Zomato ਨੇ ਪੇਸ਼ ਕੀਤਾ ਨਵਾਂ ਫੀਚਰ, ਮਨਪਸੰਦ ਖਾਣਾ ਕਦੇ ਵੀ ਕਰ ਸਕੋਗੇ Schedule

ਨੈਸ਼ਨਲ ਡੈਸਕ : ਕੀ ਤੁਸੀਂ ਵੀ ਕਦੇ-ਕਦਾਈਂ ਜਾਂ ਰੋਜ਼ਾਨਾ ਜ਼ੋਮੈਟੋ ਤੋਂ ਫੂਡ ਆਰਡਰ ਕਰਦੇ ਹੋ ਤਾਂ ਕੰਪਨੀ ਤੁਹਾਡੇ ਲਈ ਇੱਕ ਅਜਿਹਾ ਫੀਚਰ ਲੈ ਕੇ ਆਈ ਹੈ ਜਿਸ ਦੀ ਮਦਦ ਨਾਲ ਤੁਸੀਂ ਕਿਸੇ ਵੀ ਫੂਡ ਆਈਟਮ ਨੂੰ ਪ੍ਰੀ-ਆਰਡਰ ਕਰ ਸਕਦੇ ਹੋ। ਦਰਅਸਲ, ਕੰਪਨੀ ਨੇ 'ਆਰਡਰ ਸ਼ਡਿਊਲਿੰਗ' ਨਾਮ ਦਾ ਇੱਕ ਨਵਾਂ ਫੀਚਰ ਪੇਸ਼ ਕੀਤਾ ਹੈ ਜੋ ਉਪਭੋਗਤਾਵਾਂ ਨੂੰ ਆਪਣੇ ਭੋਜਨ ਦੀ ਡਿਲੀਵਰੀ 'ਤੇ ਪੂਰਾ ਨਿਯੰਤਰਣ ਦਿੰਦਾ ਹੈ, ਜਿਸ ਨਾਲ ਉਨ੍ਹਾਂ ਨੂੰ 2 ਘੰਟੇ ਤੋਂ 2 ਦਿਨ ਪਹਿਲਾਂ ਡਿਲੀਵਰੀ ਸ਼ਡਿਊਲ ਕਰਨ ਦੀ ਸਹੂਲਤ ਮਿਲਦੀ ਹੈ। ਇਹ ਸਹੂਲਤ ਵਰਤਮਾਨ 'ਚ ਦਿੱਲੀ, ਬੈਂਗਲੁਰੂ, ਮੁੰਬਈ, ਪੁਣੇ, ਰਾਏਪੁਰ, ਅਹਿਮਦਾਬਾਦ ਸਮੇਤ 30 ਸ਼ਹਿਰਾਂ 'ਚ 35,000 ਤੋਂ ਵੱਧ ਰੈਸਟੋਰੈਂਟਾਂ 'ਚ ਉਪਲਬਧ ਹੈ।

ਫੂਡ ਆਰਡਰ ਕਿਵੇਂ ਕਰੀਏ ਸ਼ੇਡਿਊਲ?
ਜੇਕਰ ਤੁਸੀਂ ਵੀ ਇਸ ਫੀਚਰ ਦੀ ਵਰਤੋਂ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਇਸਦੇ ਲਈ ਕੁਝ ਸਟੈਪਸ ਫਾਲੋ ਕਰਨੇ ਹੋਣਗੇ। ਇਸ ਦੇ ਲਈ, ਸਭ ਤੋਂ ਪਹਿਲਾਂ Zomato ਐਪ ਨੂੰ ਖੋਲ੍ਹੋ ਅਤੇ ਤੁਹਾਨੂੰ ਡਿਲੀਵਰੀ ਟੈਬ 'ਚ 'ਸਾਰੇ ਰੈਸਟੋਰੈਂਟ' ਸੈਕਸ਼ਨ ਦੇ ਹੇਠਾਂ 'ਸ਼ਡਿਊਲ' ਨਾਮ ਦਾ ਇੱਕ ਨਵਾਂ ਵਿਕਲਪ ਮਿਲੇਗਾ। ਇਸ 'ਤੇ ਟੈਪ ਕਰੋ, ਆਪਣੀ ਪਸੰਦੀਦਾ ਮਿਤੀ ਤੇ ਸਮਾਂ ਚੁਣੋ ਅਤੇ Zomato ਤੁਹਾਡੇ ਖੇਤਰ ਵਿੱਚ ਉਪਲਬਧ ਰੈਸਟੋਰੈਂਟਾਂ ਦੀ ਸੂਚੀ ਦਿਖਾਏਗਾ।

ਭੋਜਨ ਪਹਿਲਾਂ ਹੋ ਜਾਵੇਗਾ ਤਿਆਰ
ਹੁਣ, ਆਪਣਾ ਮਨਚਾਹਿਆ ਭੋਜਨ ਕਾਰਟ 'ਚ ਸ਼ਾਮਲ ਕਰੋ। ਜ਼ੋਮੈਟੋ ਹੁਣ ਤੁਹਾਨੂੰ ਇੱਕ ਕਾਰਡ ਦਿਖਾਏਗਾ ਜਿਸ 'ਚ ਲਿਖਿਆ ਹੋਵੇਗਾ 'ਇਹ ਇੱਕ ਸ਼ੇਡਿਊਲ ਡਿਲੀਵਰੀ ਹੈ' ਅਤੇ ਤੁਹਾਡਾ ਆਰਡਰ ਤੁਹਾਡੇ ਡਿਲੀਵਰੀ ਸਮੇਂ ਤੋਂ ਕੁਝ ਮਿੰਟ ਪਹਿਲਾਂ ਤਿਆਰ ਹੋ ਜਾਵੇਗਾ। ਜੇਕਰ ਤੁਸੀਂ ਆਪਣੀਆਂ ਯੋਜਨਾਵਾਂ ਬਦਲਦੇ ਹੋ ਜਾਂ ਸ਼ੇਡਿਊਲ ਭੋਜਨ ਡਿਲੀਵਰੀ ਨਹੀਂ ਚਾਹੁੰਦੇ ਹੋ ਤਾਂ ਐਪ ਤੁਹਾਨੂੰ ਨਿਰਧਾਰਤ ਸਮੇਂ ਤੋਂ ਤਿੰਨ ਮਿੰਟ ਪਹਿਲਾਂ ਤੁਹਾਡੇ ਆਰਡਰ ਨੂੰ ਰੱਦ ਕਰਨ ਦੇਵੇਗਾ।

ਟੈਸਟਿੰਗ ਅਗਸਤ 'ਚ ਹੋਈ ਸ਼ੁਰੂ
ਜ਼ੋਮੈਟੋ ਦਾ ਕਹਿਣਾ ਹੈ ਕਿ ਕੰਪਨੀ ਫਿਲਹਾਲ ਸਿਰਫ ਉਨ੍ਹਾਂ ਚੁਣੇ ਹੋਏ ਰੈਸਟੋਰੈਂਟਾਂ ਨੂੰ ਜੋੜ ਰਹੀ ਹੈ ਜਿਨ੍ਹਾਂ ਨੇ ਸਮੇਂ 'ਤੇ ਭੋਜਨ ਤਿਆਰ ਕੀਤਾ ਹੈ ਅਤੇ ਇਨ੍ਹਾਂ ਰੈਸਟੋਰੈਂਟਾਂ ਨੂੰ ਸਮੇਂ ਤੋਂ ਪਹਿਲਾਂ ਸੂਚਿਤ ਕੀਤਾ ਜਾਵੇਗਾ ਤਾਂ ਜੋ ਉਨ੍ਹਾਂ ਕੋਲ ਆਰਡਰ ਤਿਆਰ ਕਰਨ ਅਤੇ ਡਿਲੀਵਰ ਕਰਨ ਲਈ ਸਮਾਂ ਹੋਵੇ। ਜੋ ਲੋਕ ਸੋਚ ਰਹੇ ਹਨ, ਉਨ੍ਹਾਂ ਨੂੰ ਦੱਸ ਦੇਈਏ ਕਿ ਜ਼ੋਮੈਟੋ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਅਗਸਤ ਵਿੱਚ ਇਸ ਵਿਸ਼ੇਸ਼ਤਾ ਦੀ ਜਾਂਚ ਸ਼ੁਰੂ ਕੀਤੀ ਸੀ, ਪਰ ਇਹ 1,000 ਰੁਪਏ ਜਾਂ ਇਸ ਤੋਂ ਵੱਧ ਦੀ ਡਿਲੀਵਰੀ ਤੱਕ ਸੀਮਿਤ ਸੀ ਅਤੇ ਸਿਰਫ ਚੋਣਵੇਂ ਸ਼ਹਿਰਾਂ 'ਚ ਉਪਲਬਧ ਸੀ।