10 ਦਿਨਾਂ ਤੋਂ ਰੱਦ ਚੱਲ ਰਹੀਆਂ ਫਿਰੋਜ਼ਪੁਰ ਜਾਣ ਵਾਲੀਆਂ ਟਰੇਨਾਂ ਨੂੰ ਕੀਤਾ ਬਹਾਲ
08/29/2019 1:29:17 PM
ਜਲੰਧਰ (ਗੁਲਸ਼ਨ)— ਪੰਜਾਬ ਦੇ ਕਈ ਇਲਾਕਿਆਂ ਵਿਚ ਹੜ੍ਹ ਆਉਣ ਕਾਰਣ ਟਰੇਨਾਂ ਦੀ ਆਵਾਜਾਈ ਰੋਕ ਦਿੱਤੀ ਗਈ ਸੀ। ਸਤਲੁਜ ਦਰਿਆ ’ਚ ਵੱਧ ਪਾਣੀ ਆਉਣ ਕਾਰਣ 19 ਅਗਸਤ ਤੋਂ ਫਿਰੋਜ਼ਪੁਰ ਰੂਟ ਦੀਆਂ 8 ਟਰੇਨਾਂ ਨੂੰ ਰੱਦ ਕਰ ਦਿੱਤਾ ਗਿਆ ਸੀ। ਸਥਿਤੀ ਹੁਣ ਕੰਟਰੋਲ ਵਿਚ ਹੋਣ ਕਾਰਣ ਇਨ੍ਹਾਂ ਵਿਚੋਂ 6 ਟਰੇਨਾਂ ਨੂੰ ਬਹਾਲ ਕਰ ਦਿੱਤਾ ਗਿਆ ਹੈ। ਬੁੱਧਵਾਰ ਸ਼ਾਮ 5.40 ’ਤੇ ਸਿਟੀ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ 1-ਏ ਤੋਂ ਪਹਿਲੀ ਪੈਸੰਜਰ ਟਰੇਨ 74937 ਫਿਰੋਜ਼ਪੁਰ ਲਈ ਰਵਾਨਾ ਹੋਈ। ਇਸ ਤੋਂ ਬਾਅਦ ਵੀਰਵਾਰ ਤੋਂ 74933/74934 ਅਤੇ 74936/74940 ਜਲੰਧਰ-ਫਿਰੋਜ਼ਪੁਰ-ਜਲੰਧਰ ਅਤੇ 30 ਅਗਸਤ ਤੋਂ ਜਲੰਧਰ-ਫਿਰੋਜ਼ਪੁਰ ਪੈਸੰਜਰ 74935 ਨੂੰ ਰੈਗੂਲਰ ਚਲਾਇਆ ਜਾਵੇਗਾ।
