ਥਰੂਰ ਨੇ ਪੀ.ਐੱਮ. ਖਿਲਾਫ ਕੀਤੀ ਇਤਰਾਜ਼ਯੋਗ ਟਿੱਪਣੀ, ਮਾਣਹਾਨੀ ਦਾ ਮਾਮਲਾ ਦਰਜ

ਨਵੀਂ ਦਿੱਲੀ— ਕਾਂਗਰਸ ਸੰਸਦ ਮੈਂਬਰ ਸ਼ਸ਼ੀ ਥਰੂਰ ਖਿਲਾਫ ਦਿੱੱਲੀ ਦੇ ਪਟਿਆਲਾ ਹਾਊਸ ਕੋਰਟ 'ਚ ਅਪਰਾਧਿਕ ਮਾਣਹਾਨੀ ਦਾ ਮੁਕੱਦਮਾ ਦਰਜ ਹੋਇਆ ਹੈ। ਥਰੂਰ 'ਤੇ ਇਹ ਮੁਕੱਦਮਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖਿਲਾਫ ਕੀਤੀ ਗਈ ਇਤਿਰਾਜ਼ਯੋਗ ਟਿੱਪਣੀ ਨੂੰ ਲੈ ਕੇ ਕੀਤਾ ਗਿਆ ਹੈ।

A criminal defamation complaint has been moved in Delhi's Patiala House Court against Congress's Shashi Tharoor over his remark 'Modi is like a scorpion on Shivling' made during an event in Bengaluru. (File pic) pic.twitter.com/qL8qqrojRy

— ANI (@ANI) November 3, 2018

ਦਰਅਸਲ ਥਰੂਰ ਨੇ ਪਿਛਲੇ ਹਫਤੇ ਸ਼ਨੀਵਾਰ ਨੂੰ ਬੈਂਗਲੁਰੂ ਲਿਟਰੇਚਰ ਫੈਸਟੀਵਲ 'ਚ ਵਿਵਾਦਿਤ ਬਿਆਨ ਦਿੱਤਾ ਸੀ। ਉਨ੍ਹਾਂ ਨੇ ਆਰ.ਐੱਸ.ਐੱਸ. ਦੇ ਸੂਤਰ ਦੇ ਹਵਾਲੇ ਤੋਂ ਕਿਹਾ ਸੀ ਕਿ ਮੋਦੀ ਸ਼ਿਵਲਿੰਗ 'ਤੇ ਬੈਠੇ ਬਿੱਛੂ ਦੀ ਤਰ੍ਹਾਂ ਹਨ ਇਨ੍ਹਾਂ ਨੂੰ ਨਾ ਤਾਂ ਹੱਥ ਨਾਲ ਹਟਾ ਸਕਦੇ ਹਾਂ ਅਤੇ ਨਾ ਹੀ ਚੱਪਲ ਨਾਲ।

#WATCH Shashi Tharoor in Bengaluru, says, "There's an extraordinarily striking metaphor expressed by an unnamed RSS source to a journalist, that, "Modi is like a scorpion sitting on a Shivling, you can't remove him with your hand & you cannot hit it with a chappal either."(27.10) pic.twitter.com/E6At7WrCG5

— ANI (@ANI) October 28, 2018

ਕਾਂਗਰਸ ਸੰਸਦ ਦੇ ਇਸ ਬਿਆਨ 'ਤੇ ਬੀ.ਜੇ.ਪੀ.ਨੇ ਇਸ ਨੂੰ ਸ਼ਿਵਲਿੰਗ ਅਤੇ ਭਗਵਾਨ ਸ਼ੰਕਰ ਦਾ ਅਪਮਾਨ ਕਰਾਰ ਦਿੱਤਾ ਸੀ। ਪਾਰਟੀ ਨੇ ਸ਼ਿਵਭਗਤ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਇਸ ਲਈ ਮੁਆਫੀ ਮੰਗਣ ਲਈ ਕਿਹਾ ਸੀ।