''ਹਰ ਹਰ ਮਹਾਦੇਵ'' ਦੇ ਜੈਕਾਰਿਆਂ ਨਾਲ ਮਹੰਤ ਨਾਰਾਇਣਪੁਰੀ ਸਮਾਧੀ ''ਚ ਲੀਨ

ਲੁਧਿਆਣਾ (ਸਿਆਲ): ਸਨਾਤਨ ਦੀ ਧਰੋਹਰ, ਇਤਿਹਾਸਕ ਧਾਰਮਿਕ ਅਸਥਾਨ ਪ੍ਰਾਚੀਨ ਸੰਗਲਾ ਵਾਲਾ ਸ਼ਿਵਾਲਾ ਦੇ ਮਹੰਤ ਨਾਰਾਇਣਪੁਰੀ ਨੂੰ ਮੰਤਰਾ ਦੇ ਉਚਾਰਨ ਤੇ ਹਰ ਹਰ ਮਹਾਦੇਵ ਦੇ ਜੈਕਾਰਿਆਂ ਦੇ ਨਾਲ ਸਮਾਧੀ ਦਿੱਤੀ ਗਈ। ਉਨ੍ਹਾਂ ਦੇ ਅੰਤਿਮ ਦਰਸ਼ਨਾਂ ਲਈ ਸ਼ਹਿਰ ਦੀਆਂ ਵੱਖ-ਵੱਖ ਸਿਆਸੀ, ਧਾਰਮਿਕ, ਸਮਾਜਿਕ ਤੇ ਵਪਾਰਕ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਵੱਡੀ ਗਿਣਤੀ ਵਿਚ ਸ਼ਮੂਲੀਅਤ ਕੀਤੀ। 

ਇਹ ਖ਼ਬਰ ਵੀ ਪੜ੍ਹੋ - ਸਮੇਂ ਸਿਰ ਵਿਆਹ ਨਾ ਕਰਵਾਉਣ ਵਾਲਿਆਂ 'ਤੇ ਮੰਡਰਾ ਰਿਹੈ ਵੱਡਾ ਖ਼ਤਰਾ! ਹੋ ਸਕਦੀ ਹੈ ਜਾਨਲੇਵਾ ਬਿਮਾਰੀ

ਮਹੰਤ ਜੀ ਦੀ ਮ੍ਰਿਤਕ ਦੇਹ ਨੂੰ ਅੰਤਿਮ ਦਰਸ਼ਨਾਂ ਲਈ ਸ਼ਿਵਾਲਾ ਦੇ ਪ੍ਰਾਂਗਣ ਵਿਚ ਰੱਖਿਆ ਗਿਆ ਸੀ। ਇੱਥੇ ਸ਼ਿਵ ਭਗਤਾਂ ਨੇ ਪਹੁੰਚ ਕੇ ਉਨ੍ਹਾਂ ਨੂੰ ਦੁਸ਼ਾਲਾ ਤੇ ਫ਼ੁਲ ਭੇਟ ਕੀਤੇ। ਉਨ੍ਹਾਂ ਦੇ ਅੰਤਿਮ ਦਰਸ਼ਨ ਕਰਨ ਲਈ ਪੰਜਾਬ ਹੀ ਨਹੀਂ ਸਗੋਂ ਹੋਰ ਸੂਬਿਆਂ ਤੋਂ ਵੀ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਪਹੁੰਚੇ ਸਨ। 

ਮਹੰਤ ਨਰਾਇਣ ਪੁਰੀ ਨੇ 44 ਸਾਲਾਂ ਤੱਕ ਸੰਗਲਾ ਵਾਲਾ ਸ਼ਿਵਾਲਾ ਵਿਚ ਮੁੱਖ ਸੇਵਾਦਾਰ ਵਜੋਂ ਨਿਰੰਤਰ ਸੇਵਾ ਨਿਭਾਈ। ਉਨ੍ਹਾਂ ਨੇ 1981 ਵਿਚ ਆਪਣੇ ਪਿਤਾ ਮਹੰਤ ਕਪੂਰ ਚੰਦ ਦੇ ਦੇਹਾਂਤ ਤੋਂ ਬਾਅਦ ਸ਼ਿਵਾਲਾ ਦੀ ਸੇਵਾ ਦੀ ਜ਼ਿੰਮੇਵਾਰੀ ਸੰਭਾਲੀ ਸੀ। ਮਹੰਤ ਜੀ ਨੇ ਆਪਣੇ ਪਿਤਾ ਮਹੰਤ ਕਪੂਰ ਚੰਦ ਤੋਂ ਹੀ ਦੀਕਸ਼ਾ ਲਈ ਸੀ। ਉਹ ਸ਼ਿਵਾਲਾ ਦੀ ਸੇਵਾ ਕਰਨ ਵਾਲੀ 12ਵੀਂ ਪੀੜ੍ਹੀ ਨਾਲ ਸਬੰਧਤ ਸਨ। ਮਹੰਤ ਜੀ ਮੰਦਰ ਦੇ ਪ੍ਰਬੰਧਨ ਅਤੇ ਸ਼ਰਧਾਲੂਆਂ ਦੀਆਂ ਸਹੂਲਤਾਂ ਦਾ ਖੁਦ ਧਿਆਨ ਰੱਖਦੇ ਸਨ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ ਦੇ ਪ੍ਰਾਈਵੇਟ ਸਕੂਲਾਂ ਨੂੰ ਨੋਟਿਸ ਜਾਰੀ; ਦੁਪਹਿਰ 2 ਵਜੇ ਤਕ...

ਇਸ ਮੰਦਰ ਦਾ ਇਤਿਹਾਸ 500 ਸਾਲ ਤੋਂ ਪੁਰਾਣਾ ਹੈ। ਮਹੰਤ ਨਰਾਇਣ ਪੁਰੀ ਦੇ ਪੂਰਵਜਾਂ ਨੂੰ ਹੀ ਇਸ ਜਗ੍ਹਾ 'ਤੇ ਸਭ ਤੋਂ ਪਹਿਲਾਂ ਸਵਯੰਭੂ ਸ਼ਿਵਲਿੰਗ ਦੇ ਦਰਸ਼ਨ ਹੋਏ ਸਨ। ਇਸ ਸਥਾਨ ਦਾ ਨਾਂ 'ਸੰਗਲਾ ਵਾਲਾ ਸ਼ਿਵਾਲਾ' ਇਸ ਲਈ ਪਿਆ ਕਿਉਂਕਿ ਪੂਰਵਜਾਂ ਨੇ ਸ਼ਿਵਲਿੰਗ ਦੇ ਆਲੇ-ਦੁਆਲੇ ਸੰਗਲਾਂ (ਚੇਨ) ਲਗਾ ਦਿੱਤੀਆਂ ਸਨ, ਕਿਉਂਕਿ ਇੱਥੇ ਜਾਨਵਰ ਆਉਂਦੇ ਸਨ। ਮਹੰਤ ਨਰਾਇਣ ਪੁਰੀ ਦੇ ਪੂਰਵਜਾਂ ਦੀ ਸਮਾਧੀ ਵੀ ਸੰਗਲਾ ਵਾਲਾ ਸ਼ਿਵਾਲਾ ਦੇ ਪ੍ਰਾਂਗਣ ਵਿਚ ਹੀ ਬਣੀ ਹੋਈ ਹੈ। ਹੁਣ ਉਨ੍ਹਾਂ ਦੇ ਬੇਟੇ ਮਹੰਤ ਦਿਨੇਸ਼ ਪੁਰੀ ਵੀ ਮੰਦਰ ਦੀ ਸੇਵਾ ਵਿਚ ਜੁਟੇ ਹੋਏ ਹਨ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8