ਨਿੱਝਰ ਕਤਲਕਾਂਡ ਨਾਲ ਸਬੰਧਤ ਆਡੀਓ ਵਾਇਰਲ ਹੋਣ ਮਗਰੋਂ ਗੋਲਡੀ ਨੂੰ ਮਿਲੀ ਧਮਕੀ

ਇੰਟਰਨੈਸ਼ਨਲ ਡੈਸਕ- ਗੈਂਗਸਟਰ ਸਤਿੰਦਰਜੀਤ ਸਿੰਘ ਉਰਫ਼ ਗੋਲਡੀ ਬਰਾੜ ਵੱਲੋਂ ਜੂਨ 2023 'ਚ ਸਿੱਖ ਵੱਖਵਾਦੀ ਹਰਦੀਪ ਸਿੰਘ ਨਿੱਜਰ ਦੇ ਕਤਲ ਦੀ ਜ਼ਿੰਮੇਵਾਰੀ ਲੈਣ ਦੀ ਲੀਕ ਹੋਈ ਆਡੀਓ ਤੋਂ ਬਾਅਦ UK ਸਥਿਤ ਖ਼ਾਲਿਸਤਾਨੀ ਅੱਤਵਾਦੀ ਪਰਮਜੀਤ ਸਿੰਘ ਪੰਮਾ ਦੀ ਇੱਕ 15 ਮਿੰਟ ਦੀ ਕਥਿਤ ਆਡੀਓ ਸਾਹਮਣੇ ਆਈ ਹੈ। ਪੰਮਾ ਨੇ ਗੋਲਡੀ ਬਰਾੜ ਨੂੰ ਚਿਤਾਵਨੀ ਦਿੰਦਿਆਂ ਕਿਹਾ ਹੈ ਕਿ ਨਿੱਜਰ ਦਾ ਕਤਲ ਕਰ ਕੇ ਉਸ ਨੇ ਖ਼ੁਦ ਆਪਣੀ ਮੌਤ ਨੂੰ ਸੱਦਾ ਦਿੱਤਾ ਹੈ।

ਸਾਹਮਣੇ ਆਈ ਆਡੀਓ 'ਚ ਪੰਮਾ ਨੇ ਕਿਹਾ ਕਿ ਹਰਦੀਪ ਸਿੰਘ ਨਿੱਜਰ ਦਾ ਕਤਲ ਕਰ ਕੇ ਗੋਲਡੀ ਅਤੇ ਉਸ ਦੀ ਗੈਂਗ ਨੇ ਉਹ ਲਾਈਨ ਪਾਰ ਕਰ ਲਈ ਹੈ ਜਿੱਥੋਂ ਉਹ ਹੁਣ ਬਚ ਨਹੀਂ ਸਕਦੇ। ਉਸ ਵੱਲੋਂ ਚਲਾਈਆਂ ਗਈਆਂ 40 ਗੋਲੀਆਂ ਦੇ ਬਦਲੇ 4,000 ਗੋਲੀਆਂ ਮੋੜੀਆਂ ਜਾਣਗੀਆਂ।"

ਪੰਮਾ ਨੇ ਗੋਲਡੀ ਬਰਾੜ ਵੱਲੋਂ ਸਾਢੇ ਤਿੰਨ ਸਾਲ ਬਾਅਦ ਇਸ ਕਤਲ ਦੀ ਜ਼ਿੰਮੇਵਾਰੀ ਲੈਣ ਦੇ ਫੈਸਲੇ 'ਤੇ ਸਵਾਲ ਚੁੱਕੇ ਹਨ। ਉਸ ਨੇ ਬਰਾੜ 'ਤੇ ਨਿੱਜਰ ਦਾ ਅਕਸ ਖਰਾਬ ਕਰਨ ਅਤੇ ਉਸ ਨੂੰ ਨਸ਼ਾ ਤਸਕਰੀ ਨਾਲ ਜੋੜ ਕੇ ਝੂਠੇ ਦੋਸ਼ ਲਗਾਉਣ ਦਾ ਇਲਜ਼ਾਮ ਲਗਾਇਆ। ਪੰਮਾ ਨੇ ਅੱਗੇ ਕਿਹਾ ਕਿ ਗੋਲਡੀ ਇਹ ਨਾ ਸੋਚੇ ਕਿ ਉਸ ਨੂੰ ਭਾਰਤ ਦੀ ਸਰਕਾਰ ਬਚਾ ਲਵੇਗੀ। ਉਸ ਨੂੰ ਆਪਣੇ ਕੀਤੇ ਦਾ ਅੰਜਾਮ ਭੁਗਤਣਾ ਪਵੇਗਾ।

🚨 BIG BREAKING: UK-based Paramjit Singh Pamma corroborates that the leaked call (b/w him & Goldy Brar) was real & responds directly to Goldy Brar.

In my careful transcription, Pamma affirms that Brar killed Nijjar, while blaming the Indian government. He provokes Brar &… https://t.co/vTBoa6ptIi pic.twitter.com/PPMpJPLlJw

— Ruchi Wali 🇨🇦 (@WaliRuchi) August 31, 2026

ਲੀਕ ਹੋਈ ਆਡੀਓ ਤੋਂ ਬਾਅਦ ਇੱਕ ਸਾਲ ਦੇ ਅੰਦਰ-ਅੰਦਰ ਮਾਰੇ ਜਾਣ ਦੇ ਦਾਅਵਿਆਂ 'ਤੇ ਪੰਮਾ ਨੇ ਕਿਹਾ ਕਿ ਪਿਛਲੇ 12 ਸਾਲਾਂ 'ਚ ਉਸ ਨੂੰ ਮਾਰਨ ਦੀਆਂ ਕਈ ਨਾਕਾਮ ਕੋਸ਼ਿਸ਼ਾਂ ਹੋ ਚੁੱਕੀਆਂ ਹਨ। ਉਸ ਨੇ ਬਰਾੜ ਨੂੰ ਗੱਡੀਆਂ ਜਾਂ ਖਿੜਕੀਆਂ 'ਤੇ ਗੋਲੀਆਂ ਚਲਾਉਣ ਦੀ ਬਜਾਏ ਸਿੱਧਾ ਸਾਹਮਣੇ ਆਉਣ ਦੀ ਚੁਣੌਤੀ ਦਿੱਤੀ।

ਪੰਮਾ ਨੇ ਬਰਾੜ ਦੀ ਫ਼ਿਰੌਤੀ ਵਸੂਲੀ ਦੇ ਤਰੀਕਿਆਂ ਦਾ ਮਜ਼ਾਕ ਉਡਾਉਂਦਿਆਂ ਕਿਹਾ ਕਿ ਉਹ ਸ਼ੁਰੂ ਵਿੱਚ 10 ਲੱਖ ਡਾਲਰ ਮੰਗਦਾ ਹੈ ਅਤੇ ਬਾਅਦ ਵਿੱਚ 5,000 ਜਾਂ 2,000 ਡਾਲਰ 'ਤੇ ਸਮਝੌਤਾ ਕਰ ਲੈਂਦਾ ਹੈ, ਜਿਸ ਨੂੰ ਬਦਮਾਸ਼ੀ ਨਹੀਂ ਕਿਹਾ ਜਾ ਸਕਦਾ। ਇਹ ਸਿਰਫ਼ ਪੈਸੇ ਕਮਾਉਣ ਦਾ ਇਕ ਜ਼ਰੀਆ ਬਣਾਇਆ ਹੋਇਆ ਹੈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e