1 ਲੀਟਰ ਇਥਾਨੌਲ ਤਿਆਰ ਕਰਨ ਲਈ 10,000 ਲੀਟਰ ਪਾਣੀ ! ਦੇਸ਼ ਲਈ ਖੜ੍ਹਾ ਹੋ ਸਕਦੈ ਵੱਡਾ ਜਲ ਸੰਕਟ

ਨੈਸ਼ਨਲ ਡੈਸਕ- ਭਾਰਤ ਸਰਕਾਰ ਵੱਲੋਂ ਪੈਟਰੋਲ ਵਿੱਚ ਇਥਾਨੌਲ ਮਿਲਾਉਣ ਦੀ ਮੁਹਿੰਮ, ਜਿਸ ਨੂੰ 'ਗ੍ਰੀਨ ਐਨਰਜੀ' ਵਜੋਂ ਪੇਸ਼ ਕੀਤਾ ਜਾ ਰਿਹਾ ਹੈ, ਦੇਸ਼ ਲਈ ਇੱਕ ਨਵਾਂ ਜਲ ਸੰਕਟ ਖੜ੍ਹਾ ਕਰ ਸਕਦੀ ਹੈ। ਨੀਤੀ ਆਯੋਗ ਦੇ 'ਕੰਪੋਜ਼ਿਟ ਵਾਟਰ ਮੈਨੇਜਮੈਂਟ ਇੰਡੈਕਸ' ਅਤੇ ਮਾਹਿਰਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਇਥਾਨੌਲ ਉਤਪਾਦਨ ਲਈ ਪਾਣੀ ਦੀ ਬਹੁਤ ਜ਼ਿਆਦਾ ਵਰਤੋਂ ਕੀਤੀ ਜਾ ਰਹੀ ਹੈ, ਜੋ ਆਉਣ ਵਾਲੇ ਸਮੇਂ ਵਿੱਚ ਪੀਣ ਵਾਲੇ ਪਾਣੀ ਦੀ ਭਾਰੀ ਕਿੱਲਤ ਪੈਦਾ ਕਰ ਸਕਦੀ ਹੈ।

ਰਿਪੋਰਟ ਅਨੁਸਾਰ, ਚੌਲਾਂ ਤੋਂ ਇੱਕ ਲੀਟਰ ਇਥਾਨੌਲ ਤਿਆਰ ਕਰਨ ਲਈ ਲਗਭਗ 10,790 ਲੀਟਰ ਪਾਣੀ ਦੀ ਲੋੜ ਹੁੰਦੀ ਹੈ। ਇਸੇ ਤਰ੍ਹਾਂ ਮੱਕੀ ਲਈ 4,670 ਲੀਟਰ ਅਤੇ ਗੰਨੇ ਲਈ 3,630 ਲੀਟਰ ਪਾਣੀ ਵਰਤਿਆ ਜਾਂਦਾ ਹੈ। ਨੀਤੀ ਆਯੋਗ ਅਨੁਸਾਰ ਸਾਲ 2030 ਤੱਕ ਭਾਰਤ ਦੇ 21 ਪ੍ਰਮੁੱਖ ਸ਼ਹਿਰਾਂ (ਜਿਵੇਂ ਦਿੱਲੀ, ਬੈਂਗਲੁਰੂ ਅਤੇ ਚੇਨਈ) ਵਿੱਚ ਜ਼ਮੀਨੀ ਪਾਣੀ ਦਾ ਪੱਧਰ 'ਜ਼ੀਰੋ' ਤੱਕ ਪਹੁੰਚ ਸਕਦਾ ਹੈ।

ਇਹ ਵੀ ਪੜ੍ਹੋ- ਲਿਫਾਫਿਆਂ 'ਚ LPG ! ਪਾਕਿਸਤਾਨ 'ਚ ਹੋਇਆ ਬੁਰਾ ਹਾਲ, 'ਤੁਰਦੇ-ਫਿਰਦੇ' ਬੰਬ ਬਣ ਗਏ ਲੋਕ

ਸਰਕਾਰ ਨੇ ਸਾਲ 2025-26 ਲਈ ਇਥਾਨੌਲ ਉਤਪਾਦਨ ਵਾਸਤੇ 90 ਲੱਖ ਟਨ ਚੌਲਾਂ ਦਾ ਕੋਟਾ ਤੈਅ ਕੀਤਾ ਹੈ। ਗਰੀਬਾਂ ਨੂੰ ਵੰਡੇ ਜਾਣ ਵਾਲੇ ਚੌਲਾਂ ਵਿੱਚ ਕਟੌਤੀ ਕਰ ਕੇ ਉਸ ਨੂੰ ਸ਼ਰਾਬ ਬਣਾਉਣ ਵਾਲੀਆਂ ਭੱਠੀਆਂ ਨੂੰ ਦਿੱਤਾ ਜਾ ਰਿਹਾ ਹੈ। ਮਹਾਰਾਸ਼ਟਰ ਵਿੱਚ 396 ਕਰੋੜ ਲੀਟਰ ਇਥਾਨੌਲ ਉਤਪਾਦਨ ਦੀ ਸਮਰੱਥਾ ਹੈ, ਜਦਕਿ ਇਸ ਦੇ ਵਿਦਰਭ ਅਤੇ ਮਾਰਾਠਵਾੜਾ ਵਰਗੇ ਇਲਾਕੇ ਪਹਿਲਾਂ ਹੀ ਸੋਕੇ ਦੀ ਮਾਰ ਝੱਲ ਰਹੇ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਚੌਲਾਂ ਦੀ ਫ਼ਸਲ ਲਈ ਪੰਜਾਬ ਅਤੇ ਹਰਿਆਣਾ ਦੇ ਕਿਸਾਨਾਂ ਨੂੰ ਜ਼ਮੀਨੀ ਪਾਣੀ ਖ਼ਤਮ ਕਰਨ ਲਈ ਜ਼ਿੰਮੇਵਾਰ ਠਹਿਰਾਇਆ ਜਾਂਦਾ ਸੀ, ਹੁਣ ਉਸੇ ਫ਼ਸਲ ਦੀ ਵਰਤੋਂ ਉਦਯੋਗਿਕ ਪੱਧਰ 'ਤੇ ਤੇਲ ਬਣਾਉਣ ਲਈ ਕੀਤੀ ਜਾ ਰਹੀ ਹੈ।

ਇਥਾਨੌਲ ਮਿੱਲਾਂ ਵਿੱਚੋਂ ਨਿਕਲਣ ਵਾਲਾ ਗੰਦਾ ਪਾਣੀ ਜੇਕਰ ਸਹੀ ਢੰਗ ਨਾਲ ਸਾਫ਼ ਨਾ ਕੀਤਾ ਜਾਵੇ, ਤਾਂ ਇਹ ਜ਼ਮੀਨ ਹੇਠਲੇ ਅਤੇ ਸਤਹੀ ਪਾਣੀ ਨੂੰ ਜ਼ਹਿਰੀਲਾ ਬਣਾ ਸਕਦਾ ਹੈ। ਰਿਪੋਰਟ ਅਨੁਸਾਰ, ਜਦੋਂ ਕਿਸਾਨ 1 ਕਿਲੋ ਚੌਲ ਉਗਾਉਣ ਲਈ 3000-5000 ਲੀਟਰ ਪਾਣੀ ਵਰਤਦਾ ਹੈ, ਤਾਂ ਉਸ ਦੀ ਆਲੋਚਨਾ ਹੁੰਦੀ ਹੈ। ਪਰ ਜਦੋਂ ਉਦਯੋਗ 1 ਲੀਟਰ ਬਾਲਣ ਲਈ 10,000 ਲੀਟਰ ਪਾਣੀ ਫੂਕਦੇ ਹਨ, ਤਾਂ ਉਸ ਨੂੰ 'ਸਾਫ਼ ਊਰਜਾ' ਕਿਹਾ ਜਾਂਦਾ ਹੈ।

ਇਹ ਵੀ ਪੜ੍ਹੋ- ਅਮਰੀਕਾ ਦੀ ਸੜਕ ਵਿਚਾਲੇ ਲੜ ਪਏ 4 ਪੰਜਾਬੀ ! ਹੁਣ ਹੋਣਗੇ ਡਿਪੋਰਟ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e