ਨੂੰ ਪੁਲਸ ਨੇ ਹਿਰਾਸਤ 'ਚ ਲੈ ਲਿਆ ਹੈ, ਜਦੋਂ ਕਿ ਸੋਨੀਆ ਪੂਰਵਾਂਚਲ ਦੀ ਰਹਿਣ ਵਾਲੀ ਹੈ। ਪੁਲਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8