ਵਿੰਟਰ ਸੀਜ਼ਨ ''ਚ ਭਾਰਤੀਆਂ ਦੀ ਪਹਿਲੀ ਪਸੰਦ ਬਣਿਆ ਸ੍ਰੀਲੰਕਾ, ਦਸੰਬਰ ਦੇ ਪਹਿਲੇ ਹਫ਼ਤੇ 5 ਲੱਖ ਯਾਤਰੀ ਪਹੁੰਚੇ

ਨਵੀਂ ਦਿੱਲੀ: ਵਿੰਟਰ ਸੀਜ਼ਨ ਦੌਰਾਨ ਵਿਦੇਸ਼ਾਂ ਵਿੱਚ ਛੁੱਟੀਆਂ ਮਨਾਉਣ ਦੀ ਤਿਆਰੀ ਕਰ ਰਹੇ ਭਾਰਤੀ ਸੈਲਾਨੀਆਂ ਲਈ ਸ੍ਰੀਲੰਕਾ ਇੱਕ ਬਹੁਤ ਹੀ ਖੂਬਸੂਰਤ ਤੇ ਆਕਰਸ਼ਕ ਡੈਸਟੀਨੇਸ਼ਨ ਬਣ ਗਿਆ ਹੈ। ਸ੍ਰੀਲੰਕਾ ਇਸ ਸੀਜ਼ਨ ਵਿੱਚ ਭਾਰਤੀ ਟੂਰਿਸਟਾਂ ਦਾ ਸਵਾਗਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ਤੇ ਇਹ ਦੇਸ਼ ਭਾਰਤੀਆਂ ਦੀਆਂ ਚੋਟੀ ਦੀਆਂ ਪਸੰਦਾਂ ਵਿੱਚੋਂ ਇੱਕ ਬਣਿਆ ਹੋਇਆ ਹੈ।

ਭਾਰਤੀ ਯਾਤਰੀਆਂ ਦੀ ਵੱਧ ਰਹੀ ਗਿਣਤੀ ਸ੍ਰੀਲੰਕਨ ਏਅਰਲਾਈਨਜ਼ ਅਤੇ ਟੂਰਿਜ਼ਮ ਸੈਕਟਰ ਦੇ ਅਧਿਕਾਰੀਆਂ ਦੇ ਅੰਦਾਜ਼ੇ ਮੁਤਾਬਕ, ਭਾਰਤ ਤੋਂ ਸ੍ਰੀਲੰਕਾ ਜਾਣ ਵਾਲੇ ਸੈਲਾਨੀਆਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਜਨਵਰੀ ਤੋਂ ਦਸੰਬਰ ਦੇ ਪਹਿਲੇ ਹਫ਼ਤੇ ਤੱਕ ਲਗਭਗ 5 ਲੱਖ ਭਾਰਤੀ ਯਾਤਰੀ ਸ੍ਰੀਲੰਕਾ ਘੁੰਮਣ ਆ ਚੁੱਕੇ ਹਨ। ਇਹ ਗਿਣਤੀ ਦੇਸ਼ ਦੇ ਕੁੱਲ ਟੂਰਿਸਟ ਟ੍ਰੈਫਿਕ ਦੇ 22 ਫੀਸਦੀ ਦੇ ਬਰਾਬਰ ਹੈ।

ਸਿੱਧੀ ਕਨੈਕਟੀਵਿਟੀ: 9 ਸ਼ਹਿਰ, ਹਫ਼ਤੇ ਵਿੱਚ 90 ਫਲਾਈਟਸ ਸ੍ਰੀਲੰਕਨ ਏਅਰਲਾਈਨਜ਼ ਇਸ ਸਮੇਂ 9 ਭਾਰਤੀ ਸ਼ਹਿਰਾਂ ਦੇ ਨਾਲ ਸਿੱਧੀ ਉਡਾਣ ਦੀ ਸਹੂਲਤ ਦੇ ਰਹੀ ਹੈ। ਇਨ੍ਹਾਂ ਸ਼ਹਿਰਾਂ ਵਿੱਚ ਚੇਨਈ, ਮੁੰਬਈ, ਦਿੱਲੀ, ਹੈਦਰਾਬਾਦ, ਬੈਂਗਲੁਰੂ, ਕੋਚੀ, ਤ੍ਰਿਵੇਂਦਰਮ, ਮਦੁਰੈ ਅਤੇ ਤ੍ਰਿਚਿਰਾਪੱਲੀ ਸ਼ਾਮਲ ਹਨ। ਕੁੱਲ ਮਿਲਾ ਕੇ ਇਹ ਏਅਰਲਾਈਨਜ਼ ਭਾਰਤ ਵਿੱਚ ਹਫ਼ਤੇ ਵਿੱਚ 90 ਤੋਂ ਵੱਧ ਪਲੇਟਫਾਰਮ (ਉਡਾਣਾਂ) ਸੰਚਾਲਿਤ ਕਰ ਰਹੀ ਹੈ। ਇਹ ਏਅਰਲਾਈਨਜ਼ ਆਪਣੇ ਇੰਟਰਨੈਸ਼ਨਲ ਨੈੱਟਵਰਕ ਨੂੰ ਮਜ਼ਬੂਤ ਕਰ ਰਹੀ ਹੈ ਤੇ ਕੋਡਸ਼ੇਅਰ ਸਾਂਝੇਦਾਰੀ ਨਾਲ 120 ਵਿਸ਼ਵਵਿਆਪੀ ਡੈਸਟੀਨੇਸ਼ਨਾਂ ਨਾਲ ਕਨੈਕਟ ਕਰਦੀ ਹੈ।

ਯਾਤਰੀਆਂ ਲਈ ਮੁੱਖ ਆਕਰਸ਼ਣ ਸ੍ਰੀਲੰਕਾ ਦਾ ਟੂਰਿਜ਼ਮ ਸੈਕਟਰ ਮਾਲਦੀਵ, ਫਾਰ ਈਸਟ, ਯੂਰਪ, ਆਸਟ੍ਰੇਲੀਆ ਤੇ ਮਿਡਲ ਈਸਟ ਤੱਕ ਕਨੈਕਟੀਵਿਟੀ ਨੂੰ ਬਿਹਤਰ ਬਣਾਉਂਦਾ ਹੈ। ਸ੍ਰੀਲੰਕਾ ਦੇ ਪ੍ਰਮੁੱਖ ਸੈਰ-ਸਪਾਟਾ ਸਥਾਨਾਂ ਵਿੱਚ ਕੋਲੰਬੋ, ਗਾਲੇ, ਨੁਵਾਰਾ ਏਲੀਆ, ਕੈਂਡੀ, ਅਤੇ ਬੈਂਟੋਟਾ ਜਿਹੇ ਖੂਬਸੂਰਤ ਬੀਚ ਟਾਊਨ ਸ਼ਾਮਲ ਹਨ, ਜੋ ਕਿ ਸੈਲਾਨੀਆਂ ਨੂੰ ਬਹੁਤ ਆਕਰਸ਼ਕ ਲੱਗਦੇ ਹਨ। ਇੱਥੋਂ ਦੇ ਯੂਨੈਸਕੋ ਵਿਸ਼ਵ ਵਿਰਾਸਤੀ ਸਥਾਨ ਜਿਵੇਂ ਕਿ ਸਿਗਰੀਆ ਰੌਕ ਫੋਰਟਰੈੱਸ, ਦੰਬੁਲਾ, ਪੋਲੋਨਾਰੂਆ ਅਤੇ ਅਨੁਰਾਧਾਪੁਰਾ ਖਾਸ ਤੌਰ 'ਤੇ ਸੈਲਾਨੀਆਂ ਲਈ ਖਿੱਚ ਦਾ ਕੇਂਦਰ ਹਨ। ਦਸੰਬਰ ਅਤੇ ਜਨਵਰੀ ਦੇ ਮਹੀਨੇ ਸ੍ਰੀਲੰਕਾ ਘੁੰਮਣ ਲਈ ਸਭ ਤੋਂ ਵਧੀਆ ਸਮਾਂ ਮੰਨਿਆ ਜਾਂਦਾ ਹੈ।

ਹੋਟਲ ਇੰਡਸਟਰੀ ਦੀ ਤਿਆਰੀ ਅਤੇ ਪ੍ਰੀਮੀਅਮ ਪੈਕੇਜ ਸ੍ਰੀਲੰਕਾ ਵਿੱਚ ਹੋਟਲ ਇੰਡਸਟਰੀ ਵੀ ਭਾਰਤੀ ਯਾਤਰੀਆਂ ਦਾ ਸਵਾਗਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਇਸ ਸਮੇਂ 200 ਤੋਂ ਵੱਧ ਹੋਟਲ ਅਤੇ ਰਿਜ਼ੋਰਟ ਸਾਈਨ-ਅੱਪ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚ ਫਾਈਵ-ਸਟਾਰ ਹੋਟਲ ਵੀ ਸ਼ਾਮਲ ਹਨ। ਕਮਰਸ਼ੀਅਲ ਹੈੱਡ ਦੇ ਅਨੁਸਾਰ, ਉਨ੍ਹਾਂ ਦੀ ਟੀਮ ਭਾਰਤੀ ਯਾਤਰੀਆਂ ਨੂੰ ਲਗਾਤਾਰ ਪ੍ਰੀਮੀਅਮ ਟੂਰਿਸਟ ਪੈਕੇਜ ਦੀ ਪੇਸ਼ਕਸ਼ ਕਰ ਰਹੀ ਹੈ।