ਜਿਸ ਦੋਸਤ ਦੀ ਕਰ ਰਿਹਾ ਸੀ ਉਡੀਕ, ਉਸੇ ਦੀ ਟੈਂਪੂ-ਟ੍ਰੈਵਲਰ ਹੇਠਾਂ ਆ ਕੇ ਮੌਤ

ਲੁਧਿਆਣਾ (ਗੌਤਮ) : ਇੱਥੇ ਰਾਹੋਂ ਰੋਡ 'ਤੇ ਆਪਣੇ ਦੋਸਤ ਦੀ ਉਡੀਕ ਕਰ ਰਹੇ ਸ਼ਖ਼ਸ ਨੂੰ ਕੀ ਪਤਾ ਸੀ ਕਿ ਉਸੇ ਦੋਸਤ ਦੀ ਟੈਂਪੂ-ਟ੍ਰੈਵਲਰ ਹੇਠਾਂ ਆ ਕੇ ਉਸ ਦੀ ਮੌਤ ਹੋ ਜਾਵੇਗੀ। ਜਾਣਕਾਰੀ ਮੁਤਾਬਕ ਮ੍ਰਿਤਕ ਦੀ ਪਛਾਣ ਪਰਮਜੀਤ ਸਿੰਘ ਵਾਸੀ ਅਟਲ ਨਗਰ ਵਜੋਂ ਹੋਈ ਹੈ। ਥਾਣਾ ਟਿੱਬਾ ਦੀ ਪੁਲਸ ਨੇ ਸੁਖਵਿੰਦਰ ਕੌਰ ਦੇ ਬਿਆਨ 'ਤੇ ਟੈਂਪੂ-ਟ੍ਰੈਵਲਰ ਚਲਾਉਣ ਵਾਲੇ ਪਰਮਿੰਦਰ ਸਿੰਘ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।

ਪੁਲਸ ਨੂੰ ਦਿੱਤੇ ਬਿਆਨ 'ਚ ਸੁਖਵਿੰਦਰ ਕੌਰ ਨੇ ਦੱਸਿਆ ਕਿ ਉਸ ਦਾ ਪਤੀ ਰਾਤ ਨੂੰ ਰਾਹੋਂ ਰੋਡ 'ਤੇ ਸਥਿਤ ਸੰਜੀਵ ਬੇਕਰੀ ਨੇੜੇ ਪਰਮਿੰਦਰ ਦੀ ਉਡੀਕ ਕਰ ਰਿਹਾ ਸੀ। ਇਸ ਦੌਰਾਨ ਪਰਮਿੰਦਰ ਦੇ ਟੈਂਪੂ-ਟ੍ਰੈਵਲਰ ਨੇ ਪਰਮਜੀਤ ਨੂੰ ਟੱਕਰ ਮਾਰ ਦਿੱਤੀ ਅਤੇ ਉਹ ਗੰਭੀਰ ਰੂਪ 'ਚ ਜ਼ਖਮੀ ਹੋ ਗਿਆ। ਜਦੋਂ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਤਾਂ ਉਸ ਦੀ ਮੌਤ ਹੋ ਗਈ।