ਮਾਰਚ ਮਹੀਨੇ ਇਹ ਰਾਸ਼ੀਆਂ ਹੋਣਗੀਆਂ ਮਾਲਾਮਾਲ! ਨੋਟਾਂ ਦਾ ਵਰ੍ਹੇਗਾ ਮੀਂਹ

ਵੈੱਬ ਡੈਸਕ - ਜਲਦੀ ਹੀ ਮਾਰਚ 2026 ਦਾ ਮਹੀਨਾ ਸ਼ੁਰੂ ਹੋਣ ਵਾਲਾ ਹੈ, ਜੋ ਕਿ ਧਾਰਮਿਕ ਅਤੇ ਜੋਤਿਸ਼ ਦੋਵਾਂ ਦ੍ਰਿਸ਼ਟੀਆਂ ਤੋਂ ਬਹੁਤ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਇਸ ਮਹੀਨੇ 'ਚ ਜਿੱਥੇ ਹੋਲੀ ਅਤੇ ਨਰਾਤਿਆਂ ਵਰਗੇ ਵੱਡੇ ਤਿਉਹਾਰ ਮਨਾਏ ਜਾਣਗੇ, ਉੱਥੇ ਹੀ ਕਈ ਵੱਡੇ ਗ੍ਰਹਿ ਆਪਣੀ ਰਾਸ਼ੀ ਬਦਲਣਗੇ। ਗ੍ਰਹਿਆਂ ਦੇ ਇਸ ਪਰਿਵਰਤਨ ਦਾ ਅਸਰ ਸਾਰੀਆਂ 12 ਰਾਸ਼ੀਆਂ 'ਤੇ ਪਵੇਗਾ, ਪਰ 3 ਖਾਸ ਰਾਸ਼ੀਆਂ ਅਜਿਹੀਆਂ ਹਨ ਜਿਨ੍ਹਾਂ ਲਈ ਇਹ ਮਹੀਨਾ ਬਹੁਤ ਹੀ ਭਾਗਸ਼ਾਲੀ ਰਹਿਣ ਵਾਲਾ ਹੈ। ਮਾਰਚ ਦੇ ਸ਼ੁਰੂ 'ਚ ਸ਼ੁੱਕਰ ਕੁੰਭ ਤੋਂ ਮੀਨ ਰਾਸ਼ੀ 'ਚ ਪ੍ਰਵੇਸ਼ ਕਰੇਗਾ ਅਤੇ ਬ੍ਰਹਸਪਤੀ ਮਿਥੁਨ ਰਾਸ਼ੀ 'ਚ ਮਾਰਗੀ ਹੋਣਗੇ। ਇਸ ਦੇ ਨਾਲ ਹੀ ਬੁੱਧ ਅਤੇ ਸੂਰਜ ਕੁੰਭ ਰਾਸ਼ੀ 'ਚ ਆਉਣਗੇ। ਗ੍ਰਹਿਆਂ ਦੇ ਇਸ ਸ਼ੁਭ ਪ੍ਰਭਾਵ ਨਾਲ ਕੁਝ ਜਾਤਕਾਂ ਨੂੰ ਕਰੀਅਰ 'ਚ ਸਫਲਤਾ, ਧਨ ਲਾਭ ਅਤੇ ਨਵੀਂ ਨੌਕਰੀ ਮਿਲਣ ਦੇ ਪੂਰੇ ਯੋਗ ਹਨ।

ਇਨ੍ਹਾਂ 3 ਰਾਸ਼ੀਆਂ ਲਈ ਖੁੱਲ੍ਹਣਗੇ ਕਿਸਮਤ ਦੇ ਦਰਵਾਜ਼ੇ :-

ਬ੍ਰਿਸ਼ਚਕ ਰਾਸ਼ੀ 
- ਮਾਰਚ ਦਾ ਮਹੀਨਾ ਬ੍ਰਿਸ਼ਚਕ ਰਾਸ਼ੀ ਵਾਲਿਆਂ ਲਈ ਬਹੁਤ ਸ਼ੁਭ ਰਹੇਗਾ। ਤੁਹਾਨੂੰ ਨਵੀਂ ਨੌਕਰੀ ਮਿਲ ਸਕਦੀ ਹੈ ਅਤੇ ਵਿਆਹ ਦੇ ਮਾਰਗ 'ਚ ਆ ਰਹੀਆਂ ਰੁਕਾਵਟਾਂ ਦੂਰ ਹੋਣਗੀਆਂ। ਵਪਾਰ ਅਤੇ ਨਿਵੇਸ਼ ਨਾਲ ਜੁੜੇ ਲੋਕਾਂ ਨੂੰ ਵੱਡਾ ਫਾਇਦਾ ਹੋ ਸਕਦਾ ਹੈ ਅਤੇ ਕਾਰਜ ਖੇਤਰ 'ਚ ਤੁਹਾਡਾ ਪ੍ਰਦਰਸ਼ਨ ਬਹੁਤ ਵਧੀਆ ਰਹੇਗਾ। ਪੁਰਾਣੇ ਯਤਨਾਂ ਦਾ ਸਕਾਰਾਤਮਕ ਨਤੀਜਾ ਮਿਲਣ ਦੀ ਪੂਰੀ ਉਮੀਦ ਹੈ।

ਤੁਲਾ ਰਾਸ਼ੀ 
- ਤੁਲਾ ਰਾਸ਼ੀ ਵਾਲਿਆਂ ਲਈ ਇਹ ਸਮਾਂ ਕਿਸਮਤ ਬਦਲਣ ਵਾਲਾ ਸਿੱਧ ਹੋ ਸਕਦਾ ਹੈ। ਤੁਸੀਂ ਜਿਸ ਵੀ ਕੰਮ 'ਚ ਹੱਥ ਪਾਓਗੇ, ਸਫਲਤਾ ਤੁਹਾਡੇ ਕਦਮ ਚੁੰਮੇਗੀ। ਰੁਕਿਆ ਹੋਇਆ ਪੈਸਾ ਵਾਪਸ ਮਿਲ ਸਕਦਾ ਹੈ ਅਤੇ ਤੁਹਾਡਾ ਆਰਥਿਕ ਸੰਕਟ ਕਾਫੀ ਹੱਦ ਤੱਕ ਦੂਰ ਹੋ ਜਾਵੇਗਾ। ਸਮਾਜਿਕ ਦਾਇਰਾ ਵਧੇਗਾ ਅਤੇ ਪਰਿਵਾਰ ਵੱਲੋਂ ਪੂਰਾ ਸਹਿਯੋਗ ਮਿਲੇਗਾ।

ਮੀਨ ਰਾਸ਼ੀ 
- ਮੀਨ ਰਾਸ਼ੀ ਵਾਲਿਆਂ ਲਈ ਇਹ ਸਮਾਂ ਉੱਨਤੀ ਅਤੇ ਸਫਲਤਾ ਦੇ ਸੰਕੇਤ ਦੇ ਰਿਹਾ ਹੈ। ਤੁਹਾਨੂੰ ਨਵੀਂ ਨੌਕਰੀ ਜਾਂ ਪ੍ਰਮੋਸ਼ਨ ਮਿਲਣ ਦੀ ਸੰਭਾਵਨਾ ਹੈ। ਇਸ ਮਹੀਨੇ ਤੁਸੀਂ ਕੋਈ ਗੱਡੀ ਜਾਂ ਸੋਨਾ-ਚਾਂਦੀ ਵਰਗੀਆਂ ਚੀਜ਼ਾਂ ਦੀ ਖਰੀਦਦਾਰੀ ਵੀ ਕਰ ਸਕਦੇ ਹੋ। ਆਤਮ-ਵਿਸ਼ਵਾਸ ਦੇ ਦਮ 'ਤੇ ਤੁਸੀਂ ਕੋਈ ਵੱਡੀ ਪ੍ਰਾਪਤੀ ਹਾਸਲ ਕਰ ਸਕਦੇ ਹੋ ਅਤੇ ਵਿਆਹ ਦੇ ਯੋਗ ਵੀ ਬਣ ਰਹੇ ਹਨ।

ਨੋਟ :- ਤੁਹਾਨੂੰ ਇਹ ਦੱਸਣਾ ਜ਼ਰੂਰੀ ਹੈ ਕਿ ਇਹ ਜਾਣਕਾਰੀ ਆਮ ਤੱਥਾਂ ਉਤੇ ਆਧਾਰਿਤ ਹੈ। ਜਗਬਾਣੀ ਇਸ ਦੀ ਕੋਈ ਵੀ ਪੁਸ਼ਟੀ ਨਹੀਂ ਕਰਦਾ।