ਗੁਜਰਾਤ ''ਚ SIR ਦਾ ਡਾਟਾ ਜਾਰੀ, 73 ਲੱਖ ਵੋਟਰਾਂ ਹਟਾਏ ਨਾਮ

ਨੈਸ਼ਨਲ ਡੈਸਕ : ਸਪੈਸ਼ਲ ਇੰਟੈਂਸਿਵ ਰਿਵੀਜ਼ਨ (SIR) ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਗੁਜਰਾਤ ਦੀ ਡਰਾਫਟ ਵੋਟਰ ਸੂਚੀ ਤੋਂ ਲਗਭਗ 74 ਲੱਖ ਵੋਟਰਾਂ ਨੂੰ ਹਟਾ ਦਿੱਤਾ ਗਿਆ ਹੈ, ਜਿਸ ਨਾਲ ਵੋਟਰਾਂ ਦੀ ਕੁੱਲ ਗਿਣਤੀ ਪਿਛਲੀ 5.08 ਕਰੋੜ ਤੋਂ 4.34 ਲੱਖ ਹੋ ਗਈ ਹੈ। ਚੋਣ ਕਮਿਸ਼ਨ ਨੇ ਸ਼ੁੱਕਰਵਾਰ ਨੂੰ ਇੱਥੇ ਡਰਾਫਟ ਵੋਟਰ ਸੂਚੀ ਪ੍ਰਕਾਸ਼ਿਤ ਕੀਤੀ। ਰਾਜ ਦੇ ਮੁੱਖ ਚੋਣ ਅਧਿਕਾਰੀ (CEO) ਹਰਿਤ ਸ਼ੁਕਲਾ ਨੇ ਕਿਹਾ ਕਿ ਚੋਣ ਕਮਿਸ਼ਨ ਦੀ ਵੋਟਰ ਸੂਚੀ ਸ਼ੁੱਧੀਕਰਨ ਮੁਹਿੰਮ ਤੋਂ ਬਾਅਦ ਕੁੱਲ 73.73 ਲੱਖ ਵੋਟਰਾਂ ਨੂੰ ਵੋਟਰ ਸੂਚੀਆਂ ਤੋਂ ਹਟਾ ਦਿੱਤਾ ਗਿਆ ਸੀ।

ਉਨ੍ਹਾਂ ਕਿਹਾ "ਡਰਾਫਟ ਵੋਟਰ ਸੂਚੀ ਦੇ ਪ੍ਰਕਾਸ਼ਨ ਤੋਂ ਪਹਿਲਾਂ, ਰਾਜ ਵਿੱਚ ਕੁੱਲ 50,843,436 ਵੋਟਰ ਰਜਿਸਟਰਡ ਸਨ," । ਇਨ੍ਹਾਂ ਸੂਚੀਆਂ ਦੇ ਪ੍ਰਕਾਸ਼ਨ ਤੋਂ ਬਾਅਦ ਵੋਟਰਾਂ ਦੀ ਗਿਣਤੀ ਹੁਣ 4,34,70,109 ਤੱਕ ਪਹੁੰਚ ਗਈ ਹੈ। ਸ਼ੁਕਲਾ ਨੇ ਕਿਹਾ, "SIR ਅਭਿਆਸ ਦੌਰਾਨ, ਕੁੱਲ 73,73,327 ਵੋਟਰਾਂ ਦੇ ਨਾਮ ਡਰਾਫਟ ਵੋਟਰ ਸੂਚੀ ਤੋਂ ਹਟਾ ਦਿੱਤੇ ਗਏ ਹਨ।"

ਸੀਈਓ ਦਫ਼ਤਰ ਤੋਂ ਜਾਰੀ ਇੱਕ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ ਕਿ ਵੋਟਰਾਂ ਦੀਆਂ ਜਿਨ੍ਹਾਂ ਸ਼੍ਰੇਣੀਆਂ ਦੇ ਨਾਮ ਡਰਾਫਟ ਵੋਟਰ ਸੂਚੀ ਵਿੱਚੋਂ ਹਟਾ ਦਿੱਤੇ ਗਏ ਹਨ, ਉਨ੍ਹਾਂ ਵਿੱਚ ਮ੍ਰਿਤਕ ਵੋਟਰ (18,07,278), ਗੈਰਹਾਜ਼ਰ ਵੋਟਰ (9,69,662), ਸਥਾਈ ਤੌਰ 'ਤੇ ਮਾਈਗ੍ਰੇਟ ਕੀਤੇ ਵੋਟਰ (40,25,553), ਦੋ ਥਾਵਾਂ 'ਤੇ ਰਜਿਸਟਰਡ ਵੋਟਰ (3,81,470) ਅਤੇ ਹੋਰ (1,89,364) ਸ਼ਾਮਲ ਹਨ।  ਐਸਆਈਆਰ ਅਭਿਆਸ ਗੁਜਰਾਤ ਵਿੱਚ 4 ਨਵੰਬਰ ਨੂੰ ਸ਼ੁਰੂ ਹੋਇਆ ਸੀ ਅਤੇ 14 ਦਸੰਬਰ ਨੂੰ ਖਤਮ ਹੋਇਆ। ਚੋਣ ਕਮਿਸ਼ਨ ਨੇ ਪਹਿਲਾਂ ਕਿਹਾ ਸੀ ਕਿ ਡਰਾਫਟ ਸੂਚੀ ਦੇ ਪ੍ਰਕਾਸ਼ਨ ਤੋਂ ਬਾਅਦ ਉਨ੍ਹਾਂ ਨਾਲ ਸਬੰਧਤ ਇਤਰਾਜ਼ ਅਤੇ ਦਾਅਵੇ 18 ਜਨਵਰੀ ਤੱਕ ਅਧਿਕਾਰੀਆਂ ਨੂੰ ਜਮ੍ਹਾ ਕਰਵਾਏ ਜਾ ਸਕਦੇ ਹਨ।