ਵੱਡੀ ਖ਼ਬਰ ; ਬਦਲ ਜਾਵੇਗਾ 60 ਸਾਲ ਪੁਰਾਣਾ ਟੈਕਸ ਸਿਸਟਮ ! ਅੱਜ ਲੋਕ ਸਭਾ 'ਚ ਪੇਸ਼ ਕੀਤੀ ਜਾਵੇਗੀ ਰਿਪੋਰਟ
Monday, Jul 21, 2025 - 10:22 AM (IST)
ਨਵੀਂ ਦਿੱਲੀ- ਅੱਜ ਤੋਂ ਸੰਸਦ ਦਾ ਮਾਨਸੂਨ ਅੱਜ ਤੋਂ ਸ਼ੁਰੂ ਹੋ ਰਿਹਾ ਹੈ। ਇਸ ਦੌਰਾਨ ਜਿੱਥੇ ਵਿਰੋਧੀ ਧਿਰ ਵੱਲੋਂ ਪਹਿਲਗਾਮ ਹਮਲੇ ਤੇ ਆਪਰੇਸ਼ਨ ਸਿੰਦੂਰ ਬਾਰੇ ਸਰਕਾਰ ਤੋਂ ਸਵਾਲ ਕਰੇਗੀ ਤੇ ਨਾਲ ਹੀ ਜੰਗ ਰੁਕਵਾਉਣ ਬਾਰੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਦਾਅਵਿਆਂ 'ਤੇ ਵੀ ਸਰਕਾਰ ਨੂੰ ਘੇਰੇਗੀ।
ਇਸ ਤੋਂ ਇਲਾਵਾ ਸੈਸ਼ਨ 'ਚ ਨਵੇਂ ਆਮਦਨ ਕਰ ਬਿੱਲ-2025 ਦੀ ਸਮੀਖਿਆ ਲਈ ਗਠਿਤ ਸੰਸਦੀ ਕਮੇਟੀ ਦੀ ਰਿਪੋਰਟ ਸੋਮਵਾਰ ਨੂੰ ਲੋਕਸਭਾ ’ਚ ਪੇਸ਼ ਕੀਤੀ ਜਾਵੇਗੀ। ਇਹ 6 ਦਹਾਕੇ ਪੁਰਾਣੇ ਆਦਮਨ ਕਰ ਨਿਯਮ ਦੀ ਜਗ੍ਹਾ ਲਵੇਗੀ। ਭਾਜਪਾ ਨੇਤਾ ਬੈਜਯੰਤ ਪਾਂਡਾ ਦੀ ਪ੍ਰਧਾਨਗੀ ਵਾਲੀ 31 ਮੈਂਬਰੀ ਚੋਣ ਕਮੇਟੀ ਨੂੰ ਲੋਕਸਭਾ ਸਪੀਕਰ ਓਮ ਬਿਰਲਾ ਨੇ ਨਵੇਂ ਆਮਦਨ ਕਰ ਬਿੱਲ, 2025 ਦੀ ਸਮੀਖਿਆ ਲਈ ਨਿਯੁਕਤ ਕੀਤਾ ਸੀ।
ਇਹ ਵੀ ਪੜ੍ਹੋ- ਮਸ਼ਹੂਰ IT ਕੰਪਨੀ ਦੀ HR Head ਨਾਲ ਵੀਡੀਓ ਵਾਇਰਲ ਹੋਣ ਮਗਰੋਂ CEO ਨੂੰ ਦੇਣਾ ਪਿਆ ਅਸਤੀਫ਼ਾ
ਵਿੱਤ ਮੰਤਰੀ ਨਿਰਮਲਾ ਸੀਤਾਰਾਮਨ ਨੇ 13 ਫਰਵਰੀ ਨੂੰ ਇਸ ਨੂੰ ਲੋਕਸਭਾ ’ਚ ਪੇਸ਼ ਕੀਤਾ ਸੀ। ਕਮੇਟੀ ਨੇ 285 ਸੁਝਾਅ ਦਿੱਤੇ ਹਨ ਅਤੇ 16 ਜੁਲਾਈ ਨੂੰ ਆਪਣੀ ਬੈਠਕ ’ਚ ਨਵੇਂ ਆਮਦਨ ਕਰ ਬਿੱਲ-2025 ’ਤੇ ਰਿਪੋਰਟ ਨੂੰ ਅਪਣਾਇਆ ਹੈ। ਇਸ ਨੂੰ ਹੁਣ ਅੱਗੇ ਦੀ ਕਾਰਵਾਈ ਲਈ ਸੰਸਦ ’ਚ ਪੇਸ਼ ਕੀਤਾ ਜਾਵੇਗਾ। ਸਰਲੀਕ੍ਰਿਤ ਆਮਦਨ ਕਰ ਬਿੱਲ, ਜੋ 1961 ਦੇ ਆਮਦਨ ਕਰ ਨਿਯਮ ਦੇ ਫਾਰਮੈੱਟ ਦਾ ਅੱਧਾ ਹੈ, ਮੁਕੱਦਮੇਬਾਜ਼ੀ ਅਤੇ ਨਵੀਂ ਵਿਆਖਿਆ ਦੇ ਘੇਰੇ ਨੂੰ ਘੱਟ ਕਰ ਕੇ ਟੈਕਸ ਨਿਸ਼ਚਿਤਤਾ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
