ਢਾਬਾ ਮਾਲਕ ਨੇ ਗ਼ਲਤੀ ਨਾਲ ਖਾਣੇ ''ਚ ਲਾ''ਤਾ ਲਸਣ-ਪਿਆਜ਼ ਦਾ ਤੜਕਾ, ਗੁੱਸੇ ''ਚ ਆਏ ਕਾਂਵੜੀਆਂ ਨੇ ਕੀਤੀ ਭੰਨਤੋੜ

ਮੁਜ਼ੱਫਰਨਗਰ : ਉੱਤਰ ਪ੍ਰਦੇਸ਼ ਦੇ ਮੁਜ਼ੱਫਰਨਗਰ ਜ਼ਿਲ੍ਹੇ ਵਿਚ ਸਥਿਤ ਦਿੱਲੀ ਦੇਹਰਾਦੂਨ ਨੈਸ਼ਨਲ ਹਾਈਵੇਅ 58 'ਤੇ ਤਾਊ ਹੋਕੇ ਵਾਲੇ ਹਰਿਆਣਵੀ ਟੂਰਿਸਟ ਨਾਂ ਦਾ ਇਕ ਢਾਬਾ ਹੈ, ਜਿੱਥੇ ਕਾਂਵੜੀਆਂ ਨੇ ਖਾਣੇ ਵਿਚ ਲਸਣ ਤੇ ਪਿਆਜ਼ ਦੀ ਮਿਕਦਾਰ ਨੂੰ ਲੈ ਕੇ ਹੰਗਾਮਾ ਕੀਤਾ। ਇਸ ਦੌਰਾਨ ਗੁੱਸੇ 'ਚ ਆਏ ਕਾਂਵੜੀਆਂ ਨੇ ਢਾਬੇ ਦੀ ਭੰਨਤੋੜ ਵੀ ਕੀਤੀ। ਘਟਨਾ ਬੀਤੇ ਸ਼ੁੱਕਰਵਾਰ ਦੀ ਦੱਸੀ ਜਾ ਰਹੀ ਹੈ। ਘਟਨਾ ਦੀ ਸੂਚਨਾ ਮਿਲਣ 'ਤੇ ਪੁਲਸ ਨੇ ਤੁਰੰਤ ਮੌਕੇ 'ਤੇ ਪਹੁੰਚ ਕੇ ਗੁੱਸੇ 'ਚ ਆਏ ਕਾਂਵੜੀਆਂ ਨੂੰ ਕਿਸੇ ਤਰ੍ਹਾਂ ਸ਼ਾਂਤ ਕੀਤਾ। ਜਿਸ ਤੋਂ ਬਾਅਦ ਨਾਰਾਜ਼ ਕਾਂਵੜੀਆਂ ਨੇ ਆਪਣੀ ਅਗਲੀ ਯਾਤਰਾ ਲਈ ਰਵਾਨਾ ਹੋ ਗਏ।

ਸੂਤਰਾਂ ਅਨੁਸਾਰ ਇਸ ਘਟਨਾ ਬਾਰੇ ਜਾਣਕਾਰੀ ਦਿੰਦੇ ਹੋਏ ਐੱਸਪੀ ਸਿਟੀ ਸਤਿਆਨਾਰਾਇਣ ਪ੍ਰਜਾਪਤ ਨੇ ਦੱਸਿਆ ਕਿ ਕੱਲ੍ਹ ਕਾਂਵੜੀਆਂ ਦਾ ਇਕ ਜੱਥਾ, ਜੋ ਹਰਿਦੁਆਰ ਤੋਂ ਪਾਣੀ ਇਕੱਠਾ ਕਰਕੇ ਗਾਜ਼ੀਆਬਾਦ ਵੱਲ ਜਾ ਰਿਹਾ ਸੀ, ਨੇ ਛਪਾਰ ਥਾਣਾ ਖੇਤਰ ਦੇ ਇਕ ਢਾਬੇ ਤੋਂ ਖਾਣਾ ਮੰਗਵਾਇਆ। ਇਸ ਨੂੰ ਖਾਣ ਲਈ ਉਸ ਨੇ ਪਿਆਜ਼ ਅਤੇ ਲਸਣ ਤੋਂ ਬਿਨਾਂ ਭੋਜਨ ਦਾ ਆਰਡਰ ਦਿੱਤਾ ਸੀ, ਪਰ ਉਲਝਣ ਕਾਰਨ ਉਨ੍ਹਾਂ ਨੂੰ ਪਿਆਜ਼ ਅਤੇ ਲਸਣ ਦੇ ਤੜਕੇ ਨਾਲ ਖਾਣਾ ਪਰੋਸਿਆ ਗਿਆ। ਇਸ ਸਬੰਧੀ ਉਨ੍ਹਾਂ ਇਤਰਾਜ਼ ਪ੍ਰਗਟਾਇਆ ਸੀ ਅਤੇ ਉਥੇ ਉਨ੍ਹਾਂ ਵੱਲੋਂ ਕੁਝ ਕੁਰਸੀਆਂ ਦੀ ਵੀ ਭੰਨਤੋੜ ਵੀ ਕੀਤੀ ਗਈ ਸੀ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਮਾਮਲਾ ਸ਼ਾਂਤ ਕਰਵਾਇਆ ਅਤੇ ਸ਼ਾਂਤੀ ਬਣਾਈ ਰੱਖੀ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8