ਅੰਮ੍ਰਿਤਸਰ ਧਮਾਕਾ : ਪ੍ਰਸ਼ਾਸਨ ਦੀ ਢਿੱਲੀ ਕਾਰਵਾਈ ਕਾਰਨ ਪਰਿਵਾਰਾਂ ''ਚ ਰੋਸ (ਵੀਡੀਓ)
Monday, Nov 19, 2018 - 05:27 PM (IST)
ਅੰਮ੍ਰਿਤਸਰ (ਸੁਮਿਤ) - ਬੀਤੇ ਦਿਨ ਅੰਮ੍ਰਿਤਸਰ ਸੰਤ ਨਿਰੰਕਾਰੀ ਭਵਨ 'ਚ ਰੱਬ ਦਾ ਜਾਪ ਕਰਨ ਗਏ ਭੋਲੇ-ਭਾਲੇ ਲੋਕਾਂ 'ਤੇ ਕੁਝ ਅਣਪਛਾਤੇ ਵਿਅਕਤੀਆਂ ਨੇ ਹਮਲਾ ਕਰਕੇ ਉਨ੍ਹਾਂ ਨੂੰ ਮੌਤ ਦੀ ਨੀਂਦ ਸੁਲਾ ਦਿੱਤਾ ਸੀ। ਇਸ ਹਮਲੇ ਦੀ ਜਿਥੇ ਦੇਸ਼ ਅਤੇ ਵਿਦੇਸ਼ 'ਚ ਨਿੰਦਾ ਹੋ ਰਹੀ ਹੈ ਉਥੇ ਹੀ ਮ੍ਰਿਤਕਾਂ ਦੇ ਪਰਿਵਾਰਕ ਮੈਂਬਰ ਬਹੁਤ ਜ਼ਿਆਦਾ ਦੁਖੀ ਅਤੇ ਪਰੇਸ਼ਾਨ ਹਨ। ਅੰਮ੍ਰਿਤਸਰ ਦੇ ਸਿਵਲ ਹਸਪਤਾਲ 'ਚ ਮ੍ਰਿਤਕਾਂ ਦਾ ਪੋਸਟਮਾਰਟਮ ਕਰਵਾਉਣ ਆਏ ਲੋਕਾਂ ਨੇ ਕਿਹਾ ਕਿ ਇਹ ਸਭ ਕੁਝ ਪ੍ਰਸ਼ਾਸਨ ਦੀ ਢਿੱਲੀ ਕਾਰਵਾਈ ਕਾਰਨ ਹੋ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਹਾਈ ਅਲਰਟ ਜਾਰੀ ਹੋਣ ਦੇ ਬਾਵਜੂਦ 2 ਵਿਅਕਤੀ ਗ੍ਰੇਡ ਅਤੇ ਪਿਸਤੌਲ ਲੈ ਕੇ ਅੰਦਰ ਦਾਖਲ ਹੋ ਕੇ ਬੰਬ ਧਮਾਕਾ ਕਰਕੇ ਚਲੇ ਜਾਂਦੇ ਹਨ। ਆਏ ਹੋਏ ਇਨ੍ਹਾਂ 2 ਹਮਲਾਵਰਾਂ ਨੂੰ ਨਾ ਤਾਂ ਆਉਣ ਲੱਗੇ ਗ੍ਰਿਫਤਾਰ ਕੀਤਾ ਗਿਆ ਅਤੇ ਨਾ ਹੀ ਜਾਣ ਲੱਗੇ। ਹਸਪਤਾਲ 'ਚ ਉਨ੍ਹਾਂ ਨੂੰ ਮ੍ਰਿਤਕਾਂ ਦਾ ਪੋਸਟਮਾਰਟਮ ਕਰਵਾਉਣ ਦਾ ਕਹਿ ਕੇ ਭੇਜ ਦਿੱਤਾ ਗਿਆ ਹੈ ਪਰ ਇਥੇ ਮੌਜੂਦ ਲੋਕਾਂ ਨੂੰ ਪੋਸਟਮਾਰਟਮ ਦੇ ਕਾਗਜ਼ਾਂ ਦੇ ਪੂਰਾ ਹੋਣ ਦੇ ਨਾਂ 'ਤੇ, ਡਾਕਟਰ ਗੈਰ-ਹਾਜ਼ਰ ਕਹਿ ਕੇ ਅਤੇ ਡੀ.ਸੀ. ਦੇ ਨਾਂ 'ਤੇ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ। ਪ੍ਰੇਸ਼ਾਨ ਹੋਏ ਮ੍ਰਿਤਕਾਂ ਦੇ ਪਰਿਵਾਰਕ ਮੈਂਬਰਾਂ ਗੁੱਸੇ 'ਚ ਕਿਹਾ ਕਿ ਹੁਣ ਤੱਕ ਕਿਸੇ ਵੀ ਅਧਿਕਾਰੀ ਨੇ ਉਨ੍ਹਾਂ ਦੀ ਕੋਈ ਸਾਰ ਤੱਕ ਨਹੀਂ ਲਈ।
