ਹੜ੍ਹ 'ਚ ਫਸੇ ਲੋਕਾਂ ਲਈ 'ਮਸੀਹਾ' ਬਣੇ ਕਰਨ ਔਜਲਾ, ਭੇਜੀ ਕਿਸ਼ਤੀ

ਜਲੰਧਰ/ਫਿਰੋਜ਼ਪੁਰ : ਪੰਜਾਬ ਦੇ ਨਾਮੀ ਅਤੇ ਗੀਤਾਂ ਦੀ ਮਸ਼ੀਨ ਵੱਜੋਂ ਜਾਣੇ ਜਾਂਦੇ ਕਲਾਕਾਰ ਕਰਨ ਔਜਲਾ ਨੇ ਹੜ੍ਹ ਪੀੜਤਾਂ ਲਈ ਇਕ ਹੋਰ ਨਵਾਂ ਉਪਰਾਲਾ ਕੀਤਾ ਹੈ। ਕਰਨ ਔਜਲਾ ਵੱਲੋਂ ਹਾਲ ਹੀ ਵਿਚ ਸਰਹੱਦੀ ਪਿੰਡ ਨਵੀਂ ਗੱਟੀ ਰਾਜੋਕੇ ਜੋ ਕਿ ਪਾਕਿਸਤਾਨ ਦੀ ਸਰਹੱਦ ਦੇ ਨਾਲ ਲੱਗਦਾ ਹੈ ਅਤੇ ਭਾਰਤ ਦਾ ਅਖੀਰਲਾ ਪਿੰਡ ਹੈ, ਲਈ ਕਰਨ ਔਜਲਾ ਨੇ ਕਿਸ਼ਤੀ ਭੇਜੀ ਹੈ। ਗੌਰਤਲਬ ਹੈ ਕਿ ਬੀਤੇ ਦਿਨੀਂ 'ਜਗ ਬਾਣੀ' ਦੇ ਪੱਤਰਕਾਰ ਰਮਨਦੀਪ ਸਿੰਘ ਸੋਢੀ ਹੁਰਾਂ ਵੱਲੋਂ ਇਸ ਪਿੰਡ ਦਾ ਦੌਰਾ ਕਰਕੇ ਕਵਰੇਜ ਕੀਤੀ ਗਈ ਸੀ। ਜਿਸ ਦੌਰਾਨ ਇਹ ਪਾਇਆ ਗਿਆ ਸੀ ਕਿ ਲੋਕਾਂ ਦੇ ਕੋਲ ਅਜੇ ਵੀ ਆਪਣੇ ਡੇਰਿਆਂ ਨੂੰ ਜਾਣ ਲਈ ਕਿਸ਼ਤੀ ਨਹੀਂ ਸੀ। ਇਸ ਲਈ ਲੋਕਾਂ ਲਈ ਆਰਜ਼ੀ ਤੌਰ 'ਤੇ ਚਾਰ ਟਿਊਬਾਂ ਲਾ ਕੇ ਉਪਰ ਮੰਜਾ ਰੱਖ ਕੇ ਉਸ ਦੀ ਕਿਸ਼ਤੀ ਬਣਾ ਕੇ ਆਪਣੇ ਪਿੰਡਾਂ ਨੂੰ ਜਾਣ ਲਈ ਕੰਮ ਚਲਾਇਆ ਜਾ ਰਿਹਾ ਸੀ। ਇਸ ਦੇ ਚੱਲਦਿਆਂ ਲੋਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ ਅਤੇ ਲੋਕਾਂ ਦੀ ਜਾਨ ਖ਼ਤਰੇ ਵਿਚ ਸੀ। 

ਇਹ ਵੀ ਪੜ੍ਹੋ : ਪੰਜਾਬ ਸਕਾਰ ਦੀ ਕੈਬਨਿਟ ਮੀਟਿੰਗ ਅੱਜ, ਲਏ ਜਾ ਸਕਦੇ ਹਨ ਵੱਡੇ ਫ਼ੈਸਲੇ

'ਜਗ ਬਾਣੀ' ਦੀ ਇਸ ਕਵਰੇਜ ਨੂੰ ਦੇਖਣ ਤੋਂ ਬਾਅਦ ਕਰਨ ਔਜਲਾ ਵੱਲੋਂ ਖੁਦ ਅਪਰੋਚ ਕਰਕੇ ਪਿੰਡ ਦਾ ਪਤਾ ਲਿਆ ਗਿਆ ਅਤੇ ਉਨ੍ਹਾਂ ਨੇ ਅੱਜ ਬਕਾਇਦਾ ਇਕ ਨਵੀਂ ਕਿਸ਼ਤੀ ਲੋਕਾਂ ਨੂੰ ਸਮਰਪਿਤ ਕਰ ਦਿੱਤੀ ਹੈ। 'ਇਨਸ਼ੇਟਿਵ ਆਫ ਚੇਂਜ' ਨਾਮ ਦੀ ਸੰਸਥਾ ਰਾਹੀਂ ਕਰਨ ਔਜਲਾ ਵੱਲੋਂ ਅੱਜ ਇਹ ਕਿਸ਼ਤੀ ਸਰਹੱਦੀ ਪਿੰਡ ਨਵੀਂ ਗੱਟੀ ਰਾਜੋਕੇ ਵਿਖੇ ਪਹੁੰਚਾਈ ਗਈ ਹੈ। ਜਿਵੇਂ ਹੀ ਲੋਕਾਂ ਨੇ ਇਸ ਕਿਸ਼ਤੀ ਨੂੰ ਹਾਸਲ ਕੀਤਾ ਤਾਂ ਲੋਕ ਖੁਸ਼ੀ ਨਾਲ ਖਿੜ ਉਠੇ ਅਤੇ ਉਨ੍ਹਾਂ ਵੱਲੋਂ ਕਰਨ ਔਜਲਾ ਦਾ ਬੇਹੱਦ ਧੰਨਵਾਦ ਕੀਤਾ ਗਿਆ। ਲੋਕਾਂ ਨੇ ਕਿਹਾ ਕਿ ਜਿਹੜਾ ਕੰਮ ਸਰਕਾਰਾਂ ਨੇ ਅਤੇ ਲੀਡਰਾਂ ਨੇ ਕਰਨਾ ਸੀ ਉਹ ਅੱਜ ਕਲਾਕਾਰ ਕਰ ਰਹੇ ਹਨ। ਇਸ ਲਈ ਅਸੀਂ ਕਰਨ ਔਜਲਾ ਦੇ ਰਿਣੀ ਹਾਂ। 

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇
https://whatsapp.com/channel/0029Va94hsaHAdNVur4L170e