ਵਿਜੇ ਚੌਕ ''ਤੇ ਸ਼ੁਰੂ ਹੋਈ ਬੀਟਿੰਗ ਦਿ ਰਿਟ੍ਰੀਟ ਸੈਰੇਮਨੀ, ਸਮਾਰੋਹ ''ਚ ਪਹੁੰਚੇ ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ

ਨਵੀਂ ਦਿੱਲੀ- ਰਾਜਧਾਨੀ ਦਿੱਲੀ 'ਚ ਵਿਜੇ ਚੌਕ 'ਤੇ ਬੀਟਿੰਗ ਦਿ ਰਿਟ੍ਰੀਟ ਸੈਰੇਮੇਨੀ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਇਸ ਪ੍ਰੋਗਰਾਮ 'ਚ ਰਾਸ਼ਟਰਪਤੀ, ਪ੍ਰਧਾਨ ਮੰਤਰੀ ਸਮੇਤ ਦੇਸ਼ ਦੇ ਸਾਰੇ ਦਿੱਗਜ ਲੋਕ ਸ਼ਾਮਲ ਹੋ ਰਹੇ ਹਨ। ਗਣਤੰਤਰ ਦਿਵਸ ਦਾ ਚਾਰ ਦਿਨਾਂ ਤੱਕ ਚੱਲਣ ਵਾਲੇ ਸਮਾਰੋਹ ਦਾ ਸ਼ਾਨਦਾਰ ਸਮਾਪਨ ਬੀਟਿੰਗ ਦਿ ਰਿਟ੍ਰੀਟ ਨਾਲ ਹੁੰਦਾ ਹੈ। ਇਸ ਸਮਾਰੋਹ 'ਚ ਭਾਰਤ ਦੀ ਤਿੰਨੋਂ ਸੈਨਾਵਾਂ ਦੇ ਬੈਂਡ ਰਵਾਇਤੀ ਧੁਨਾਂ ਵਜਾਉਂਦੇ ਹਨ। ਇਸ ਦੌਰਾਨ ਵਿਜੇ ਚੌਕ ਦੀਆਂ ਇਤਿਹਾਸਕ ਇਮਾਰਤਾਂ ਨੂੰ ਰੰਗ-ਬਿਰੰਗੀ ਰੋਸ਼ਨੀ ਨਾਲ ਸਜਾਇਆ ਜਾਂਦਾ ਹੈ। 

ਪ੍ਰੋਗਰਾਮ ਦੀ ਸ਼ੁਰੂਆਤ ਫ਼ੌਜ ਦੇ ਰਾਸ਼ਟਰਪਤੀ ਨੂੰ ਨੈਸ਼ਨਲ ਸੈਲਿਊਟ ਦੇਣ ਤੋਂ ਬਾਅਦ ਹੋਈ। ਇਸ ਤੋਂ ਬਾਅਦ ਰਾਸ਼ਟਰ ਗੀਤ ਗਾਇਆ ਗਿਆ ਅਤੇ ਤਿਰੰਗਾ ਲਹਿਰਾਇਆ ਗਿਆ। ਸਮਾਰੋਹ ਦੇ ਸਮਾਪਨ 'ਤੇ ਝੰਡੇ ਉਤਾਰੇ ਜਾਂਦੇ ਹਨ। ਸੈਰੇਮਨੀ ਤੋਂ ਪਹਿਲੇ 28 ਜਨਵਰੀ ਨੂੰ ਵਿਜੇ ਚੌਕ 'ਤੇ ਫੁੱਲ ਡਰੈੱਸ ਰਿਹਰਸਲ ਕੀਤੀ ਗਈ। ਇਸ 'ਚ ਫ਼ੌਜ, ਨੇਵੀ, ਏਅਰਫੋਰਸ ਅਤੇ ਸੀਏਪੀਐੱਫ ਦੇ ਬੈਂਡ ਨੇ ਸ਼ਾਨਦਾਰ ਧੁਨਾਂ ਦਾ ਪ੍ਰਦਰਸ਼ਨ ਕੀਤਾ। ਇਸ ਨੂੰ ਲੈ ਕੇ ਵਿਜੇ ਚੌਕ ਅਤੇ ਉਸ ਦੇ ਨੇੜੇ-ਤੇੜੇ ਦੀਆਂ ਕੁਝ ਸੜਕਾਂ 'ਤੇ ਆਵਾਜਾਈ ਰੋਕੀ ਗਈ ਸੀ। ਦਿੱਲੀ ਆਵਾਜਾਈ ਪੁਲਸ ਨੇ ਐਡਵਾਇਜ਼ਰੀ ਵੀ ਜਾਰੀ ਕੀਤੀ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8