ਵਿਸ਼ਵ ਬੈਂਕ ਦੇ ਪ੍ਰਧਾਨ ਅਜੇ ਬੰਗਾ ਦਾ ਨਾਂ ਅਮਰੀਕਾ ਦੇ ਮਹਾਨ ਪ੍ਰਵਾਸੀਆਂ ਦੀ ਸੂਚੀ 'ਚ ਸ਼ਾਮਲ

ਨਿਊਯਾਰਕ : ਅਮਰੀਕਾ 'ਚ ਨਿਊਯਾਰਕ ਦੇ ਕਾਰਨੇਗੀ ਕਾਰਪੋਰੇਸ਼ਨ ਦੁਆਰਾ ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਮਹਾਨ ਪ੍ਰਵਾਸੀਆਂ ਦੀ ਇਸ ਸਾਲ ਦੀ ਸੂਚੀ ਵਿੱਚ ਵਿਸ਼ਵ ਬੈਂਕ ਦੇ ਪ੍ਰਧਾਨ ਅਜੇ ਬੰਗਾ, ਆਸਕਰ ਜੇਤੂ ਹੂਈ ਕਿਆਂਗ, ਗਾਇਕ-ਗੀਤਕਾਰ ਅਲਾਨਿਸ ਮੋਰੀਸੇਟ ਅਤੇ ਅਭਿਨੇਤਾ ਪੇਡਰੋ ਪਾਸਕਲ ਸ਼ਾਮਲ ਹਨ। ਫਾਊਂਡੇਸ਼ਨ ਦੇਸ਼ ਵਿੱਚ ਪ੍ਰਵਾਸੀਆਂ ਦੇ ਯੋਗਦਾਨ ਅਤੇ ਲੋਕਤੰਤਰ ਨੂੰ ਮਜ਼ਬੂਤ ਕਰਨ ਵਿੱਚ ਉਨ੍ਹਾਂ ਦੇ ਯੋਗਦਾਨ ਨੂੰ ਦਰਸਾਉਣ ਲਈ 2006 ਤੋਂ ਉੱਘੇ ਪ੍ਰਵਾਸੀ ਅਮਰੀਕੀਆਂ ਦੀ ਸਾਲਾਨਾ ਸੂਚੀ ਤਿਆਰ ਕਰ ਰਹੀ ਹੈ।

ਇਹ ਵੀ ਪੜ੍ਹੋ : ਫਰਾਂਸ 'ਚ ਟ੍ਰੈਫਿਕ ਨਿਯਮ ਤੋੜਨ 'ਤੇ ਪੁਲਸ ਨੇ 17 ਸਾਲਾ ਲੜਕੇ ਨੂੰ ਮਾਰੀ ਗੋਲ਼ੀ, ਮੌਤ ਤੋਂ ਬਾਅਦ ਭੜਕੇ ਲੋਕ

ਨਿਊਯਾਰਕ ਦੇ ਕਾਰਨੇਗੀ ਕਾਰਪੋਰੇਸ਼ਨ ਦੇ ਪ੍ਰਧਾਨ ਅਤੇ ਆਇਰਿਸ਼ 'ਚ ਜਨਮੇ ਡੇਮ ਲੁਈਸ ਰਿਚਰਡਸਨ ਨੇ ਕਿਹਾ, ''ਇਹ ਅਸਾਧਾਰਨ ਲੋਕ ਹਨ। ਮੈਨੂੰ ਲੱਗਦਾ ਹੈ ਕਿ ਅਮਰੀਕਾ ਵਿੱਚ ਵੱਡਾ ਯੋਗਦਾਨ ਪਾਉਣ ਵਾਲੇ ਇਨ੍ਹਾਂ ਲੋਕਾਂ ਦੀਆਂ ਹਰ ਸਾਲ ਸ਼ਾਨਦਾਰ ਸਾਕਾਰਾਤਮਕ ਕਹਾਣੀਆਂ ਨੂੰ ਪੇਸ਼ ਕਰਨਾ ਮਹੱਤਵਪੂਰਨ ਹੈ।'' ਹਾਲਾਂਕਿ, ਉਨ੍ਹਾਂ ਸਵੀਕਾਰ ਕੀਤਾ ਕਿ ਇਮੀਗ੍ਰੇਸ਼ਨ ਦਾ ਮੁੱਦਾ ਵਧੇਰੇ ਸਿਆਸੀ ਬਣ ਗਿਆ ਹੈ। ਇਸ ਸਾਲ ਦੀ ਸੂਚੀ 'ਚ 6 ਮਹਾਦੀਪਾਂ ਦੇ 33 ਦੇਸ਼ਾਂ ਦੇ 35 ਸਨਮਾਨਿਤ ਵਿਅਕਤੀ ਸ਼ਾਮਲ ਹਨ, ਜੋ ਉੱਦਮ ਤੋਂ ਲੈ ਕੇ ਸਿੱਖਿਆ ਅਤੇ ਕਲਾ ਤੱਕ ਦੇ ਖੇਤਰਾਂ ਵਿੱਚ ਮੋਹਰੀ ਹਨ।

ਇਹ ਵੀ ਪੜ੍ਹੋ : ਅਮਰੀਕੀ ਪੌਪ ਗਾਇਕਾ ਮੈਡੋਨਾ ਦੀ ਹਾਲਤ ਨਾਜ਼ੁਕ, ਕਈ ਦਿਨਾਂ ਤੋਂ ICU 'ਚ ਹੈ ਦਾਖਲ

ਇਨ੍ਹਾਂ 'ਚ ਵਿਸ਼ਵ ਬੈਂਕ ਦੇ ਭਾਰਤੀ ਮੂਲ ਦੇ ਪ੍ਰਧਾਨ ਅਜੇ ਬੰਗਾ, ਇਰਾਕੀ ਮੂਲ ਦੇ ਫੋਟੋਗ੍ਰਾਫਰ ਵਸਾਮ ਅਲ-ਬਦਰੀ, ਪੋਲੈਂਡ ਦੇ ਨੋਬਲ ਪੁਰਸਕਾਰ ਜੇਤੂ ਰੋਲਡ ਹਾਫਮੈਨ, ਯੂਨੀਸੈਫ ਦੇ ਸਦਭਾਵਨਾ ਰਾਜਦੂਤ ਅਤੇ ਬੇਨਿਨ ਮੂਲ ਦੀ ਗਾਇਕਾ ਐਂਜਲਿਕ ਕਿਡਜੋ, ਵਿਸ਼ਵ ਵਪਾਰ ਸੰਗਠਨ ਦੇ ਡਾਇਰੈਕਟਰ-ਜਨਰਲ ਅਤੇ ਨਾਈਜੀਰੀਅਨ ਮੂਲ ਦੀ ਗੋਜੀ ਓਕੋਂਜੋ ਇਵਿਆਲਾ ਅਤੇ ਹੰਗਰੀ ਦੇ ਰਹਿਣ ਵਾਲੇ ਸ਼ਤਰੰਜ ਗ੍ਰੈਂਡਮਾਸਟਰ ਸੂਜ਼ਾਨ ਪੋਲਗਰ ਦੇ ਨਾਂ ਸ਼ਾਮਲ ਸਨ। 

ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।