ਇਹ 3 ਰਾਸ਼ੀਆਂ ਹੋਣਗੀਆਂ ਅਮੀਰ, ਸ਼ਰਦ ਪੂਰਨਿਮਾ ''ਤੇ ਬਣ ਰਿਹਾ ''ਲਕਸ਼ਮੀ ਨਾਰਾਇਣ ਰਾਜਯੋਗ''

ਨਵੀਂ ਦਿੱਲੀ : ਇਸ ਸਾਲ ਸ਼ਰਦ ਪੂਰਨਿਮਾ 25 ਅਕਤੂਬਰ ਨੂੰ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਈ ਜਾਵੇਗੀ। ਧਾਰਮਿਕ ਮਾਨਤਾਵਾਂ ਅਨੁਸਾਰ ਇਸ ਦਿਨ ਭਗਵਾਨ ਸ਼੍ਰੀ ਕ੍ਰਿਸ਼ਨ ਨੇ ਗੋਪੀਆਂ ਸੰਗ ਮਹਾਰਾਸ ਰਚਾਇਆ ਸੀ ਅਤੇ ਇਸ ਰਾਤ ਚੰਦਰਮਾ ਆਪਣੀਆਂ ਪੂਰੀਆਂ 16 ਕਲਾਵਾਂ ਨਾਲ ਭਰਪੂਰ ਹੁੰਦਾ ਹੈ। ਜੋਤਿਸ਼ ਪੰਚਾਂਗ ਅਨੁਸਾਰ ਇਸ ਵਾਰ ਸ਼ਰਦ ਪੂਰਨਿਮਾ 'ਤੇ 'ਸਰਵਾਰਥਸਿੱਧੀ ਯੋਗ' ਦੇ ਨਾਲ-ਨਾਲ ਇੱਕ ਬਹੁਤ ਹੀ ਦੁਰਲੱਭ ਅਤੇ ਸ਼ੁਭ ਸੰਯੋਗ ਬਣਨ ਜਾ ਰਿਹਾ ਹੈ। ਇਸ ਦਿਨ ਤੁਲਾ ਰਾਸ਼ੀ ਵਿੱਚ ਬੁੱਧ ਅਤੇ ਸ਼ੁੱਕਰ ਗ੍ਰਹਿ ਇੱਕਠੇ ਬਿਰਾਜਮਾਨ ਹੋ ਕੇ 'ਲਕਸ਼ਮੀ ਨਾਰਾਇਣ ਰਾਜਯੋਗ' ਦਾ ਨਿਰਮਾਣ ਕਰਨਗੇ। ਇਹ ਸ਼ੁਭ ਯੋਗ ਮੁੱਖ ਤੌਰ 'ਤੇ ਤਿੰਨ ਰਾਸ਼ੀਆਂ ਲਈ ਬਹੁਤ ਭਾਗਸ਼ਾਲੀ ਅਤੇ ਧਨ-ਲਾਭ ਦੇਣ ਵਾਲਾ ਮੰਨਿਆ ਜਾ ਰਿਹਾ ਹੈ:

1. ਬ੍ਰਿਖ ਰਾਸ਼ੀ :  
ਇਸ ਯੋਗ ਦੇ ਪ੍ਰਭਾਵ ਨਾਲ ਬ੍ਰਿਖ ਰਾਸ਼ੀ ਦੇ ਜਾਤਕਾਂ ਲਈ ਧਨ ਨਾਲ ਜੁੜੇ ਮਾਮਲਿਆਂ ਵਿੱਚ ਬਿਹਤਰੀਨ ਮੌਕੇ ਮਿਲਣਗੇ। ਅਚਾਨਕ ਜਾਂ ਗੁਪਤ ਸਰੋਤਾਂ ਤੋਂ ਧਨ ਲਾਭ ਹੋਣ ਦੀ ਸੰਭਾਵਨਾ ਹੈ। ਨੌਕਰੀਪੇਸ਼ਾ ਅਤੇ ਕਾਰੋਬਾਰੀਆਂ ਨੂੰ ਕੋਈ ਚੰਗੀ ਖ਼ਬਰ ਮਿਲ ਸਕਦੀ ਹੈ। ਆਰਥਿਕ ਸਥਿਤੀ ਵਿੱਚ ਸੁਧਾਰ ਹੋਵੇਗਾ ਅਤੇ ਨਿਵੇਸ਼ ਦੇ ਮਾਮਲੇ ਵੀ ਪੱਖ ਵਿੱਚ ਰਹਿਣਗੇ।

2. ਕੰਨਿਆ ਰਾਸ਼ੀ :  
ਕੰਨਿਆ ਰਾਸ਼ੀ ਵਾਲਿਆਂ ਲਈ ਲੰਬੇ ਸਮੇਂ ਤੋਂ ਫਸਿਆ ਹੋਇਆ ਧਨ ਵਾਪਸ ਮਿਲਣ ਦੀ ਉਮੀਦ ਹੈ। ਆਮਦਨ ਵਧਾਉਣ ਦੇ ਨਵੇਂ ਰਸਤੇ ਖੁੱਲ੍ਹਣਗੇ। ਘਰ-ਪਰਿਵਾਰ ਵਿੱਚ ਖੁਸ਼ਹਾਲੀ ਬਣੀ ਰਹੇਗੀ ਅਤੇ ਆਪਸੀ ਮਤਭੇਦ ਖ਼ਤਮ ਹੋਣਗੇ। ਮਾਤਾ-ਪਿਤਾ ਦੇ ਸਹਿਯੋਗ ਨਾਲ ਰੁਕੇ ਹੋਏ ਜ਼ਰੂਰੀ ਕੰਮ ਸਿਰੇ ਚੜ੍ਹਨਗੇ।

3. ਮਕਰ ਰਾਸ਼ੀ :  
ਮਕਰ ਰਾਸ਼ੀ ਦੇ ਜਾਤਕਾਂ ਲਈ ਕਰੀਅਰ ਵਿੱਚ ਅੱਗੇ ਵਧਣ ਦੇ ਨਵੇਂ ਮੌਕੇ ਮਿਲਣਗੇ ਅਤੇ ਕਾਰਜਖੇਤਰ ਵਿੱਚ ਮਾਨ-ਸਨਮਾਨ ਵਧੇਗਾ। ਮਕਾਨ ਜਾਂ ਜਾਇਦਾਦ (ਪ੍ਰਾਪਰਟੀ) ਖਰੀਦਣ ਦੀ ਯੋਜਨਾ ਬਣਾ ਰਹੇ ਲੋਕਾਂ ਲਈ ਇਹ ਸਮਾਂ ਬਹੁਤ ਅਨੁਕੂਲ ਹੈ। ਪਰਿਵਾਰਕ ਰਿਸ਼ਤਿਆਂ ਵਿੱਚ ਸੁਧਾਰ ਆਵੇਗਾ ਅਤੇ ਪੁਰਾਣੇ ਰੋਗਾਂ ਤੇ ਬੀਮਾਰੀਆਂ ਤੋਂ ਛੁਟਕਾਰਾ ਮਿਲੇਗਾ।