ਪਟਾਕਿਆਂ ਦੀ ਫੈਕਟਰੀ ''ਚ ਭਿਆਨਕ ਧਮਾਕਾ, ਤਿੰਨ ਦੀ ਮੌਤ ਤੇ ਇਕ ਜ਼ਖ਼ਮੀ
Saturday, Aug 09, 2025 - 10:03 PM (IST)
ਚੇਨਈ-ਤਾਮਿਲਨਾਡੂ ’ਚ ਦੱਖਣੀ ਵਿਰੁਧੁਨਗਰ ਜ਼ਿਲੇ ਦੇ ਵਿਜੈਕਰਿਸਾਲਕੁਲਮ ਪਿੰਡ ’ਚ ਸ਼ਨੀਵਾਰ ਨੂੰ ਪਟਾਕੇ ਬਣਾਉਣ ਵਾਲੀ ਇਕ ਫੈਕਟਰੀ ’ਚ ਭਿਆਨਕ ਧਮਾਕਾ ਹੋ ਗਿਆ, ਜਿਸ ਦੌਰਾਨ 3 ਮਜ਼ਦੂਰਾਂ ਦੀ ਮੌਤ ਹੋ ਗਈ ਅਤੇ ਇਕ ਔਰਤ ਜ਼ਖ਼ਮੀ ਹੋ ਗਈ।
ਸੂਚਨਾ ਮੁਤਾਬਕ ਮ੍ਰਿਤਕਾਂ ’ਚ 2 ਔਰਤਾਂ ਸ਼ਾਮਲ ਹਨ। ਇਸ ਦਰਮਿਆਨ ਮੁੱਖ ਮੰਤਰੀ ਐੱਮ. ਕੇ. ਸਟਾਲਿਨ ਨੇ ਘਟਨਾ ’ਤੇ ਦੁੱਖ ਪ੍ਰਗਟਾਇਆ ਅਤੇ ਮ੍ਰਿਤਕਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ 4-4 ਲੱਖ ਰੁਪਏ ਦੇ ਮੁਆਵਜ਼ੇ ਦਾ ਐਲਾਨ ਕੀਤਾ। ਇਹ ਧਮਾਕਾ ਪਟਾਕੇ ਬਣਾਉਣ ਲਈ ਰਸਾਇਣਾਂ ਦੀ ਰਗੜ ਕਾਰਨ ਹੋਇਆ ਦੱਸਿਆ ਗਿਆ ਹੈ।
