ਪੱਛਮੀ ਬੰਗਾਲ ਚੋਣਾਂ ''ਚ BJP ਉਮੀਦਵਾਰ ਦੀ ਭੰਨ੍ਹ''ਤੀ ਗੱਡੀ, ਹਾਵੜਾ ''ਚ ਖ਼ਰਾਬ EVM ਪਿੱਛੇ ਪੈ ਗਿਆ ਪੰਗਾ

ਕੋਲਕਾਤਾ- ਪੱਛਮੀ ਬੰਗਾਲ 'ਚ 142 ਸੀਟਾਂ ਲਈ ਦੂਜੇ ਪੜਾਅ ਲਈ ਵੋਟਿੰਗ ਜਾਰੀ ਹੈ। ਸਵੇਰੇ 11 ਵਜੇ ਤੱਕ ਵੋਟਰਾਂ ਦੀ ਗਿਣਤੀ 39.97% ਤੱਕ ਪਹੁੰਚ ਗਈ ਹੈ। ਲੋਕ ਸਵੇਰੇ 5:30 ਵਜੇ ਤੋਂ ਹੀ ਪੋਲਿੰਗ ਬੂਥਾਂ 'ਤੇ ਪਹੁੰਚਣੇ ਸ਼ੁਰੂ ਹੋ ਗਏ ਸਨ। ਜ਼ਿਆਦਾਤਰ ਬੂਥਾਂ 'ਤੇ ਔਰਤਾਂ ਦੀਆਂ ਲੰਬੀਆਂ ਲਾਈਨਾਂ ਲੱਗ ਗਈਆਂ।

ਦੱਖਣੀ 24 ਪਰਗਨਾ ਜ਼ਿਲ੍ਹੇ 'ਚ, ਭਾਜਪਾ ਉਮੀਦਵਾਰ ਵਿਕਾਸ ਸਰਦਾਰ ਨੇ ਕਿਹਾ ਕਿ ਟੀਐੱਮਸੀ ਦੇ ਗੁੰਡਿਆਂ ਨੇ ਉਸ ਦੀ ਕਾਰ ਦੀਆਂ ਖਿੜਕੀਆਂ ਤੋੜ ਦਿੱਤੀਆਂ ਅਤੇ ਉਸ ਦੇ ਸੁਰੱਖਿਆ ਗਾਰਡ ਦੀ ਬੰਦੂਕ ਖੋਹਣ ਦੀ ਕੋਸ਼ਿਸ਼ ਕੀਤੀ। ਨਦੀਆ ਦੇ ਛਪਰਾ 'ਚ ਇਕ ਭਾਜਪਾ ਏਜੰਟ ਨੇ ਟੀਐੱਮਸੀ ਵਰਕਰਾਂ 'ਤੇ ਡੰਡਿਆਂ ਅਤੇ ਰਾਡਾਂ ਨਾਲ ਹਮਲਾ ਕਰਨ ਦਾ ਦੋਸ਼ ਲਗਾਇਆ।

ਇਸ ਦੌਰਾਨ, ਹਾਵੜਾ ਦੇ ਬਾਲੀ 'ਚ, ਕਥਿਤ ਈਵੀਐੱਮ ਖਰਾਬੀ ਨੂੰ ਲੈ ਕੇ ਹੰਗਾਮਾ ਹੋਇਆ। ਸੀਆਰਪੀਐੱਫ ਨੇ ਦੋ ਲੋਕਾਂ ਨੂੰ ਹਿਰਾਸਤ 'ਚ ਲੈ ਲਿਆ। ਹੁਗਲੀ ਜ਼ਿਲ੍ਹੇ ਦੇ ਖਾਨਕੁਲ 'ਚ, ਇਕ ਬੂਥ 'ਤੇ ਨਕਲੀ ਪੋਲਿੰਗ ਏਜੰਟਾਂ ਦੀ ਤਾਇਨਾਤੀ ਨੂੰ ਲੈ ਕੇ ਟੀਐਮਸੀ ਅਤੇ ਆਈਐੱਸਐੱਫ ਸਮਰਥਕਾਂ ਵਿਚਕਾਰ ਝੜਪ ਹੋ ਗਈ। 2021 ਦੀਆਂ ਵਿਧਾਨ ਸਭਾ ਚੋਣਾਂ 'ਚ, ਟੀਐੱਮਸੀ ਨੇ ਇਨ੍ਹਾਂ 142 ਸੀਟਾਂ 'ਚੋਂ 123 ਸੀਟਾਂ ਜਿੱਤੀਆਂ। 23 ਅਪ੍ਰੈਲ ਨੂੰ 152 ਸੀਟਾਂ 'ਤੇ ਪਹਿਲੇ ਪੜਾਅ 'ਚ ਰਿਕਾਰਡ 93% ਵੋਟਿੰਗ ਦਰਜ ਕੀਤੀ ਗਈ। ਨਤੀਜੇ 4 ਮਈ ਨੂੰ ਐਲਾਨੇ ਜਾਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e