ਉੱਤਰ 24 ਪਰਗਨਾ ’ਚ ਸੜਕ ਕੰਢਿਓਂ ਮਿਲੀਆਂ VVPAT ਸਲਿੱਪਾਂ, ਚੋਣ ਕਮਿਸ਼ਨ ਨੇ ਮੰਗੀ ਰਿਪੋਰਟ

ਕੋਲਕਾਤਾ - ਪੱਛਮੀ ਬੰਗਾਲ ਦੇ ਉੱਤਰ 24 ਪਰਗਨਾ ਜ਼ਿਲੇ ’ਚ ਵੋਟਾਂ ਦੀ ਗਿਣਤੀ ਤੋਂ ਪਹਿਲਾਂ ਵੀ. ਵੀ. ਪੈਟ ਸਲਿੱਪਾਂ ਮਿਲਣ ਦੀ ਘਟਨਾ ਨੇ ਪ੍ਰਸ਼ਾਸਨ ਅਤੇ ਸਿਆਸੀ ਹਲਕਿਆਂ ’ਚ ਹਲਚਲ ਪੈਦਾ ਕਰ ਦਿੱਤੀ ਹੈ। ਸੜਕ ਕੰਢੇ ਪਈਆਂ ਇਨ੍ਹਾਂ ਸਲਿੱਪਾਂ ਨੂੰ ਦੇਖ ਕੇ ਸਥਾਨਕ ਪੱਧਰ ’ਤੇ ਕਈ ਸਵਾਲ ਖੜ੍ਹੇ ਹੋ ਗਏ ਹਨ।

ਜਾਣਕਾਰੀ ਅਨੁਸਾਰ ਮੱਧਗ੍ਰਾਮ ਵਿਧਾਨ ਸਭਾ ਖੇਤਰ ਅਧੀਨ ਨੀਲਗੰਜ ਸੁਭਾਸ਼ ਨਗਰ ’ਚ ਪੈਟਰੋਲ ਪੰਪ ਨੇੜੇ ਸੜਕ ਕੰਢੇ ਕੁਝ ਵੀ. ਵੀ. ਪੈਟ ਸਲਿੱਪਾਂ ਪਈਆਂ ਹੋਈਆਂ ਮਿਲੀਆਂ। ਇਸ ਘਟਨਾ ਤੋਂ ਬਾਅਦ ਇਲਾਕੇ ’ਚ ਚਰਚਾ ਤੇਜ਼ ਹੋ ਗਈ।

ਇਹ ਪੂਰਾ ਮਾਮਲਾ ਦਮਦਮ-ਬੈਰਕਪੁਰ ਸੰਗਠਨਾਤਮਕ ਜ਼ਿਲੇ ਦੇ ਅਧੀਨ ਆਉਂਦਾ ਹੈ। ਫਿਲਹਾਲ ਇਹ ਸਾਫ਼ ਨਹੀਂ ਹੋ ਸਕਿਆ ਹੈ ਕਿ ਇਹ ਸਲਿੱਪਾਂ ਸੜਕ ਤੱਕ ਕਿਵੇਂ ਪੁੱਜੀਆਂ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਚੋਣ ਕਮਿਸ਼ਨ ਨੇ ਉੱਤਰ 24 ਪਰਗਨਾ ਦੇ ਡੀ. ਈ. ਓ. ਤੋਂ ਵਿਸਥਾਰਤ ਰਿਪੋਰਟ ਤਲਬ ਕੀਤੀ ਹੈ।