UPTET 2026 ਦਾ ਨਤੀਜਾ ਐਲਾਨ: ਪੇਪਰ 1 ''ਚ 80% ਤੇ ਪੇਪਰ 2 ''ਚ 72% ਉਮੀਦਵਾਰ ਪਾਸ

ਲਖਨਊ : ਉੱਤਰ ਪ੍ਰਦੇਸ਼ ਸਿੱਖਿਆ ਸੇਵਾ ਚੋਣ ਕਮਿਸ਼ਨ (UPESSC) ਵੱਲੋਂ ਯੂਪੀਟੀਈਟੀ (UPTET) 2026 ਦੇ ਦੋਵਾਂ ਪੇਪਰਾਂ ਦਾ ਨਤੀਜਾ ਅਧਿਕਾਰਤ ਵੈੱਬਸਾਈਟ upessc.up.gov.in 'ਤੇ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਲਗਭਗ 20 ਲੱਖ ਉਮੀਦਵਾਰ ਆਪਣਾ ਰਜਿਸਟ੍ਰੇਸ਼ਨ ਨੰਬਰ ਅਤੇ ਪਾਸਵਰਡ ਦਰਜ ਕਰਕੇ ਆਪਣਾ ਸਕੋਰਕਾਰਡ ਡਾਊਨਲੋਡ ਕਰ ਸਕਦੇ ਹਨ। 

ਤਾਜ਼ਾ ਅੰਕੜਿਆਂ ਅਨੁਸਾਰ, ਪ੍ਰਾਇਮਰੀ ਪੱਧਰ (ਪੇਪਰ 1) ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 80 ਫੀਸਦੀ ਉਮੀਦਵਾਰਾਂ ਨੇ ਸਫ਼ਲਤਾ ਹਾਸਲ ਕੀਤੀ ਹੈ। ਦੂਜੇ ਪਾਸੇ, ਉੱਚ ਪ੍ਰਾਇਮਰੀ (ਜੂਨੀਅਰ) ਪੱਧਰ (ਪੇਪਰ 2) ਵਿੱਚ ਪਾਸ ਪ੍ਰਤੀਸ਼ਤਤਾ 72 ਫੀਸਦੀ ਰਹੀ ਹੈ। ਸਫ਼ਲ ਹੋਏ ਉਮੀਦਵਾਰਾਂ ਵਿੱਚ ਇਸ ਨਤੀਜੇ ਨੂੰ ਲੈ ਕੇ ਭਾਰੀ ਉਤਸ਼ਾਹ ਦੇਖਿਆ ਜਾ ਰਿਹਾ ਹੈ।