ਪਹਾੜਾਂ ਦੀ ਸੈਰ ਤੋਂ ਪਹਿਲਾਂ ਦੇਖ ਲਓ ਹਾਲ! ਮਨਾਲੀ-ਮਸੂਰੀ ਤੋਂ ਜੋਸ਼ੀਮਠ ਤਕ ਲੰਬਾ ਜਾਮ, ਕਾਰਾਂ ''ਚ ਕੈਦ ਸੈਲਾਨੀ

ਹਿਮਾਚਲ ਪ੍ਰਦੇਸ਼ : ਉਤਰਾਖੰਡ ਤੇ ਹਿਮਾਚਲ ਪ੍ਰਦੇਸ਼ ਵਿੱਚ ਵੀਕੈਂਡ ਦੇ ਮੌਕੇ 'ਤੇ ਸੈਲਾਨੀਆਂ ਅਤੇ ਸ਼ਰਧਾਲੂਆਂ ਦੀ ਭਾਰੀ ਭੀੜ ਕਾਰਨ ਪਹਾੜੀ ਰਸਤੇ ਪੂਰੀ ਤਰ੍ਹਾਂ ਜਾਮ ਹੋ ਗਏ ਹਨ। ਮਨਾਲੀ, ਮਸੂਰੀ ਅਤੇ ਨੈਨੀਤਾਲ ਵਰਗੇ ਪ੍ਰਸਿੱਧ ਸੈਰ-ਸਪਾਟਾ ਸਥਾਨਾਂ ਦੀਆਂ ਸੜਕਾਂ 'ਤੇ ਵਾਹਨਾਂ ਦੀਆਂ ਭਾਰੀ ਕਤਾਰਾਂ ਲੱਗੀਆਂ ਹੋਈਆਂ ਹਨ, ਜਿਸ ਕਾਰਨ ਲੋਕ ਕਈ ਘੰਟਿਆਂ ਤੋਂ ਆਪਣੀਆਂ ਗੱਡੀਆਂ ਵਿੱਚ ਫਸੇ ਹੋਏ ਹਨ।

The obsession with breaking records has successfully turned the fragile Himalayas into the world's longest PARKING LOT. Joshimath is currently choking under a massive 25-30 KM long traffic jam. From Vishnuprayag to 15 km beyond, tourists are stuck in their cars for hours. pic.twitter.com/eOMWH7cHgm

— Himalayan Hindu (@himalayanhindu) May 30, 2026

ਜੋਸ਼ੀਮਠ 'ਚ ਸਥਿਤੀ ਸਭ ਤੋਂ ਗੰਭੀਰ
ਪ੍ਰਾਪਤ ਜਾਣਕਾਰੀ ਅਨੁਸਾਰ, ਸਭ ਤੋਂ ਮਾੜਾ ਹਾਲ ਜੋਸ਼ੀਮਠ ਦਾ ਹੈ, ਜਿੱਥੇ ਚਾਰ ਧਾਮ ਯਾਤਰਾ ਅਤੇ ਵੀਕੈਂਡ ਦੀ ਭੀੜ ਕਾਰਨ ਟ੍ਰੈਫਿਕ ਵਿਵਸਥਾ ਪੂਰੀ ਤਰ੍ਹਾਂ 'ਚ ਡਗਮਗਾ ਗਈ ਹੈ। ਜੋਸ਼ੀਮਠ ਵਿੱਚ ਗੱਡੀਆਂ ਦੀਆਂ ਕਤਾਰਾਂ ਲਗਭਗ 25 ਤੋਂ 30 ਕਿਲੋਮੀਟਰ ਤੱਕ ਫੈਲੀਆਂ ਹੋਈਆਂ ਹਨ। ਵਿਸ਼ਨੂੰਪ੍ਰਯਾਗ ਤੋਂ ਲੈ ਕੇ ਮਾਰਵਾੜੀ ਤੱਕ ਦੇ ਇਲਾਕੇ ਵਿੱਚ ਸੜਕਾਂ ਦੇ ਤੰਗ ਹੋਣ ਕਾਰਨ ਆਵਾਜਾਈ ਲਗਭਗ ਠੱਪ ਹੋ ਗਈ ਹੈ। ਸੋਸ਼ਲ ਮੀਡੀਆ 'ਤੇ ਵੀ ਹਿਮਾਲਿਆ ਦੀ ਨਾਜ਼ੁਕ ਸਥਿਤੀ ਬਾਰੇ ਚਿੰਤਾ ਜਤਾਈ ਜਾ ਰਹੀ ਹੈ ਕਿ ਰਿਕਾਰਡ ਤੋੜਨ ਦੇ ਚੱਕਰ ਵਿੱਚ ਪਹਾੜਾਂ ਨੂੰ ਦੁਨੀਆ ਦਾ ਸਭ ਤੋਂ ਵੱਡਾ 'ਪਾਰਕਿੰਗ ਲੌਟ' ਬਣਾ ਦਿੱਤਾ ਗਿਆ ਹੈ।

ਗਰਮੀ ਤੇ ਜਾਮ ਕਾਰਨ ਲੋਕ ਪਰੇਸ਼ਾਨ
ਚਿਲਚਿਲਾਉਂਦੀ ਗਰਮੀ ਦੇ ਵਿਚਕਾਰ ਸੈਲਾਨੀਆਂ, ਸਥਾਨਕ ਨਿਵਾਸੀਆਂ ਅਤੇ ਖਾਸ ਕਰਕੇ ਬੱਚਿਆਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਹਾਲਾਂਕਿ ਜਾਮ ਖੁਲ੍ਹਵਾਉਣ ਲਈ ਸੜਕਾਂ 'ਤੇ ਸਥਾਨਕ ਪੁਲਸ ਅਤੇ ਪ੍ਰਸ਼ਾਸਨ ਤਾਇਨਾਤ ਹੈ, ਪਰ ਯਾਤਰੀਆਂ ਦੀ ਬੇਤਹਾਸ਼ਾ ਗਿਣਤੀ ਕਾਰਨ ਇਹ ਕੋਸ਼ਿਸ਼ਾਂ ਨਾਕਾਮ ਸਾਬਤ ਹੋ ਰਹੀਆਂ ਹਨ। ਵਿਸ਼ਨੂੰਪ੍ਰਯਾਗ ਤੋਂ 15 ਕਿਲੋਮੀਟਰ ਅੱਗੇ ਤੱਕ ਸੈਲਾਨੀ ਘੰਟਿਆਂਬੱਧੀ ਆਪਣੀਆਂ ਕਾਰਾਂ ਵਿੱਚ ਕੈਦ ਰਹਿਣ ਲਈ ਮਜਬੂਰ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e