ਰਿਸ਼ਵਤ ਲੈਂਦੇ ਰੰਗੇਹੱਥੀਂ ਚੁੱਕ ਲਏ ਦੋ ਪਟਵਾਰੀ !

ਨੈਸ਼ਨਲ ਡੈਸਕ : ਰਾਜਸਥਾਨ ਦੇ ਭ੍ਰਿਸ਼ਟਾਚਾਰ ਵਿਰੋਧੀ ਬਿਊਰੋ (ਏ.ਸੀ.ਬੀ.) ਨੇ ਸੋਮਵਾਰ ਨੂੰ ਝੁੰਝੁਨੂ ਜ਼ਿਲ੍ਹੇ ਦੀ ਬੁਹਾਨਾ ਤਹਿਸੀਲ ਦੇ ਬਡਬਰ ਪਟਵਾਰ ਹਲਕਾ ਦੇ ਪਟਵਾਰੀ ਸੁਰੇਂਦਰ ਸਿੰਘ ਅਤੇ ਗਡਲੀ ਪਟਵਾਰ ਹਲਕਾ ਦੇ ਪਟਵਾਰੀ ਧਰਮਪਾਲ ਸਿੰਘ ਨੂੰ ਰਿਸ਼ਵਤਖੋਰੀ ਦੇ ਮਾਮਲੇ 'ਚ ਗ੍ਰਿਫ਼ਤਾਰ ਕੀਤਾ। ਬਿਊਰੋ ਦੀ ਵਧੀਕ ਡਾਇਰੈਕਟਰ ਜਨਰਲ ਆਫ਼ ਪੁਲਸ ਸਮਿਤਾ ਸ਼੍ਰੀਵਾਸਤਵ (ਕਾਰਜਕਾਰੀ ਡਾਇਰੈਕਟਰ ਜਨਰਲ) ਨੇ ਕਿਹਾ ਕਿ ਸ਼ਿਕਾਇਤਕਰਤਾ ਨੇ ਏ.ਸੀ.ਬੀ. ਪੋਸਟ ਝੁੰਝੁਨੂ ਨੂੰ ਸ਼ਿਕਾਇਤ ਕੀਤੀ ਕਿ ਉਸਨੇ ਆਪਣੀ ਜੱਦੀ ਜ਼ਮੀਨ ਦੀ ਹੱਦ ਮਾਪਣ ਲਈ ਤਹਿਸੀਲਦਾਰ ਬੁਹਾਨਾ ਨੂੰ ਇੱਕ ਔਨਲਾਈਨ ਅਰਜ਼ੀ ਭੇਜੀ ਸੀ ਤੇ ਗਡਲੀ ਪਟਵਾਰ ਹਲਕਾ ਦੇ ਪਟਵਾਰੀ ਧਰਮਪਾਲ ਸਿੰਘ ਨੇ ਹੱਦ ਮਾਪਣ ਦੇ ਬਦਲੇ 18,000 ਰੁਪਏ ਦੀ ਰਿਸ਼ਵਤ ਮੰਗੀ ਤੇ ਸ਼ਿਕਾਇਤਕਰਤਾ ਤੋਂ 7,000 ਰੁਪਏ ਰਿਸ਼ਵਤ ਵਜੋਂ ਲਏ। 

ਇਹ ਵੀ ਪੜ੍ਹੋ...ਵੱਡੀ ਖ਼ਬਰ ; ਘਰ ਦੇ ਬਾਹਰ ਸੈਰ ਕਰ ਰਹੇ ਕਾਂਸਟੇਬਲ ਦਾ ਗੋਲ਼ੀ ਮਾਰ ਕੇ ਕਤਲ

ਉਨ੍ਹਾਂ ਦੱਸਿਆ ਕਿ 18 ਜੂਨ ਨੂੰ ਰਿਸ਼ਵਤ ਮੰਗ ਦੀ ਤਸਦੀਕ ਗੱਲਬਾਤ ਦੌਰਾਨ ਧਰਮਪਾਲ ਸਿੰਘ ਨੇ ਸ਼ਿਕਾਇਤਕਰਤਾ ਤੋਂ 7,000 ਰੁਪਏ ਲੈਣ ਦੀ ਗੱਲ ਸਵੀਕਾਰ ਕੀਤੀ ਅਤੇ ਉਸਨੂੰ ਬਾਕੀ ਰਿਸ਼ਵਤ ਉਸਦੇ ਸਾਥੀ ਪਟਵਾਰੀ ਸੁਰੇਂਦਰ ਸਿੰਘ ਨੂੰ ਦੇਣ ਲਈ ਕਿਹਾ। ਇਸ 'ਤੇ ਸ਼ਿਕਾਇਤਕਰਤਾ 25 ਜੂਨ ਨੂੰ ਸ਼੍ਰੀ ਸੁਰੇਂਦਰ ਸਿੰਘ ਨੂੰ ਮਿਲਿਆ ਅਤੇ ਉਸਨੇ ਸ਼ਿਕਾਇਤਕਰਤਾ ਤੋਂ 8,000 ਰੁਪਏ ਰਿਸ਼ਵਤ ਵਜੋਂ ਮੰਗੇ। ਰਿਸ਼ਵਤ ਮੰਗਣ ਤੋਂ ਬਾਅਦ, ਸੋਮਵਾਰ ਨੂੰ ਇੱਕ ਜਾਲ ਵਿਛਾਇਆ ਗਿਆ ਤੇ ਸੁਰੇਂਦਰ ਸਿੰਘ ਪਟਵਾਰੀ ਨੂੰ ਸ਼ਿਕਾਇਤਕਰਤਾ ਤੋਂ 8,000 ਰੁਪਏ ਰਿਸ਼ਵਤ ਵਜੋਂ ਲੈਂਦੇ ਹੋਏ ਰੰਗੇ ਹੱਥੀਂ ਕਾਬੂ ਕਰ ਲਿਆ ਗਿਆ। ਸ਼ਿਕਾਇਤਕਰਤਾ ਨਾਲ ਰਿਸ਼ਵਤ ਲੈਣ-ਦੇਣ ਦੇ ਸਮੇਂ ਸੁਰੇਂਦਰ ਪਟਵਾਰੀ ਤੇ ਦੂਜਾ ਸਾਥੀ ਧਰਮਪਾਲ ਸਿੰਘ ਦੋਵੇਂ ਸ਼੍ਰੀ ਸੁਰੇਂਦਰ ਸਿੰਘ ਪਟਵਾਰੀ ਦੇ ਨਿੱਜੀ ਦਫਤਰ ਵਿੱਚ ਬੈਠੇ ਸਨ ਜਿੱਥੋਂ ਦੋਵਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਮੁਲਜ਼ਮਾਂ ਤੋਂ ਪੁੱਛਗਿੱਛ ਅਤੇ ਕਾਰਵਾਈ ਜਾਰੀ ਹੈ। ਏਸੀਬੀ ਮਾਮਲੇ ਵਿੱਚ ਭ੍ਰਿਸ਼ਟਾਚਾਰ ਰੋਕਥਾਮ ਐਕਟ ਤਹਿਤ ਮਾਮਲਾ ਦਰਜ ਕਰੇਗੀ ਅਤੇ ਅੱਗੇ ਦੀ ਜਾਂਚ ਕੀਤੀ ਜਾਵੇਗੀ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e