ਮਾਂ ਨੇ ਧੀ ਨੂੰ ਮਾਰਨ ਦੀ ਦਿੱਤੀ ਸੀ ਸੁਪਾਰੀ, ਕਿਲਰ ਨੇ ਕੀਤਾ ਕੁਝ ਅਜਿਹਾ ਹੀ ਪੁਲਸ ਦੇ ਵੀ ਉੱਡੇ ਹੋਸ਼

ਏਟਾ- ਉੱਤਰ ਪ੍ਰਦੇਸ਼ ਦੇ ਏਟਾ ਤੋਂ ਇਕ ਅਜੀਬ-ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਸ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਇਕ ਔਰਤ ਨੇ ਆਪਣੀ ਧੀ ਦੇ ਕਤਲ ਲਈ ਜਿਸ ਸ਼ਖਸ ਨੂੰ ਸੁਪਾਰੀ ਦਿੱਤੀ ਸੀ, ਉਸ ਨਾਲ ਉਸੇ ਔਰਤ ਦੀ ਧੀ ਨੂੰ ਪਿਆਰ ਹੋ ਗਿਆ। ਉਸ ਨੇ ਔਰਤ ਦੀ ਧੀ ਦੇ ਕਤਲ ਦੀ ਥਾਂ ਉਸ ਔਰਤ ਦਾ ਕਤਲ ਕਰ ਦਿੱਤਾ। ਪੁਲਸ ਦੀ ਜਾਂਚ ਵਿਚ ਪਤਾ ਲੱਗਾ ਹੈ ਕਿ ਦੋਸ਼ੀ ਮਾਂ ਆਪਣੀ ਧੀ ਦੇ ਵਤੀਰੇ ਤੋਂ ਤੰਗ ਆ ਚੁੱਕੀ ਸੀ। ਇਸ ਲਈ ਉਸ ਨੇ 17 ਸਾਲਾ ਧੀ ਦੇ ਕਤਲ ਦੀ ਸੁਪਾਰੀ ਦਿੱਤੀ ਸੀ। ਇਹ ਮਾਮਲਾ ਉਸ ਸਮੇਂ ਸਾਹਮਣੇ ਆਇਆ ਜਦੋਂ 6 ਅਕਤੂਬਰ ਨੂੰ ਏਟਾ ਜ਼ਿਲ੍ਹੇ ਵਿਚ ਇਕ ਔਰਤ ਦੀ ਲਾਸ਼ ਖੇਤਾਂ ਵਿਚ ਪਈ ਮਿਲੀ।

ਇਹ ਵੀ ਪੜ੍ਹੋ- 'ਪਤਨੀ ਨੂੰ ਕਹੋ ਢੰਗ ਦੇ ਕਪੱੜੇ ਪਹਿਨੇ, ਨਹੀਂ ਤਾਂ ਉਸ ਦੇ ਚਿਹਰੇ 'ਤੇ ਸੁੱਟ ਦਿਆਂਗਾ ਤੇਜ਼ਾਬ'

ਮਾਂ ਨੇ ਦਿੱਤੀ ਨੂੰ ਮਾਰਨ ਦੀ ਦਿੱਤੀ ਸੀ ਸੁਪਾਰੀ

ਪੁਲਸ ਨੇ ਜਦੋਂ ਮ੍ਰਿਤਕ ਔਰਤ ਦੀ ਪਛਾਣ ਕੀਤੀ ਤਾਂ ਪਤਾ ਲੱਗਾ ਕਿ ਔਰਤ ਦਾ ਨਾਂ ਅਲਕਾ ਹੈ। ਪੁਲਸ ਨੇ ਜਦੋਂ ਜਾਂਚ ਨੂੰ ਹੋਰ ਅੱਗੇ ਵਧਾਇਆ ਤਾਂ ਪਤਾ ਲੱਗਾ ਕਿ ਅਲਕਾ ਨੇ 38 ਸਾਲਾ ਸੁਭਾਸ਼ ਸਿੰਘ ਨੂੰ ਆਪਣੀ ਧੀ ਦਾ ਕਤਲ ਕਰਨ ਦੀ ਸੁਪਾਰੀ ਦਿੱਤੀ ਸੀ। ਅਲਕਾ ਨੇ ਸੁਭਾਸ਼ ਨੂੰ ਦੱਸਿਆ ਸੀ ਕਿ ਉਹ ਆਪਣੀ ਧੀ ਦੇ ਵਤੀਰੇ ਤੋਂ ਤੰਗ ਆ ਚੁੱਕੀ ਹੈ, ਇਸ ਲਈ ਉਸ ਦਾ ਕਤਲ ਕਰ ਦਿਓ।

ਇਹ ਵੀ ਪੜ੍ਹੋ- ਮਹਾਦੇਵ ਸੱਟਾ ਐਪ ਘਪਲੇ ਦਾ 'ਕਿੰਗ' ਸੌਰਭ ਦੁਬਈ ’ਚ ਗ੍ਰਿਫਤਾਰ, ਭਾਰਤ ਲਿਆਉਣ ਦੀ ਤਿਆਰੀ

ਕਿਲਰ ਨਿਕਲਿਆ ਧੀ ਦਾ ਪ੍ਰੇਮੀ, ਮਾਂ ਦਾ ਕੀਤਾ ਕਤਲ

ਕਹਾਣੀ ਵਿਚ ਟਵਿੱਸਟ ਉਸ ਸਮੇਂ ਆਇਆ ਜਦੋਂ ਸੁਭਾਸ਼ ਅਲਕਾ ਦੀ ਧੀ ਦਾ ਪ੍ਰੇਮੀ ਨਿਕਲਿਆ। ਇਸ ਗੱਲ ਦੀ ਖ਼ਬਰ ਮਾਂ ਅਲਕਾ ਨੂੰ ਨਹੀਂ ਸੀ। ਸੁਭਾਸ਼ ਨੇ ਇਹ ਗੱਲ ਅਲਕਾ ਦੀ ਧੀ ਨੂੰ ਦੱਸ ਦਿੱਤੀ ਕਿ ਉਸ ਦੀ ਮਾਂ ਨੇ ਉਸ ਨੂੰ ਮਾਰਨ ਦੀ ਸੁਪਾਰੀ ਦਿੱਤੀ ਹੈ। ਪੁਲਸ ਮੁਤਾਬਕ ਬਾਅਦ ਵਿਚ ਸੁਭਾਸ਼ ਨੇ ਆਪਣੀ ਪ੍ਰੇਮਿਕਾ ਦੀ ਥਾਂ ਅਲਕਾ ਦਾ ਹੀ ਕਤਲ ਕਰ ਦਿੱਤਾ। ਇਸ ਮਾਮਲੇ ਵਿਚ ਪੁਲਸ ਨੇ ਸੁਭਾਸ਼ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। 

ਇਹ ਵੀ ਪੜ੍ਹੋ- ਕੁਦਰਤੀ ਖੇਤੀ ਕਰਨ ਵਾਲੇ ਕਿਸਾਨਾਂ ਨੂੰ ਗਾਂ ਖਰੀਦਣ ਲਈ ਮਿਲਣਗੇ 33,000 ਰੁਪਏ

ਧੀ ਦੀਆਂ ਆਦਤਾਂ ਤੋਂ ਪਰੇਸ਼ਾਨ ਸੀ ਮਾਂ, ਫਿਰ ਲਿਆ ਖ਼ਤਮ ਕਰਵਾਉਣ ਦਾ ਫ਼ੈਸਲਾ

ਪੁਲਸ ਜਾਂਚ ਵਿਚ ਪਤਾ ਲੱਗਾ ਹੈ ਕਿ ਮ੍ਰਿਤਕ ਔਰਤ (ਅਲਕਾ) ਦੀ ਧੀ ਕੁਝ ਮਹੀਨੇ ਪਹਿਲਾਂ ਇਕ ਹੋਰ ਸ਼ਖ਼ਸ ਨਾਲ ਘਰ ਛੱਡ ਕੇ ਦੌੜ ਗਈ ਸੀ। ਬਾਅਦ ਵਿਚ ਜਦੋਂ ਅਲਕਾ ਦੀ ਧੀ ਵਾਪਸ ਘਰ ਆਈ ਤਾਂ ਉਸ ਨੇ ਆਪਣੇ ਪੇਕੇ ਫਰੂਖਾਬਾਦ ਭੇਜ ਦਿੱਤਾ। ਫਰੂਖਾਬਾਦ ਵਿਚ ਹੀ ਸੁਭਾਸ਼ ਦੀ ਕੁੜੀ ਨਾਲ ਮੁਲਾਕਾਤ ਹੋਈ ਸੀ। ਇਸ ਤੋਂ ਬਾਅਦ ਦੋਹਾਂ ਦੇ ਫੋਨ ਨੰਬਰ ਵੀ ਅਦਲਾ-ਬਦਲੀ ਹੋਏ। ਜਦੋਂ ਕੁੜੀ ਦੇ ਮਾਮਾ ਨੂੰ ਪਤਾ ਲੱਗਾ ਕਿ ਉਹ ਇੱਥੇ ਵੀ ਕਿਸੇ ਦੂਜੇ ਨੌਜਵਾਨ ਨਾਲ ਗੱਲ ਕਰਦੀ ਹੈ ਤਾਂ ਉਸ ਨੇ ਅਲਕਾ ਨੂੰ ਫੋਨ ਕਰ ਕੇ ਆਪਣੀ ਧੀ ਨੂੰ ਵਾਪਸ ਲੈ ਕੇ ਜਾਣ ਲਈ ਕਿਹਾ। ਆਪਣੀ ਧੀ ਦੀ ਇਸ ਹਰਕਤ ਤੋਂ ਅਲਕਾ ਗੁੱਸੇ ਵਿਚ ਆ ਗਈ ਅਤੇ ਉਸ ਨੂੰ ਖ਼ਤਮ ਕਰਵਾਉਣ ਦਾ ਫ਼ੈਸਲਾ ਕਰ ਲਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8