ਚੰਡੀਗੜ੍ਹ 'ਚ ਆਮ ਆਦਮੀ ਪਾਰਟੀ ਦਾ ਜ਼ਬਰਦਸਤ ਪ੍ਰਦਰਸ਼ਨ, ਪੁਲਸ ਨੇ ਕੀਤੀਆਂ ਪਾਣੀ ਦੀਆਂ ਵਾਛੜਾਂ (ਤਸਵੀਰਾਂ)
04/05/2022 3:03:43 PM
ਚੰਡੀਗੜ੍ਹ (ਭਗਵਤ) : ਚੰਡੀਗੜ੍ਹ 'ਚ ਪਾਣੀ ਦੇ ਰੇਟ ਘਟਾਉਣ ਦੇ ਮੁੱਦੇ 'ਤੇ ਸੈਕਟਰ-17 'ਚ ਆਮ ਆਦਮੀ ਪਾਰਟੀ ਨੇ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ। ਇਨ੍ਹਾਂ ਪ੍ਰਦਰਸ਼ਨਕਾਰੀਆਂ 'ਤੇ ਪੁਲਸ ਨੇ ਪਾਣੀ ਦੀਆਂ ਵਾਛੜਾਂ ਕੀਤੀਆਂ। ਪਾਰਟੀ ਦੇ ਕਾਰਕੁੰਨ ਬੈਰੀਕੇਡ ਤੋੜ ਕੇ ਨਗਰ ਨਿਗਮ ਦਫ਼ਤਰ ਜਾਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਜਿਸ ਦੌਰਾਨ ਪੁਲਸ ਨੂੰ ਹਲਕਾ ਲਾਠੀਚਾਰਜ ਵੀ ਕਰਨਾ ਪਿਆ। 'ਆਪ' ਆਗੂ ਪ੍ਰੇਮ ਗਰਗ, ਪਰਦੀਪ ਛਾਬੜਾ ਸਮੇਤ ਕਈ ਹੋਰ ਕੌਂਸਲਰ ਮੁੱਖ ਤੌਰ 'ਤੇ ਪੁੱਜੇ ਹੋਏ ਸਨ।
ਸ਼ਹਿਰ ਦੀਆਂ ਕਾਲੋਨੀਆਂ ਅਤੇ ਸੈਕਟਰਾਂ ਤੋਂ ਵੀ ਲੋਕ ਇੱਥੇ ਪ੍ਰਦਰਸ਼ਨ ਕਰਨ ਲਈ ਪੁੱਜੇ ਹੋਏ ਸਨ। ਕਰੀਬ ਅੱਧਾ ਦਰਜਨ ਬੱਸਾਂ 'ਚ ਇੱਥੇ ਪ੍ਰਦਰਸ਼ਨ ਕਰਨ ਲਈ ਕਾਰਕੁੰਨਾਂ ਨੂੰ ਲਿਆਂਦਾ ਗਿਆ ਸੀ।
ਪੁਲਸ ਨੇ ਬੈਰੀਕੇਡਿੰਗ ਕੀਤੀ ਹੋਈ ਸੀ। ਜਦੋਂ ਬੈਰੀਕੇਡ ਕਰਾਸ ਕਰਨ ਤੋਂ ਪੁਲਸ ਨੇ ਕਾਰਕੁੰਨਾਂ ਨੂੰ ਰੋਕਿਆ ਤਾਂ ਇਸ ਦੌਰਾਨ ਉਹ ਭੜਕ ਗਏ। ਪੁਲਸ ਨੇ ਜਵਾਬ 'ਚ ਪਾਣੀ ਦੀਆਂ ਵਾਛੜਾਂ ਕੀਤੀਆਂ। ਪਾਣੀ ਦੇ ਪ੍ਰੈਸ਼ਰ ਕਾਰਨ ਕਈ ਕਾਰਕੁੰਨ ਪਿੱਛੇ ਜਾ ਕੇ ਡਿਗ ਪਏ।
ਇਹ ਵੀ ਪੜ੍ਹੋ : ਅਹਿਮ ਖ਼ਬਰ : ਚੰਡੀਗੜ੍ਹ 'ਚ 2 ਸਾਲ ਬਾਅਦ ਮਿਲੀ 'ਮਾਸਕ' ਤੋਂ ਆਜ਼ਾਦੀ, ਹੁਣ ਨਹੀਂ ਕੱਟਿਆ ਜਾਵੇਗਾ ਚਲਾਨ
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ