PRTC ਦੇ ਗ੍ਰਿਫ਼ਤਾਰ ਕੀਤੇ ਕੱਚੇ ਮੁਲਾਜ਼ਮਾਂ ਦਾ ਹੋਇਆ ਮੈਡੀਕਲ, ਗੱਡੀ ''ਚ ਲੈ ਕੇ ਪੁੱਜੀ ਪੁਲਸ

ਪਟਿਆਲਾ (ਕਵਲਜੀਤ) : ਕਿਲੋਮੀਟਰ ਸਕੀਮ ਬੱਸਾਂ ਦਾ ਵਿਰੋਧ ਕਰ ਰਹੇ 28 ਤਾਰੀਖ਼ ਨੂੰ ਪਟਿਆਲਾ ਦੇ ਬੱਸ ਸਟੈਂਡ ਤੋਂ ਗ੍ਰਿਫ਼ਤਾਰ ਕੀਤੇ ਗਏ ਪੀ. ਆਰ. ਟੀ. ਸੀ. ਪਨਬਸ ਦੇ ਕੱਚੇ ਮੁਲਾਜ਼ਮਾਂ ਨੂੰ ਅੱਜ ਮਾਤਾ ਕੌਸ਼ਲਿਆ ਹਸਪਤਾਲ 'ਚ ਪੁਲਸ ਮੈਡੀਕਲ ਕਰਵਾਉਣ ਦੇ ਲਈ ਲੈ ਕੇ ਪਹੁੰਚੀ। ਅੱਜ 25 ਤੋਂ 30 ਪੀ. ਆਰ. ਟੀ. ਸੀ. ਪਨਬਸ ਦੇ ਕੱਚੇ ਮੁਲਾਜ਼ਮਾਂ ਦਾ ਮੈਡੀਕਲ ਕਰਵਾਇਆ ਗਿਆ, ਜਿਸ ਤੋਂ ਬਾਅਦ ਪੁਲਸ ਉਨ੍ਹਾਂ ਨੂੰ ਵਾਪਸ ਘੱਗਾ ਥਾਣੇ ਲੈ ਕੇ ਵਾਪਸ ਮੁੜੀ। ਇਸ ਮੌਕੇ 'ਤੇ ਮੈਡੀਕਲ ਚੈੱਕਅਪ ਲਈ ਪਹੁੰਚੇ ਕੱਚੇ ਮੁਲਾਜ਼ਮਾਂ ਨੇ ਗੱਲਬਾਤ ਕੀਤੀ ਅਤੇ ਦੱਸਿਆ ਕਿ ਕਿਵੇਂ ਪੁਲਸ ਨੇ ਉਨ੍ਹਾਂ ਦੇ ਨਾਲ ਧੱਕਾ-ਮੁੱਕੀ ਕੀਤੀ ਅਤੇ ਸ਼ਾਂਤਮਈ ਧਰਨੇ 'ਚ ਮਾਹੌਲ ਵਿਗਾੜਿਆ।

ਉਨ੍ਹਾਂ ਆਖਿਆ ਕਿ ਅਸੀਂ ਸ਼ਾਂਤਮਈ ਤਰੀਕੇ ਨਾਲ ਆਪਣੀਆਂ ਮੰਗਾਂ ਮੰਨਵਾਉਣ ਲਈ ਧਰਨਾ ਦੇ ਰਹੇ ਸੀ ਪਰ ਪੁਲਸ ਨੇ ਜਾਣ-ਬੁੱਝ ਕੇ ਸਾਡੇ 'ਤੇ ਲਾਠੀਚਾਰਜ ਕੀਤਾ ਅਤੇ ਸਾਨੂੰ ਧੱਕੇ ਨਾਲ ਗ੍ਰਿਫ਼ਤਾਰ ਕਰਕੇ ਥਾਣੇ ਲੈ ਗਏ, ਉੱਥੇ ਹੀ ਕੁੱਝ ਮੁਲਾਜ਼ਮ ਅਜਿਹੇ ਵੀ ਸਨ, ਜਿਨ੍ਹਾਂ ਨੇ ਪੁਲਸ 'ਤੇ ਵੱਡੇ ਇਲਜ਼ਾਮ ਲਗਾਏ ਕਿ ਸਿਵਲ 'ਚ ਤਾਇਨਾਤ ਪੁਲਸ ਮੁਲਾਜ਼ਮਾਂ ਨੇ ਉਨ੍ਹਾਂ ਦੇ ਕੇਸਾਂ ਦੀ ਬੇਅਦਬੀ ਕੀਤੀ ਹੈ। ਇਹ ਇਲਜ਼ਾਮ ਨੌਜਵਾਨ ਸੁਲਤਾਨ ਸਿੰਘ ਨੇ ਲਾਏ ਹਨ, ਜੋ ਕਿ ਪੀ. ਆਰ. ਟੀ. ਸੀ. ਪਨਬਸ ਦਾ ਕੱਚਾ ਕੰਟਰੈਕਟ ਮੁਲਾਜ਼ਮ ਹੈ। ਉਸਨੇ ਕਿਹਾ ਕਿ ਉਸ ਦੀ ਮੌਕੇ ਦੀ ਵੀਡੀਓ ਦੇਖੀ ਜਾਵੇ, ਜਿਸ 'ਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਸਿਵਲ 'ਚ ਤਾਇਨਾਤ ਇੱਕ ਪੁਲਸ ਮੁਲਾਜ਼ਮ ਕਿਸ ਤਰ੍ਹਾਂ ਉਸ ਨੂੰ ਖਿੱਚ-ਧੂ ਕੇ ਲਿਜਾ ਰਿਹਾ ਹੈ