ਪੁਲਸ ਨਾਲ ਹੱਥੋਪਾਈ ਮਗਰੋਂ ਭਾਵੁਕ ਹੋਈ ਵਿਨੇਸ਼ ਫੋਗਾਟ, ਕਿਹਾ- ਕੀ ਅਸੀਂ ਇਹ ਦਿਨ ਦੇਖਣ ਲਈ ਮੈਡਲ ਲਿਆਏ ਹਾਂ?
05/04/2023 3:40:07 PM
ਨਵੀਂ ਦਿੱਲੀ- ਜਿਨਸੀ ਸ਼ੋਸ਼ਣ ਦੇ ਦੋਸ਼ਾਂ ਦੇ ਸਬੰਧ ਵਿਚ ਭਾਰਤੀ ਕੁਸ਼ਤੀ ਫੈਡਰੇਸ਼ਨ ਦੇ ਮੁਖੀ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਦੀ ਗ੍ਰਿਫ਼ਤਾਰੀ ਦੀ ਮੰਗ ਨੂੰ ਲੈ ਕੇ ਇੱਥੇ ਜੰਤਰ-ਮੰਤਰ ਵਿਖੇ ਪ੍ਰਦਰਸ਼ਨ ਕਰ ਰਹੇ ਪਹਿਲਵਾਨਾਂ ਅਤੇ ਕੁਝ ਪੁਲਸ ਮੁਲਾਜ਼ਮਾਂ ਵਿਚਾਲੇ ਬੁੱਧਵਾਰ ਰਾਤ ਨੂੰ 'ਹੱਥੋਪਾਈ' ਹੋ ਗਈ, ਜਿਸ ਕਾਰਨ ਕੁੱਝ ਪ੍ਰਦਰਸ਼ਨਕਾਰੀਆਂ ਦੇ ਸਿਰ 'ਤੇ ਸੱਟਾਂ ਲੱਗ ਗਈਆਂ ਹਨ। ਪਹਿਲਵਾਨਾਂ ਨੇ ਦੋਸ਼ ਲਾਇਆ ਕਿ ਲਗਾਤਾਰ ਮੀਂਹ ਪੈਣ ਕਾਰਨ ਗੱਦੇ ਗਿੱਲੇ ਹੋ ਗਏ ਸਨ, ਇਸ ਲਈ ਅਸੀਂ ਸੌਣ ਲਈ ਫੋਲਡਿੰਗ ਬੈੱਡ ਲਾ ਰਹੇ ਸੀ ਪਰ ਪੁਲਸ ਨੇ ਇਜਾਜ਼ਤ ਨਹੀਂ ਦਿੱਤੀ। ਇਸ ਤੋਂ ਬਾਅਦ ਪਹਿਲਵਾਨਾਂ ਅਤੇ ਪੁਲਸ ਵਿਚਾਲੇ ਹੱਥੋਪਾਈ ਹੋ ਗਈ। ਵਿਨੇਸ਼ ਫੋਗਾਟ ਇਸ ਤੋਂ ਦੁਖੀ ਹੋ ਗਈ ਅਤੇ ਅੱਧੀ ਰਾਤ ਨੂੰ ਪ੍ਰੈਸ ਕਾਨਫਰੰਸ ਦੌਰਾਨ ਉਹ ਰੋਣ ਲੱਗ ਪਈ।
ਇਹ ਵੀ ਪੜ੍ਹੋ: ਸੁਪਰੀਮ ਕੋਰਟ 'ਚ ਮਹਿਲਾ ਪਹਿਲਵਾਨਾਂ ਦਾ ਕੇਸ ਬੰਦ, ਕੋਰਟ ਨੇ ਕਹੀ ਇਹ ਗੱਲ
देश के खिलाड़ियों के साथ ऐसा बर्ताव बहुत ही शर्मनाक है।
— Rahul Gandhi (@RahulGandhi) May 4, 2023
‘बेटी बचाओ' बस ढोंग है! असल में भाजपा भारत की बेटियों पर अत्याचार करने से कभी पीछे नहीं हटी है। pic.twitter.com/TRgPyM8UbF
ਫੋਗਾਟ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਇਆ ਕਿ ਕਿਹਾ ਸਾਡੇ ਗੱਦੇ ਮੀਂਹ ਕਾਰਨ ਗਿੱਲੇ ਹੋ ਗਏ ਸਨ। ਇਸ ਲਈ ਫੋਲਡਿੰਗ ਬੈੱਡ ਮੰਗਵਾਏ ਗਏ ਸਨ। ਸਾਡੇ ਕੋਲ ਸੌਣ ਲਈ ਵੀ ਥਾਂ ਨਹੀਂ ਹੈ। ਪਰ ਜਦੋਂ ਅਸੀਂ ਫੋਲਡਿੰਗ ਬੈੱਡ ਲਿਆਉਣ ਲੱਗੇ ਤਾਂ ਦਿੱਲੀ ਪੁਲਸ ਅਧਿਕਾਰੀ ਨੇ ਸਾਨੂੰ ਰੋਕ ਦਿੱਤਾ। ਅਸੀਂ ਆਪਣੀ ਮਾਨ-ਸਨਮਾਨ ਦੀ ਲੜ ਰਹੇ ਹਾਂ। ਜੇ ਮਾਰਨਾ ਹੀ ਹੈ ਤਾਂ ਇਸ ਤਰ੍ਹਾਂ ਹੀ ਮਾਰ ਦਿਓ। ਕੀ ਅਸੀਂ ਇਸ ਇਹ ਦਿਨ ਦੇਖਣ ਲਈ ਮੈਡਲ ਲੈ ਕੇ ਆਏ ਹਾਂ? ਜੇਕਰ ਅਜਿਹਾ ਹੋਣਾ ਹੈ ਤਾਂ ਅਸੀਂ ਚਾਹਾਂਗੇ ਕਿ ਕੋਈ ਵੀ ਖਿਡਾਰੀ ਤਮਗਾ ਜਿੱਤ ਕੇ ਨਾ ਲੈ ਕੇ ਆਵੇ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
