ਲਾਕਡਾਊਨ ''ਚ ਕਈ ਮਹੀਨੇ ਬੰਦ ਰਹਿਣ ਤੋਂ ਬਾਅਦ ਕਸ਼ਮੀਰ ''ਚ ਫਿਰ ਖੁੱਲ੍ਹੀ ਸ਼੍ਰੀ ਪ੍ਰਾਤਪ ਸਿੰਘ ਲਾਇਬ੍ਰੇਰੀ

ਸ਼੍ਰੀਨਗਰ : ਕੋਰੋਨਾ ਮਹਾਮਾਰੀ ਕਾਰਨ ਲੱਗੇ ਲਾਕਡਾਊਨ 'ਚ ਮਹੀਨਿਆਂ ਬੰਦ ਰਹਿਣ ਤੋਂ ਬਾਅਦ ਸ਼੍ਰੀਨਗਰ 'ਚ ਸ਼੍ਰੀ ਪ੍ਰਾਤਪ ਸਿੰਘ ਲਾਇਬ੍ਰੇਰੀ ਨੂੰ ਇੱਕ ਵਾਰ ਫਿਰ ਖੋਲ੍ਹ ਦਿੱਤਾ ਗਿਆ ਹੈ। ਮਾਰਚ 'ਚ ਵਿਦਿਅਕ ਸੰਸਥਾਵਾਂ ਨੂੰ ਬੰਦ ਕਰ ਦਿੱਤਾ ਗਿਆ ਸੀ ਅਤੇ ਅਜਿਹੇ 'ਚ ਪੂਰੇ ਛੇ ਮਹੀਨੇ ਤੋਂ ਵਿਦਿਆਰਥੀ ਕਿਤਾਬਾਂ ਨੂੰ ਲੈ ਕੇ ਕਾਫ਼ੀ ਪ੍ਰੇਸ਼ਾਨ ਸਨ। ਉਨ੍ਹਾਂ ਨੂੰ ਪੜ੍ਹਾਈ ਕਰਨ 'ਚ ਕਾਫ਼ੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ।

ਵਿਦਿਆਰਥੀ ਬਾਰੀਕ ਨੇ ਦੱਸਿਆ, ਜਦੋਂ ਤੋਂ ਸਕੂਲ ਬੰਦ ਹਨ ਉਦੋਂ ਤੋਂ ਪ੍ਰੇਸ਼ਾਨੀ ਹੋ ਰਹੀ ਹੈ ਅਤੇ ਅਜਿਹੇ 'ਚ ਲਾਇਬ੍ਰੇਰੀ ਦੇ ਖੁੱਲ੍ਹ ਜਾਣ ਨਾਲ ਕਾਫ਼ੀ ਰਾਹਤ ਮਿਲੀ ਹੈ। ਇਹ ਸਰਕਾਰ ਦਾ ਵਧੀਆ ਕਦਮ ਹੈ। ਕੁੱਝ ਸਾਮਾਨ ਤਾਂ ਇੰਟਰਨੈੱਟ 'ਤੇ ਮਿਲ ਜਾਂਦਾ ਹੈ ਪਰ ਕਿਤਾਬ ਤਾਂ ਕਿਤਾਬ ਹੁੰਦੀ ਹੈ। ਮੈਂ ਖੁਸ਼ਕਿਸਮਤ ਹਾਂ ਕਿ ਮੈਂ ਬੈਸਟ ਲਾਇਬ੍ਰੇਰੀ 'ਚ ਪੜ੍ਹਣ ਆਉਂਦਾ ਹਾਂ। ਸਟਾਫ ਵੀ ਬਹੁਤ ਵਧੀਆ ਹੈ।

ਲਇਬਰੇਰੀ ਦੀ ਡਿਪਟੀ ਡਾਇਰੈਕਟਰ ਜਾਹਿਦਾ ਨੇ ਕਿਹਾ, ਦੇਸ਼ ਭਰ 'ਚ ਲਾਕਡਾਊਨ ਲਗਾ ਸੀ। ਕੋਰੋਨਾ ਮਹਾਮਾਰੀ ਨੇ ਸਾਰਿਆਂ ਨੂੰ ਪ੍ਰੇਸ਼ਾਨ ਕਰ ਰੱਖਿਆ ਹੈ। ਅਜਿਹੇ 'ਚ ਲਾਇਬ੍ਰੇਰੀ ਵੀ ਬੰਦ ਹੋ ਗਈ। ਹੁਣ ਕੁੱਝ ਰੋਕ ਹਟੇ ਤਾਂ ਲਾਇਬ੍ਰੇਰੀ ਨੂੰ ਖੋਲ੍ਹਿਆ ਗਿਆ ਹੈ। ਪਹਿਲ ਦੇ ਤੌਰ 'ਤੇ ਕਿਤਾਬਾਂ ਵੀ ਜਾਰੀ ਕੀਤੀਆਂ ਜਾ ਰਹੀਆਂ ਹਨ। ਜਿਨ੍ਹਾਂ ਨੂੰ ਇੱਥੇ ਪੜ੍ਹਨਾ ਹੈ ਉਹ ਪੜ੍ਹ ਰਹੇ ਹਨ ਅਤੇ ਐੱਸ.ਓ.ਪੀ. ਦਾ ਪਾਲਣ ਵੀ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਮਾਸਕ ਪਹਿਨਣ ਅਤੇ ਸਾਮਾਜਕ ਦੂਰੀ ਦਾ ਪਾਲਣ ਅਸੀਂ ਕਰਵਾ ਰਹੇ ਹਾਂ।