ਸੁਤੰਤਰਤਾ ਦਿਵਸ ''ਤੇ ਸਾੜੀ ''ਚ ਨਜ਼ਰ ਆਵੇਗੀ ਅਮਰੀਕੀ ਰਾਜਦੂਤ ਮੈਰੀਕੇ

ਨਵੀਂ ਦਿੱਲੀ— ਭਾਰਤ ਦੀ ਖਾਦੀ ਨੂੰ ਨਵੀਂ ਦਿੱਲੀ 'ਚ ਅਮਰੀਕੀ ਦੂਤਘਰ ਪ੍ਰਮੁੱਖ ਮੈਰੀਕੇ ਕਾਰਲਸਨ ਦੇ ਰੂਪ 'ਚ ਨਵੀਂ ਪ੍ਰਸ਼ੰਸਕ ਮਿਲੀ ਹੈ। ਅਮਰੀਕੀ ਰਾਜਦੂਤ ਨੇ ਕਿਹਾ ਹੈ ਕਿ ਉਹ ਦੇਸ਼ ਦੇ 70ਵੇਂ ਸੁਤੰਤਰਤਾ ਦਿਵਸ ਦੇ ਮੌਕੇ 'ਤੇ ਸਾੜੀ ਪਹਿਨਣਗੀ। ਮੈਰੀਕੇ ਸ਼ੁੱਕਰਵਾਰ ਨੂੰ ਕਨਾਟਪਲੇਸ 'ਚ ਖਾਦੀ ਅਤੇ ਪਿੰਡ ਉਦਯੋਗ ਸੰਘ (ਕੇ.ਵੀ.ਆਈ.ਸੀ.) ਦੇ ਸਟੋਰ ਪਹੁੰਚੀ ਅਤੇ ਉਨ੍ਹਾਂ ਨੇ 15 ਅਗਸਤ ਦੇ ਸਮਾਰੋਹ ਲਈ ਕੁੱਝ ਸਾੜੀਆਂ ਦੀ ਚੋੜ ਕੀਤੀ। ਅਮਰੀਕੀ ਰਾਜਦੂਤ ਨੇ ਟਵਿਟਰ 'ਤੇ ਇਕ ਵੀਡੀਓ ਜਾਰੀ ਕਰਕੇ ਕਿਹਾ, ''ਇੰਨੀ ਸਾਰੀਆਂ ਸਾੜੀਆਂ ਸਨ ਕਿ ਚੋਣ ਕਰਨਾ ਮੁਸ਼ਕਲ ਹੋ ਗਿਆ ਸੀ।'' ਟਵਿਟਰ 'ਤੇ ਕਈ ਲੋਕਾਂ ਨੇ ਉਨ੍ਹਾਂ ਨੂੰ ਦਿਲਚਸਪ ਸੁਝਾਅ ਦਿੱਤੇ ਕਿ ਉਨ੍ਹਾਂ ਕੋਲ ਬਨਾਰਸੀ ਤੋਂ ਲੈ ਕੇ ਟਸਰ ਸਿਲਕ ਸਮੇਤ ਭਾਰਤ ਦੇ ਕਈ ਪਾਰੰਪਰਕ ਕੱਪੜੀਆਂ ਦੀਆਂ ਸਾੜੀਆਂ ਦੇ ਵਿਕਲਪ ਹਨ। ਕੇ.ਵੀ.ਆਈ.ਸੀ. ਨੇ ਅੱਜ ਇੱਕ ਬਿਆਨ 'ਚ ਦੱਸਿਆ ਕਿ ਕਈ ਸਾੜੀਆਂ ਦੇਖਣ ਦੇ ਬਾਅਦ ਮੈਰੀਕੇ ਨੇ ਪੰਜ ਸਭ ਤੋਂ ਚੰਗੀ ਸਾੜੀਆਂ ਚੁਣੀਆਂ। ਉਨ੍ਹਾਂ ਨੇ ਸਟੋਰ 'ਚ ਮਹਾਤਮਾ ਗਾਂਧੀ ਦੀ ਬੁੱਤ 'ਤੇ ਫੁੱਲ ਭੇਟ ਕੀਤੇ ।