ਚੱਲਦੇ ਵਿਆਹ 'ਚ ਅਚਾਨਕ ਆ ਗਏ ਦੋ 'Special Guest', ਪਲੇਟਾਂ ਛੱਡ ਭੱਜੇ ਬਰਾਤੀ (Viral Video)

ਜੂਨਾਗੜ੍ਹ: ਗੁਜਰਾਤ ਦੇ ਜੂਨਾਗੜ੍ਹ ਤੋਂ ਇਕ ਬੇਹੱਦ ਹੈਰਾਨ ਕਰਨ ਵਾਲੀ ਵੀਡੀਓ ਸਾਹਮਣੇ ਆਈ ਹੈ, ਜਿੱਥੇ ਇਕ ਵਿਆਹ ਸਮਾਗਮ ਦੌਰਾਨ ਉਸ ਸਮੇਂ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਜਦੋਂ ਦੋ ਸ਼ੇਰ ਅਚਾਨਕ ਮੰਡਪ ਵਿਚ ਦਾਖ਼ਲ ਹੋ ਗਏ। ਇਹ ਘਟਨਾ ਜੂਨਾਗੜ੍ਹ ਦੇ ਨੇੜਲੇ ਪਿੰਡ ਪਲਾਸਵਾ ਦੀ ਦੱਸੀ ਜਾ ਰਹੀ ਹੈ, ਜਿੱਥੇ ਇਕ ਵਿਆਹ ਦੀ ਪਾਰਟੀ ਲਈ ਖਾਣੇ ਦੇ ਟੇਬਲ ਸਜਾਏ ਗਏ ਸਨ।

ਭੋਜਨ ਦੀ ਭਾਲ 'ਚ ਪਹੁੰਚੇ ਸ਼ੇਰ 
ਜਾਣਕਾਰੀ ਅਨੁਸਾਰ, ਜਿਸ ਸਮੇਂ ਇਹ ਸ਼ੇਰ ਮੰਡਪ ਦੇ ਹੇਠਾਂ ਪਹੁੰਚੇ, ਉਸ ਸਮੇਂ ਉੱਥੇ ਕੋਈ ਵੀ ਵਿਅਕਤੀ ਮੌਜੂਦ ਨਹੀਂ ਸੀ, ਜਿਸ ਕਾਰਨ ਇਕ ਵੱਡਾ ਹਾਦਸਾ ਹੋਣੋਂ ਬਚ ਗਿਆ। ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਦੋਵੇਂ ਸ਼ੇਰ ਖਾਣੇ ਵਾਲੀ ਥਾਂ 'ਤੇ ਇਧਰ-ਉਧਰ ਘੁੰਮ ਰਹੇ ਹਨ। ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਭੋਜਨ ਦੀ ਭਾਲ ਵਿੱਚ ਉੱਥੇ ਆਏ ਸਨ, ਪਰ ਜਦੋਂ ਉਨ੍ਹਾਂ ਨੂੰ ਕੁਝ ਨਾ ਮਿਲਿਆ ਤਾਂ ਉਹ ਵਾਪਸ ਜੰਗਲ ਵੱਲ ਪਰਤ ਗਏ।

ਵਣ ਵਿਭਾਗ ਦੀ ਪੁਸ਼ਟੀ 
ਇਸ ਘਟਨਾ ਬਾਰੇ ਵਣ ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਦੋਵੇਂ ਸ਼ੇਰ ਨਹੀਂ ਸਗੋਂ ਸ਼ੇਰਨੀਆਂ ਸਨ। ਇਹ ਸ਼ੇਰਨੀਆਂ 'ਗਿਰਨਾਰੀ ਗਰੁੱਪ' ਦਾ ਹਿੱਸਾ ਹਨ ਜੋ ਅਕਸਰ ਇਸ ਇਲਾਕੇ ਵਿੱਚ ਘੁੰਮਦੀਆਂ ਰਹਿੰਦੀਆਂ ਹਨ। ਅਧਿਕਾਰੀਆਂ ਅਨੁਸਾਰ ਇਹ ਘਟਨਾ ਦੇਰ ਰਾਤ ਦੀ ਹੈ, ਜਦੋਂ ਮੰਡਪ ਖਾਲੀ ਸੀ, ਇਸ ਲਈ ਚਿੰਤਾ ਦੀ ਕੋਈ ਗੱਲ ਨਹੀਂ ਹੈ।

गुजरात के जूनागढ़ का दृश्य है। एक शादी समारोह समाप्त होने के बाद जंगल के राजा अपने परिवार के साथ दावत में शामिल होने आए,

लेकिन उनके अनुरूप भोजन न मिलने के कारण राजा और उनका परिवार निराश होकर लौट गए। pic.twitter.com/7UHUpTVSzd

— Prof. इलाहाबादी ( نور ) (@ProfNoorul) February 17, 2026

ਸੋਸ਼ਲ ਮੀਡੀਆ 'ਤੇ ਵੀਡੀਓ ਵਾਇਰਲ 
ਇਹ ਪੂਰੀ ਘਟਨਾ ਉੱਥੇ ਲੱਗੇ ਕੈਮਰੇ 'ਚ ਕੈਦ ਹੋ ਗਈ ਤੇ ਹੁਣ ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਜੰਗਲੀ ਖੇਤਰ ਦੇ ਨੇੜਲੇ ਪਿੰਡਾਂ 'ਚ ਵਾਪਰਦੀਆਂ ਅਜਿਹੀਆਂ ਘਟਨਾਵਾਂ ਲੋਕਾਂ ਨੂੰ ਹਮੇਸ਼ਾ ਚੌਕਸ ਰਹਿਣ ਦੀ ਯਾਦ ਦਿਵਾਉਂਦੀਆਂ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e