ਮਹਾਰਾਸ਼ਟਰ ਚੋਣਾਂ: ਸ਼ਿਵ ਸੈਨਾ ਸ਼ਿੰਦੇ ਧੜੇ ਨੇ 13 ਉਮੀਦਵਾਰਾਂ ਦੀ ਸੂਚੀ ਕੀਤੀ ਜਾਰੀ
Monday, Oct 28, 2024 - 11:29 PM (IST)
ਨੈਸ਼ਨਲ ਡੈਸਕ - ਸ਼ਿਵ ਸੈਨਾ ਸ਼ਿੰਦੇ ਧੜੇ ਨੇ ਮਹਾਰਾਸ਼ਟਰ ਵਿਧਾਨ ਸਭਾ ਚੋਣਾਂ ਲਈ ਆਪਣੇ 15 ਉਮੀਦਵਾਰਾਂ ਦੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਇਨ੍ਹਾਂ ਵਿੱਚੋਂ ਸ਼ਿਵ ਸੈਨਾ ਦੇ 13 ਅਤੇ ਸਹਿਯੋਗੀ ਦਲਾਂ ਦੇ 2 ਉਮੀਦਵਾਰ ਹਨ। ਸੂਚੀ ਵਿੱਚ ਸ਼ਿੰਦੇ ਸੈਨਾ ਧੜੇ ਤੋਂ ਭਾਜਪਾ ਦੀ ਸ਼ਾਇਨਾ ਐਨ.ਸੀ. ਮੁੰਬਾਦੇਵੀ ਵਿਧਾਨ ਸਭਾ ਹਲਕੇ ਤੋਂ ਚੋਣ ਲੜੇਗੀ। ਸ਼ਿੰਦੇ ਸੈਨਾ ਨੂੰ 1 ਜਾਂ 2 ਹੋਰ ਸੀਟਾਂ ਮਿਲ ਸਕਦੀਆਂ ਹਨ। ਭਾਜਪਾ ਨਾਲ ਗੱਲਬਾਤ ਅਜੇ ਵੀ ਜਾਰੀ ਹੈ।
ਐਤਵਾਰ ਨੂੰ ਏਕਨਾਥ ਸ਼ਿੰਦੇ ਦੀ ਸ਼ਿਵ ਸੈਨਾ ਨੇ 20 ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਸੀ। ਇਸ ਸੂਚੀ ਵਿੱਚ ਸੰਜੇ ਨਿਰੂਪਮ ਨੂੰ ਦਿੰਦੋਸ਼ੀ ਅਤੇ ਮਿਲਿੰਦ ਦੇਵੜਾ ਨੂੰ ਵਰਲੀ ਤੋਂ ਟਿਕਟ ਦਿੱਤੀ ਗਈ ਹੈ। ਧਿਆਨ ਯੋਗ ਹੈ ਕਿ ਮਿਲਿੰਦ ਦੇਵੜਾ ਵਰਲੀ ਦੇ ਵਿਧਾਇਕ ਆਦਿਤਿਆ ਠਾਕਰੇ ਦੇ ਖਿਲਾਫ ਚੋਣ ਮੈਦਾਨ ਵਿੱਚ ਹੋਣਗੇ।
ਭਾਜਪਾ ਦੇ ਸਾਬਕਾ ਨੇਤਾ ਮੁਰਜੀ ਪਟੇਲ ਨੂੰ ਅੰਧੇਰੀ ਪੂਰਬੀ ਸੀਟ ਤੋਂ ਉਮੀਦਵਾਰ ਬਣਾਇਆ ਗਿਆ ਹੈ। ਇਹ ਸੀਟ ਪਹਿਲਾਂ ਹੀ ਸੁਰਖੀਆਂ ਵਿੱਚ ਸੀ ਕਿਉਂਕਿ ਸ਼ਿੰਦੇ ਨੇ ਪਹਿਲਾਂ ਹੀ ਸਾਬਕਾ ਐਨਕਾਊਂਟਰ ਸਪੈਸ਼ਲਿਸਟ ਅਤੇ ਐਂਟੀਲੀਆ ਕੇਸ ਦੇ ਮੁਲਜ਼ਮ ਪ੍ਰਦੀਪ ਸ਼ਰਮਾ ਦੀ ਪਤਨੀ ਨੂੰ ਇੱਥੋਂ ਚੋਣ ਮੈਦਾਨ ਵਿੱਚ ਉਤਾਰਨ ਦੀ ਯੋਜਨਾ ਬਣਾਈ ਸੀ। ਹਾਲਾਂਕਿ ਭਾਜਪਾ ਨੇ ਇਸ 'ਤੇ ਸਖਤ ਇਤਰਾਜ਼ ਜਤਾਇਆ, ਜਿਸ ਤੋਂ ਬਾਅਦ ਯੋਜਨਾ ਨੂੰ ਬਦਲਣਾ ਪਿਆ।
