ਪ੍ਰੇਮਿਕਾ ਨੂੰ ਮਿਲਣ ਆਏ ਨੌਜਵਾਨ ਦਾ ਕਤਲ, ਪ੍ਰਾਈਵੇਟ ਪਾਰਟ ''ਚ ਪਾਈਆਂ ਮਿਰਚਾਂ ਤੇ ਪੈਟਰੋਲ

ਭਿੰਡ (ਦੇਵੇਸ਼ ਚਤੁਰਵੇਦੀ) : ਭਿੰਡ 'ਚ ਇਕ ਨੌਜਵਾਨ ਦਾ ਡੰਡਿਆਂ ਨਾਲ ਕੁੱਟ-ਕੁੱਟ ਕੇ ਕਤਲ ਕਰ ਦਿੱਤਾ ਗਿਆ। ਨੌਜਵਾਨ ਆਪਣੀ ਪ੍ਰੇਮਿਕਾ ਨੂੰ ਮਿਲਣ ਗਿਆ ਸੀ, ਜਿੱਥੇ ਲੜਕੀ ਦੇ ਪਰਿਵਾਰ ਵਾਲਿਆਂ ਨੇ ਦੋਵਾਂ ਨੂੰ ਇਤਰਾਜ਼ਯੋਗ ਹਾਲਤ 'ਚ ਫੜ ਲਿਆ। ਪਰਿਵਾਰਕ ਮੈਂਬਰਾਂ ਨੇ ਨੌਜਵਾਨ ਨੂੰ ਬੰਧਕ ਬਣਾ ਕੇ ਰਾਤ ਭਰ ਕੁੱਟਮਾਰ ਕੀਤੀ ਅਤੇ ਉਸ ਦੇ ਗੁਪਤ ਅੰਗਾਂ 'ਤੇ ਮਿਰਚਾਂ ਅਤੇ ਪੈਟਰੋਲ ਪਾ ਦਿੱਤਾ। ਲੜਕੀ ਨੇ ਕੁੱਟਮਾਰ ਦੀ ਸੂਚਨਾ ਲੜਕੇ ਦੇ ਪਰਿਵਾਰ ਵਾਲਿਆਂ ਨੂੰ ਦਿੱਤੀ ਪਰ ਉਨ੍ਹਾਂ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਨੌਜਵਾਨ ਦੀ ਮੌਤ ਹੋ ਚੁੱਕੀ ਸੀ। ਨੌਜਵਾਨ ਦੇ ਪਰਿਵਾਰ ਵਾਲਿਆਂ ਦੀ ਸ਼ਿਕਾਇਤ 'ਤੇ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਨੌਜਵਾਨ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਉਥੇ ਹੀ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।

ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਅਟੇਰ ਥਾਣਾ ਅਧੀਨ ਪੈਂਦੇ ਪਿੰਡ ਖੀਪੌਨਾ ਦੀ ਹੈ। ਜਿੱਥੇ ਭਿੰਡ ਸ਼ਹਿਰ ਦੇ ਸ਼ਾਸਤਰੀ ਨਗਰ ਬੀ ਬਲਾਕ ਵਿੱਚ ਰਹਿਣ ਵਾਲਾ 23 ਸਾਲਾ ਅਮਿਤ ਕਟਾਰੇ ਪੁੱਤਰ ਰਾਮਕਿਸ਼ੋਰ ਕਟਾਰੇ ਵਾਸੀ ਖਾਦਿਤ ਥਾਣਾ ਅਤਰ ਭਿੰਡ ਸ਼ਹਿਰ ਬੀਏ ਦੀ ਪੜ੍ਹਾਈ ਕਰ ਰਿਹਾ ਸੀ। ਨੌਜਵਾਨ ਰੱਖੜੀ ਦੇ ਤਿਉਹਾਰ 'ਤੇ ਆਪਣੇ ਘਰ ਗਿਆ ਹੋਇਆ ਸੀ। ਬੁੱਧਵਾਰ ਸ਼ਾਮ ਕਰੀਬ 4.15 ਵਜੇ ਅਮਿਤ ਆਪਣੇ ਦੋ ਦੋਸਤਾਂ ਨਾਲ ਬਾਈਕ 'ਤੇ ਘਰੋਂ ਇਹ ਕਹਿ ਕੇ ਨਿਕਲਿਆ ਸੀ ਕਿ ਉਹ ਭਿੰਡ ਜਾ ਰਿਹਾ ਹੈ। ਪਰ ਭਿੰਡ ਵਿਚ ਨਾ ਆਉਂਦੇ ਹੋਏ ਰਾਤ ਕਰੀਬ 10 ਵਜੇ ਪਿੰਡ ਖਾਦਿਤ ਵਿਚ ਕਾਲੀਚਰਨ ਸ਼ਰਮਾ ਦੇ ਘਰ ਪਹੁੰਚ ਗਿਆ। ਉਸ ਦਾ ਇਕ ਦੋਸਤ ਅਮਿਤ ਨਾਲ ਅੰਦਰ ਗਿਆ ਸੀ, ਜਦਕਿ ਦੂਜਾ ਬਾਹਰ ਖੜ੍ਹਾ ਸੀ।

ਰਾਤ ਕਰੀਬ 1 ਵਜੇ ਜਦੋਂ ਪ੍ਰੇਮਿਕਾ ਦੇ ਪਿਤਾ ਕਾਲੀਚਰਨ ਸ਼ਰਮਾ ਅਤੇ ਪੁੱਤਰ ਕਮਲੇਸ਼ ਸ਼ਰਮਾ ਜਾਗ ਪਏ ਤਾਂ ਉਹ ਆਪਣੀ ਲੜਕੀ ਨੂੰ ਕਿਸੇ ਅਜਨਬੀ ਨਾਲ ਦੇਖ ਕੇ ਭੜਕ ਗਏ। ਉਨ੍ਹਾਂ ਨੇ ਭਰਾਵਾਂ ਗਿਰੀਸ਼ ਸ਼ਰਮਾ ਅਤੇ ਅੰਬਰੀਸ਼ ਸ਼ਰਮਾ ਨੂੰ ਬੁਲਾਇਆ ਅਤੇ ਨੌਜਵਾਨ ਨੂੰ ਰੱਸੀ ਨਾਲ ਬੰਨ੍ਹ ਕੇ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਇਸ ਦੌਰਾਨ ਨੌਜਵਾਨ ਦੇ ਗੁਪਤ ਅੰਗ ਵਿੱਚ ਮਿਰਚ ਪਾਊਡਰ ਅਤੇ ਪੈਟਰੋਲ ਵੀ ਪਾ ਦਿੱਤਾ ਗਿਆ।

ਇਸ ਦੌਰਾਨ ਲੜਕੀ ਨੇ ਲੜਕੇ ਦੇ ਪਰਿਵਾਰ ਵਾਲਿਆਂ ਨੂੰ ਘਟਨਾ ਦੀ ਸੂਚਨਾ ਦਿੱਤੀ। ਪਰ ਉਨ੍ਹਾਂ ਦੇ ਉੱਥੇ ਪਹੁੰਚਣ ਤੋਂ ਪਹਿਲਾਂ ਹੀ ਨੌਜਵਾਨ ਦੀ ਮੌਤ ਹੋ ਚੁੱਕੀ ਸੀ। ਪਰਿਵਾਰਕ ਮੈਂਬਰਾਂ ਦੀ ਸ਼ਿਕਾਇਤ 'ਤੇ ਥਾਣਾ ਅਤਰ ਦੀ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਜ਼ਿਲ੍ਹਾ ਹਸਪਤਾਲ ਪਹੁੰਚਾਇਆ। ਪੁਲਸ ਨੇ ਦੋਸ਼ੀਆਂ ਖਿਲਾਫ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।