ਗਰਭਵਤੀ ਔਰਤ ਦੀ ਲਾਸ਼ ਤੇ ਉਸ ਦੇ ਦੋ ਬੱਚਿਆਂ ਨੂੰ ਜ਼ਿੰਦਾ ਦਰਿਆ ''ਚ ਸੁੱਟਣ ਦੇ ਦੋਸ਼ ''ਚ ਦੋ ਵਿਅਕਤੀ ਗ੍ਰਿਫਤਾਰ

ਪੁਣੇ — ਪੁਣੇ 'ਚ ਇੰਦਰਾਣੀ ਨਦੀ 'ਚ ਇਕ ਔਰਤ ਅਤੇ ਉਸ ਦੇ ਦੋ ਬੱਚਿਆਂ ਦੀ ਲਾਸ਼ ਨੂੰ ਜ਼ਿੰਦਾ ਸੁੱਟਣ ਦੇ ਦੋਸ਼ 'ਚ ਇਕ ਵਿਅਕਤੀ ਅਤੇ ਉਸ ਦੇ ਦੋਸਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਕ ਪੁਲਸ ਅਧਿਕਾਰੀ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪਿੰਪਰੀ ਚਿੰਚਵਾੜ ਥਾਣੇ ਦੇ ਅਧਿਕਾਰੀ ਨੇ ਦੱਸਿਆ ਕਿ 25 ਸਾਲਾ ਗਰਭਵਤੀ ਔਰਤ ਦੀ ਮੌਤ ਉਦੋਂ ਹੋ ਗਈ ਸੀ ਜਦੋਂ ਉਸ ਦੇ ਪ੍ਰੇਮੀ ਅਤੇ ਮੁੱਖ ਦੋਸ਼ੀ ਗਜੇਂਦਰ ਦਗੜਖੈਰੇ ਨੇ ਉਸ ਨੂੰ ਗਰਭਪਾਤ ਲਈ ਮੁੰਬਈ ਨੇੜੇ ਠਾਣੇ ਭੇਜਿਆ ਸੀ।

ਅਧਿਕਾਰੀ ਨੇ ਕਿਹਾ, “9 ਜੁਲਾਈ ਨੂੰ ਵਾਪਸ ਆਉਂਦੇ ਸਮੇਂ ਦਗੜਖੈਰੇ ਅਤੇ ਉਸ ਦੇ ਸਾਥੀ ਰਵਿਕਾਂਤ ਗਾਇਕਵਾੜ ਨੇ ਔਰਤ ਦੀ ਲਾਸ਼ ਨੂੰ ਤਾਲੇਗਾਂਵ ਨੇੜੇ ਇੰਦਰਾਣੀ ਨਦੀ ਵਿੱਚ ਸੁੱਟ ਦਿੱਤਾ। ਜਦੋਂ ਉਸ ਦੇ ਦੋ ਅਤੇ ਪੰਜ ਸਾਲ ਦੇ ਬੱਚੇ ਰੋਣ ਲੱਗੇ ਤਾਂ ਦੋਵਾਂ ਨੇ ਉਨ੍ਹਾਂ ਨੂੰ ਨਦੀ ਵਿੱਚ ਸੁੱਟ ਦਿੱਤਾ। ਔਰਤ ਆਪਣੇ ਪਤੀ ਤੋਂ ਵੱਖ ਹੋ ਗਈ ਸੀ ਅਤੇ ਉਸ ਨੇ ਦਗੜਖੈਰੇ ਨਾਲ ਸਰੀਰਕ ਸਬੰਧ ਬਣਾਏ ਸਨ, ਜਿਸ ਕਾਰਨ ਉਹ ਗਰਭਵਤੀ ਹੋ ਗਈ ਸੀ।

ਉਨ੍ਹਾਂ ਦੱਸਿਆ ਕਿ ਮਹਿਲਾ ਦੀ ਮਾਂ ਵੱਲੋਂ ਪੁਲਸ ਕੋਲ ਗੁੰਮਸ਼ੁਦਗੀ ਦੀ ਸ਼ਿਕਾਇਤ ਦਰਜ ਕਰਵਾਉਣ ਤੋਂ ਬਾਅਦ ਜਾਂਚ ਸ਼ੁਰੂ ਕੀਤੀ ਗਈ ਅਤੇ ਤਕਨੀਕੀ ਸਬੂਤਾਂ ਦੇ ਆਧਾਰ ’ਤੇ ਦਗੜਖੈਰੇ ਅਤੇ ਗਾਇਕਵਾੜ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਅਧਿਕਾਰੀ ਨੇ ਕਿਹਾ, ''ਔਰਤ ਅਤੇ ਦੋ ਬੱਚਿਆਂ ਦੀਆਂ ਲਾਸ਼ਾਂ ਅਜੇ ਤੱਕ ਨਹੀਂ ਮਿਲੀਆਂ ਹਨ। ਦਗੜਖੈਰੇ ਅਤੇ ਗਾਇਕਵਾੜ ਨੂੰ 30 ਜੁਲਾਈ ਤੱਕ ਪੁਲਸ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਮਾਮਲੇ ਦੀ ਅਗਲੇਰੀ ਜਾਂਚ ਜਾਰੀ ਹੈ।"