25 ਗ੍ਰਾਮ ਨਸ਼ੇ ਵਾਲੇ ਪਦਾਰਥ ਸਮੇਤ ਅੜਿੱਕੇ

ਨਕੋਦਰ,  (ਪਾਲੀ)-  ਸਦਰ  ਥਾਣੇ ਦੀ ਪੁਲਸ ਚੌਕੀ ਸ਼ੰਕਰ ਨੇ ਇਕ ਨੌਜਵਾਨ ਨੂੰ  ਨਸ਼ੇ ਵਾਲੇ ਪਦਾਰਥ ਸਮੇਤ ਕਾਬੂ ਕੀਤਾ ਹੈ। ਸਦਰ ਥਾਣਾ ਮੁਖੀ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਸ਼ੰਕਰ ਚੌਕੀ  ਇੰਚਾਰਜ ਏ.ਐੱਸ.ਆਈ. ਸੁਖਵਿੰਦਰ ਸਿੰਘ ਸਮੇਤ ਪੁਲਸ ਪਾਰਟੀ ਦੌਰਾਨੇ ਗਸ਼ਤ ਸ਼ੰਕਰ ਤੋਂ ਸਰੀਹ  ਲਿੰਕ ਸੜਕ ਤੇ ਸਕੂਲ ਦੀ ਗਰਾਊਂਡ ਨਜ਼ਦੀਕ ਸੜਕ ਕੰਢੇ ਖੜ੍ਹਾ ਇਕ ਨੌਜਵਾਨ ਪੁਲਸ ਪਾਰਟੀ ਨੂੰ  ਦੇਖ ਕੇ ਜੇਬ ਵਿਚੋ ਇਕ ਲਿਫਾਫਾ ਸੁੱਟ ਕੇ ਖੇਤ ਵਿਚ ਬੈਠ ਗਿਆ ਤਾਂ ਪੁਲਸ ਪਾਰਟੀ  ਨੇ ਸ਼ੱਕ ਦੇ ਅਾਧਾਰ ’ਤੇ ਕਾਬੂ ਕਰਕੇ ਪੁੱਛਗਿੱਛ ਕੀਤੀ। ਉਸ ਦੀ ਪਛਾਣ ਸੋਖੀ ਪੁੱਤਰ  ਮਹਿੰਦਰ ਸਿੰਘ ਵਾਸੀ ਪਿੰਡ ਸ਼ੰਕਰ (ਨਕੋਦਰ) ਵਜੋਂ ਹੋਈ। ਸ਼ੰਕਰ ਚੌਕੀ ਇੰਚਾਰਜ ਏ. ਐੱਸ. ਆਈ.  ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਸੋਖੀ ਵਲੋਂ ਸੁੱਟੇ ਗਏ ਲਿਫਾਫੇ ਦੀ ਤਲਾਸ਼ੀ ਲਈ ਤਾਂ 25 ਗ੍ਰਾਮ ਨਸ਼ੇ  ਵਾਲਾ ਪਦਾਰਥ ਬਰਾਮਦ ਹੋਇਆ। ਸ਼ੰਕਰ ਚੌਕੀ ਇੰਚਾਰਜ ਨੇ ਦੱਸਿਆ ਕਿ ਮੁਲਜ਼ਮ ਖਿਲਾਫ ਥਾਣਾ ਸਦਰ ਨਕੋਦਰ  ਵਿਖੇ  ਮਾਮਲਾ ਦਰਜ ਕਰ ਲਿਆ ਗਿਆ ਹੈ।