ਇਨ੍ਹਾਂ ਰਾਸ਼ੀਆਂ ਲਈ ਖੁਸ਼ਕਿਸਮਤੀ ਲੈ ਕੇ ਆਵੇਗਾ ਮਾਰਚ ਮਹੀਨਾ ! 'ਗੁਰੂ' ਦੀ ਚਾਲ ਬਦਲਣ ਨਾਲ ਬਣਨਗੇ ਵਿਗੜੇ ਕੰਮ

ਵੈੱਬ ਡੈਸਕ- ਜੋਤਿਸ਼ ਸ਼ਾਸਤਰ 'ਚ ਸ਼ੁਭ ਗ੍ਰਹਿ ਮੰਨੇ ਜਾਣ ਵਾਲੇ ਗੁਰੂ (ਬ੍ਰਹਸਪਤੀ) ਅਗਲੇ ਸਾਲ ਆਪਣੀ ਚਾਲ ਬਦਲਣ ਜਾ ਰਹੇ ਹਨ। 11 ਨਵੰਬਰ 2025 ਤੋਂ ਵਕਰੀ ਗਤੀ (ਪੁੱਠੀ ਚਾਲ) 'ਚ ਚੱਲ ਰਹੇ ਗੁਰੂ ਗ੍ਰਹਿ ਹੁਣ 11 ਮਾਰਚ 2026 ਤੋਂ ਮਿਥੁਨ ਰਾਸ਼ੀ 'ਚ ਮਾਰਗੀ (ਸਿੱਧੀ ਚਾਲ) ਹੋਣਗੇ। ਗੁਰੂ ਦੀ ਇਸ ਬਦਲਦੀ ਚਾਲ ਦਾ ਪ੍ਰਭਾਵ ਸਾਰੀਆਂ ਰਾਸ਼ੀਆਂ 'ਤੇ ਪਵੇਗਾ, ਪਰ 4 ਵਿਸ਼ੇਸ਼ ਰਾਸ਼ੀਆਂ ਲਈ ਇਹ ਸਮਾਂ ਕਿਸਮਤ ਚਮਕਾਉਣ ਵਾਲਾ ਅਤੇ ਜੀਵਨ ਦੇ ਕਈ ਖੇਤਰਾਂ 'ਚ ਸੁਖਦ ਬਦਲਾਅ ਲਿਆਉਣ ਵਾਲਾ ਸਾਬਤ ਹੋਵੇਗਾ।

ਸਿੰਘ ਰਾਸ਼ੀ
- ਸਿੰਘ ਰਾਸ਼ੀ ਦੇ ਜਾਤਕਾਂ ਲਈ ਗੁਰੂ 11ਵੇਂ ਭਾਵ ਯਾਨੀ ਲਾਭ ਦੇ ਘਰ 'ਚ ਮਾਰਗੀ ਹੋਣਗੇ। ਇਸ ਨਾਲ ਜੀਵਨ 'ਚ ਸੁਖਦ ਪਰਿਵਰਤਨ ਆਉਣਗੇ ਅਤੇ ਵਿਗੜੇ ਹੋਏ ਕੰਮ ਬਣਨੇ ਸ਼ੁਰੂ ਹੋ ਜਾਣਗੇ। ਜਿਹੜੇ ਲੋਕ ਕਾਰੋਬਾਰ ਕਰਦੇ ਹਨ, ਉਨ੍ਹਾਂ ਨੂੰ ਭਾਰੀ ਮੁਨਾਫਾ ਹੋਣ ਦੇ ਆਸਾਰ ਹਨ ਅਤੇ ਨੌਕਰੀ ਦੀ ਭਾਲ ਕਰ ਰਹੇ ਨੌਜਵਾਨਾਂ ਨੂੰ ਸਫਲਤਾ ਮਿਲ ਸਕਦੀ ਹੈ। ਵਿਦਿਆਰਥੀਆਂ ਨੂੰ ਆਪਣੇ ਗੁਰੂਆਂ ਦੇ ਸਹਿਯੋਗ ਨਾਲ ਸਿੱਖਿਆ ਦੇ ਖੇਤਰ 'ਚ ਵਧੀਆ ਨਤੀਜੇ ਪ੍ਰਾਪਤ ਹੋਣਗੇ।

ਕੰਨਿਆ ਰਾਸ਼ੀ 
- ਕੰਨਿਆ ਰਾਸ਼ੀ ਵਾਲਿਆਂ ਲਈ ਗੁਰੂ ਦਾ ਮਾਰਗੀ ਹੋਣਾ ਕਰੀਅਰ 'ਚ ਸ਼ਾਨਦਾਰ ਨਤੀਜੇ ਲੈ ਕੇ ਆਵੇਗਾ ਕਿਉਂਕਿ ਗੁਰੂ ਤੁਹਾਡੇ ਕਰਮ ਭਾਵ 'ਚ ਸਿੱਧੇ ਹੋਣਗੇ। ਆਰਥਿਕ ਚਿੰਤਾਵਾਂ ਦੂਰ ਹੋਣਗੀਆਂ ਅਤੇ ਪਰਿਵਾਰਕ ਜੀਵਨ ਸੁਖੀ ਰਹੇਗਾ। ਕੁਝ ਲੋਕਾਂ ਨੂੰ ਪਦਉੱਨਤੀ ਮਿਲਣ ਦੀ ਪੂਰੀ ਸੰਭਾਵਨਾ ਹੈ ਅਤੇ ਕਿਸਮਤ ਦੇ ਸਹਿਯੋਗ ਨਾਲ ਰੁਕੇ ਹੋਏ ਕੰਮ ਵੀ ਸਿਰੇ ਚੜ੍ਹਨਗੇ।

ਤੁਲਾ ਰਾਸ਼ੀ
- ਤੁਲਾ ਰਾਸ਼ੀ ਦੇ ਜਾਤਕਾਂ ਦੇ ਭਾਗ ਭਾਵ 'ਚ ਗੁਰੂ ਮਾਰਗੀ ਹੋਣ ਜਾ ਰਹੇ ਹਨ। ਇਸ ਨਾਲ ਤੁਹਾਡੀ ਮਿਹਨਤ ਨੂੰ ਕਿਸਮਤ ਦਾ ਪੂਰਾ ਸਾਥ ਮਿਲੇਗਾ ਅਤੇ ਹਰ ਖੇਤਰ 'ਚ ਚੰਗੇ ਨਤੀਜੇ ਮਿਲਣਗੇ। ਕਾਰਜ ਖੇਤਰ 'ਚ ਤੁਹਾਡੇ ਕੰਮ ਦੀ ਸ਼ਲਾਘਾ ਹੋਵੇਗੀ ਅਤੇ ਊਰਜਾ ਦਾ ਪੱਧਰ ਵਧੇਗਾ। ਜੇਕਰ ਤੁਸੀਂ ਨੌਕਰੀ ਬਦਲਣ ਬਾਰੇ ਸੋਚ ਰਹੇ ਹੋ, ਤਾਂ ਇਹ ਇੱਛਾ ਪੂਰੀ ਹੋ ਸਕਦੀ ਹੈ ਅਤੇ ਕੰਮ ਦੇ ਸਿਲਸਿਲੇ 'ਚ ਕੀਤੀਆਂ ਯਾਤਰਾਵਾਂ ਲਾਭਕਾਰੀ ਰਹਿਣਗੀਆਂ।
 
ਮੀਨ ਰਾਸ਼ੀ
- ਮੀਨ ਰਾਸ਼ੀ ਦੇ ਸਵਾਮੀ ਗੁਰੂ ਤੁਹਾਡੇ ਸੁਖ ਭਾਵ 'ਚ ਮਾਰਗੀ ਹੋਣਗੇ। ਇਸ ਦੌਰਾਨ ਤੁਸੀਂ ਆਪਣੇ ਅਧੂਰੇ ਕੰਮ ਪੂਰੇ ਕਰ ਸਕੋਗੇ ਅਤੇ ਕਰੀਅਰ ਦੀਆਂ ਮੁਸ਼ਕਲਾਂ ਦੂਰ ਹੋਣਗੀਆਂ। ਨਵਾਂ ਵਾਹਨ, ਮਕਾਨ ਜਾਂ ਜ਼ਮੀਨ ਖਰੀਦਣ ਦੇ ਯੋਗ ਬਣ ਰਹੇ ਹਨ। ਤੁਹਾਡੀ ਆਮਦਨ 'ਚ ਵਾਧਾ ਹੋਵੇਗਾ ਅਤੇ ਆਰਥਿਕ ਪੱਖ ਮਜ਼ਬੂਤ ਹੋਵੇਗਾ। ਪਰਿਵਾਰ ਨਾਲ ਕਿਸੇ ਧਾਰਮਿਕ ਸਥਾਨ ਦੀ ਯਾਤਰਾ 'ਤੇ ਜਾਣ ਦਾ ਮੌਕਾ ਵੀ ਮਿਲ ਸਕਦਾ ਹੈ।