ਗਾਂ ਨੇ ਦਿੱਤਾ ਤਿੰਨ ਅੱਖਾਂ ਵਾਲੀ ਵੱਛੀ ਨੂੰ ਜਨਮ, ਦੇਖਣ ਲਈ ਦੂਰ-ਦੂਰ ਤੋਂ ਆ ਰਹੇ ਨੇ ਲੋਕ

ਛੱਤੀਸਗੜ੍ਹ - ਰਾਜਨੰਦਗਾਓਂ ਜ਼ਿਲ੍ਹੇ ਵਿੱਚ ਤਿੰਨ ਅੱਖਾਂ ਅਤੇ ਚਾਰ ਨਸਾਂ ਵਾਲੀ ਵੱਛੀ  ਨੂੰ ਦੇਖਣ ਲਈ ਲੋਕਾਂ ਦੀ ਭੀੜ ਲੱਗੀ ਹੋਈ ਹੈ। ਪਿੰਡ ਵਾਸੀ ਅਤੇ ਆਲੇ-ਦੁਆਲੇ ਦੇ ਲੋਕ ਗਾਂ ਨੂੰ "ਰੱਬ ਦਾ ਅਵਤਾਰ" ਮੰਨ ਕੇ ਪੂਜ ਰਹੇ ਹਨ। ਰਾਜਨੰਦਗਾਓਂ ਜ਼ਿਲੇ ਦੇ ਛੁਈਖਦਾਨ ਥਾਣਾ ਖੇਤਰ ਦੇ ਅਧੀਨ ਲੋਧੀ ਪਿੰਡ ਦੇ ਰਹਿਣ ਵਾਲੇ ਕਿਸਾਨ ਹੇਮੰਤ ਚੰਦੇਲ (44) ਨੇ ਸੋਮਵਾਰ ਨੂੰ ਦੱਸਿਆ ਕਿ ਇਸ ਮਹੀਨੇ ਦੀ 13 ਤਰੀਕ ਨੂੰ ਉਨ੍ਹਾਂ ਦੇ ਘਰ ਇਕ ਗਾਂ ਨੇ ਵੱਛੀ  ਨੂੰ ਜਨਮ ਦਿੱਤਾ ਸੀ।

ਇਹ ਵੀ ਪੜ੍ਹੋ : ਹੁਣ ਸਿਰਫ਼ 2 ਘੰਟੇ 'ਚ ਘਰ ਆਵੇਗਾ ਰਸੋਈ ਗੈਸ ਸਿਲੰਡਰ, ਇਥੇ ਕਰਵਾਓ ਬੁਕਿੰਗ

ਇਸ ਦੇ ਜਨਮ ਤੋਂ ਬਾਅਦ ਹੀ ਇਹ ਬੱਛੀ ਪੇਂਡੂ ਅਤੇ ਨੇੜਲੇ ਕਸਬਿਆਂ ਦੇ ਵਸਨੀਕਾਂ ਲਈ ਉਤਸੁਕਤਾ ਦਾ ਕੇਂਦਰ ਬਣ ਗਈ ਹੈ। ਉਸ ਨੇ ਕਿਹਾ, “ਇਸ ਵੱਛੀ ਦੇ ਮੱਥੇ ਉੱਤੇ ਇੱਕ ਵਾਧੂ ਅੱਖ ਅਤੇ ਨੱਕ ਵਿੱਚ ਦੋ ਵਾਧੂ ਨਸਾਂ ਹਨ। ਪੂਛ ਵਾਲਾਂ ਵਰਗੀ ਹੈ ਅਤੇ ਜੀਭ ਆਮ ਨਾਲੋਂ ਲੰਬੀ ਹੈ।" ਚੰਦੇਲ ਨੇ ਕਿਹਾ, "ਤਿੰਨ ਅੱਖਾਂ ਅਤੇ ਚਾਰ ਨਾਸਾਂ ਅਤੇ ਹੋਰ ਰੂਪਾਂ ਨਾਲ ਪੈਦਾ ਹੋਏ ਇਸ ਵੱਛੇ ਨੂੰ ਲੋਕ ਭਗਵਾਨ ਦਾ ਅਵਤਾਰ ਮੰਨ ਕੇ ਪੂਜ ਰਹੇ ਹਨ।"

ਚੰਦੇਲ ਨੇ ਦੱਸਿਆ ਕਿ ਵੱਛੀ  ਦੇ ਅਸਧਾਰਨ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਸਥਾਨਕ ਪਸ਼ੂ ਡਾਕਟਰ ਤੋਂ ਉਸਦੀ ਜਾਂਚ ਕਰਵਾਈ ਸੀ। ਡਾਕਟਰ ਨੇ ਗਾਂ ਦੀ ਸਿਹਤ ਤਸੱਲੀਬਖਸ਼ ਦੱਸੀ ਹੈ। ਹਾਲਾਂਕਿ ਲੰਬੀ ਜੀਭ ਕਾਰਨ ਉਸ ਨੂੰ ਮਾਂ ਦਾ ਦੁੱਧ ਪੀਣਾ ਔਖਾ ਹੋ ਰਿਹਾ ਹੈ। ਉਸ ਨੇ ਦੱਸਿਆ ਕਿ ਪਰਿਵਾਰ ਦੇ ਮੈਂਬਰ ਗਾਂ ਨੂੰ ਦੁੱਧ ਪਿਲਾਉਣ ਵਿੱਚ ਮਦਦ ਕਰ ਰਹੇ ਹਨ। ਕਿਸਾਨ ਚੰਦੇਲ ਨੇ ਦੱਸਿਆ ਕਿ ਐਚਐਫ ਜਰਸੀ ਨਸਲ ਦੀ ਗਾਂ ਪਿਛਲੇ ਕੁਝ ਸਾਲਾਂ ਤੋਂ ਉਨ੍ਹਾਂ ਦੇ ਘਰ ਹੈ ਅਤੇ ਇਸ ਤੋਂ ਪਹਿਲਾਂ ਵੀ ਉਸ ਨੇ ਤਿੰਨ ਵੱਛੀਆਂ ਨੂੰ ਜਨਮ ਦਿੱਤਾ ਹੈ, ਜੋ ਕਿ ਸਾਧਾਰਨ ਸਨ।

ਪਰ ਇਸ ਵਾਰ ਜਨਮੀ ਬੱਛੀ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਉਸ ਨੇ ਕਿਹਾ, "ਅਸੀਂ ਮੰਨਦੇ ਹਾਂ ਕਿ ਰੱਬ ਨੇ ਸਾਡੇ ਘਰ ਜਨਮ ਲਿਆ ਹੈ।" ਉਸ ਨੇ ਦੱਸਿਆ ਕਿ ਜਦੋਂ ਆਲੇ-ਦੁਆਲੇ ਦੇ ਲੋਕਾਂ ਨੂੰ ਗਾਂ ਦੇ ਜਨਮ ਦਾ ਪਤਾ ਲੱਗਾ ਤਾਂ ਉਹ ਗਾਂ ਦੇ ਦਰਸ਼ਨ ਕਰਨ ਲਈ ਘਰ ਪਹੁੰਚੇ ਅਤੇ ਉਸ ਨੂੰ ਭਗਵਾਨ ਦਾ ਅਵਤਾਰ ਮੰਨ ਕੇ ਪੂਜਾ ਕਰਨ ਲੱਗੇ। ਲੋਕ ਗਾਂ 'ਤੇ ਫੁੱਲ ਅਤੇ ਨਾਰੀਅਲ ਚੜ੍ਹਾ ਰਹੇ ਹਨ।

ਇਹ ਵੀ ਪੜ੍ਹੋ : ਸ਼੍ਰੀਲੰਕਾ 'ਚ ਗਹਿਰਾਇਆ ਆਰਥਿਕ ਸੰਕਟ, ਭਾਰਤ ਦੇ ਵਿੱਤੀ ਪੈਕੇਜ ਨੇ ਦਿੱਤੀ ਅਸਥਾਈ ਰਾਹਤ

ਇੱਥੇ ਪਸ਼ੂਆਂ ਦੇ ਡਾਕਟਰਾਂ ਨੇ ਇਸ ਨੂੰ ਭਰੂਣ ਸ਼ੀਸ਼ੂ ਦਾ ਅਸਧਾਰਨ ਵਿਕਾਸ ਦੱਸਦਿਆਂ ਕਿਸੇ ਵੀ ਅਲੌਕਿਕ ਵਰਤਾਰੇ ਤੋਂ ਇਨਕਾਰ ਕੀਤਾ ਹੈ। ਖੇਤਰ ਦੇ ਇੱਕ ਪਸ਼ੂ ਚਿਕਿਤਸਕ ਕਮਲੇਸ਼ ਚੌਧਰੀ ਨੇ ਕਿਹਾ, "ਅਜਿਹੀਆਂ ਖਰਾਬੀਆਂ ਭਰੂਣ ਦੇ ਅਸਧਾਰਨ ਵਿਕਾਸ ਕਾਰਨ ਹੁੰਦੀਆਂ ਹਨ। ਆਮ ਤੌਰ 'ਤੇ ਅਜਿਹੇ ਜਾਨਵਰ ਦੇ ਬੱਚੇ ਸਰੀਰਕ ਤੌਰ 'ਤੇ ਕਮਜ਼ੋਰ ਹੁੰਦੇ ਹਨ। ਇਸ ਨੂੰ ਚਮਤਕਾਰ ਨਹੀਂ ਸਮਝਣਾ ਚਾਹੀਦਾ।" ਦੂਜੇ ਪਾਸੇ ਛੱਤੀਸਗੜ੍ਹ 'ਚ ਸਾਲਾਂ ਤੋਂ ਅੰਧ-ਵਿਸ਼ਵਾਸ ਵਿਰੁੱਧ ਅੰਦੋਲਨ ਚਲਾ ਰਹੇ ਇਲਾਕੇ ਦੇ ਪ੍ਰਸਿੱਧ ਡਾਕਟਰ ਅਤੇ ਅੰਧਸ਼ਰਧਾ ਨਿਰਮੂਲਨ ਸਮਿਤੀ ਦੇ ਮੁਖੀ ਡਾ: ਦਿਨੇਸ਼ ਮਿਸ਼ਰਾ ਨੇ ਕਿਹਾ ਹੈ ਕਿ ਅਜਿਹੇ ਮਾਮਲੇ ਜਮਾਂਦਰੂ ਵਿਗਾੜਾਂ ਕਾਰਨ ਹੁੰਦੇ ਹਨ।

ਉਨ੍ਹਾਂ ਕਿਹਾ, ''ਲੋਕਾਂ ਨੂੰ ਇਸ ਨੂੰ ਵਿਸ਼ਵਾਸ ਜਾਂ ਅੰਧਵਿਸ਼ਵਾਸ ਨਾਲ ਨਹੀਂ ਜੋੜਨਾ ਚਾਹੀਦਾ। ਕਈ ਘਟਨਾਵਾਂ ਵਿੱਚ ਇਹ ਦੇਖਿਆ ਗਿਆ ਹੈ ਕਿ ਖਾਸ ਕਰਕੇ ਪੇਂਡੂ ਖੇਤਰਾਂ ਦੇ ਲੋਕ ਜਾਗਰੂਕਤਾ ਦੀ ਘਾਟ ਕਾਰਨ ਅਜਿਹੇ ਜਾਨਵਰਾਂ ਦੀ ਪੂਜਾ ਕਰਦੇ ਹਨ। ਮਿਸ਼ਰਾ ਨੇ ਕਿਹਾ ਹੈ ਕਿ ਪਸ਼ੂਆਂ ਵਿੱਚ ਇਸ ਕਿਸਮ ਦੀ ਵਿਗਾੜ ਨੂੰ ਵਿਗਿਆਨਕ ਤਰੀਕੇ ਨਾਲ ਲੋਕਾਂ ਨੂੰ ਸਮਝਾਉਣ ਦੀ ਲੋੜ ਹੈ ਤਾਂ ਜੋ ਉਹ ਆਪਣੇ ਪਸ਼ੂਆਂ ਦੀ ਸਹੀ ਦੇਖਭਾਲ ਕਰ ਸਕਣ।

ਇਹ ਵੀ ਪੜ੍ਹੋ : ਲਾਈਫ ਇੰਸ਼ੋਰੈਂਸ ਲੈਣ ਲਈ ਇਨ੍ਹਾਂ ਲੋਕਾਂ ਨੂੰ ਕਰਨੀ ਪੈ ਰਹੀ ਹੈ ਲੰਮੀ ਉਡੀਕ, 6 ਮਹੀਨਿਆਂ ਦਾ ਵੇਟਿੰਗ ਪੀਰੀਅਡ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।