ਯੌਨ ਸ਼ੋਸ਼ਣ ਮਾਮਲਾ : ਆਸਾਰਾਮ ''ਤੇ ਫੈਸਲੇ ਨੂੰ ਲੈ ਕੇ ਜੋਧਪੁਰ ''ਚ ਅੱਜ ਤੋਂ ਧਾਰਾ 144

ਜੈਪੁਰ— 'ਆਸਾਰਾਮ ਯੌਨ ਸੋਸ਼ਣ ਮਾਮਲੇ' 'ਚ 25 ਅਪ੍ਰੈਲ ਨੂੰ ਆਉਣ ਵਾਲੇ ਫੈਸਲੇ ਨੂੰ ਦੇਖਦੇ ਹੋਏ ਜੋਧਪੁਰ ਕਮਿਸ਼ਨਡ ਇਲਾਕੇ 'ਚ ਧਾਰਾ 144 ਲਾਗੂ ਰਹੇਗੀ। ਫੈਸਲੇ ਦੇ ਦਿਨ ਵੱਡੀ ਗਿਣਤੀ 'ਚ ਸਮਰਥਕਾਂ ਦੇ ਆਉਣ ਦੀ ਸੰਭਾਵਨਾਂ ਨੂੰ ਦੇਖਦੇ ਹੋਏ ਪੁਲਸ ਪ੍ਰਸ਼ਾਸ਼ਨ ਸਖ਼ਤ ਕਦਮ ਚੁੱਕ ਰਿਹਾ ਹੈ। ਸ਼ਨੀਵਾਰ ਤੋਂ ਹੀ ਜੋਧਪੁਰ ਸ਼ਹਿਰ ਦਾ ਬਾਰਡਰ ਸੀਲ ਕਰਕੇ ਜਗ੍ਹਾ-ਜਗ੍ਹਾ ਨਾਕਾਬੰਦੀ ਕਰ ਦਿੱਤੀ ਜਾਵੇਗੀ।
21 ਅਪ੍ਰੈਲ ਨੂੰ ਸਵੇਰੇ 10 ਵਜੇ ਤੋਂ 30 ਅਪ੍ਰੈਲ ਨੂੰ ਸ਼ਾਮ ਪੰਜ ਵਜੇ ਤੱਕ ਜੋਧਪੁਰ ਕਮਿਸ਼ਨਡ ਇਲਾਕੇ 'ਚ ਧਾਰਾ 144 ਲਾਗੂ ਰਹੇਗੀ। ਇਸ ਦੌਰਾਨ ਸਰਵਜਨਿਕ ਸਥਾਨ 'ਤੇ ਪੰਜ ਜਾਂ ਜ਼ਿਆਦਾ ਲੋਕ ਇਕੱਠੇ ਨਹੀਂ ਹੋ ਸਕਣਗੇ ਅਤੇ ਨਾ ਹੀ ਹਥਿਆਰ ਲੈ ਕੇ ਚੱਲ ਸਕਣਗੇ। ਸਭਾ-ਜਲੂਸ 'ਤੇ ਵੀ ਰੋਕ ਰਹੇਗੀ।
ਜੋਧਪੁਰ ਕਮਿਸ਼ਨਡ ਵੱਲੋਂ ਸੁਰੱਖਿਆ ਵਿਵਸਥਾ ਦੀ ਜਾਣਕਾਰੀ ਦੇਣ ਲਈ ਸ਼ੁੱਕਰਵਾਰ ਨੂੰ ਆਯੋਜਿਤ ਪ੍ਰੈੱਸ ਨਾਲ ਹੋਈ ਗੱਲਬਾਤ 'ਚ ਡੀ.ਸੀ.ਪੀ. ਈਸਟ ਅਮਨਦੀਪ ਸਿੰਘ ਅਤੇ ਡੀ.ਸੀ.ਪੀ. ਵੈਸਟ ਸਮੀਰ ਕੁਮਾਰ ਸਿੰਘ ਨੇ ਦੱਸਿਆ ਕਿ ਫੈਸਲੇ ਦੇ ਦਿਨ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਹਨ। ਪੂਰੀ ਨਿਗਰਾਨੀ ਕੀਤੀ ਜਾ ਰਹੀ ਹੈ, ਜੇਕਰ ਕੋਈ ਆਸਾਰਾਮ ਸਮਰਥਕ ਜੋਧਪੁਰ ਆਉਂਦਾ ਹੈ ਤਾਂ ਪੁਲਸ ਉਸ ਤੋਂ ਪੁੱਛਗਿਛ ਕਰੇਗੀ। ਸੁਰੱਖਿਆ ਵਿਵਸਥਾ 'ਚ ਕੋਈ ਗਲਤੀ ਦੀ ਗੁੰਜਾਇਸ਼ ਨਹੀਂ ਹੈ।
ਦੱਸਣਾ ਚਾਹੁੰਦੇ ਹਾਂ ਕਿ ਯੌਨ ਸ਼ੋਸ਼ਨ ਮਾਮਲੇ ਦੇ ਦੋਸ਼ੀ ਆਸਾਰਾਮ ਦੇ ਮਾਮਲੇ 'ਤੇ ਫੈਸਲੇ ਲਈ 25 ਅਪ੍ਰੈਲ ਦੀ ਤਾਰੀਖ ਤੈਅ ਹੈ। ਸਜ਼ਾ ਸੁਣਾਏ ਜਾਣ ਦੌਰਾਨ ਵੱਡੀ ਗਿਣਤੀ 'ਚ ਆਸਾਰਾਮ ਦੇ ਸਮਰਥਕਾਂ ਦੇ ਜੋਧਪੁਰ ਸ਼ਹਿਰ ਪਹੁੰਚਣ ਦੀ ਪੁਲਸ ਨੂੰ ਖੁਫੀਆ ਰਿਪੋਰਟ ਮਿਲੀ ਸੀ। ਇਸ 'ਤੇ ਪੁਲਸ ਨੇ ਹਾਈਕੋਰਟ 'ਚ ਅਰਜੀ ਪੇਸ਼ ਕਰਕੇ ਆਸਾਰਾਮ ਦਾ ਫੈਸਲਾ ਜੇਲ 'ਚ ਹੀ ਸੁਣਾਏ ਜਾਣ ਦੀ ਦਰਖਾਸਤ ਲਗਾਈ ਸੀ। ਪੁਲਸ ਦੀ ਅਰਜੀ ਨੂੰ ਸਵੀਕਾਰ ਕਰਦੇ ਹੋਏ ਬੀਤੇ ਮੰਗਲਵਾਰ ਨੂੰ ਹਾਈਕੋਰਟ ਜਸਟਿਸ ਗੋਪਾਲਕ੍ਰਿਸ਼ਣ ਵਿਆਸ ਅਤੇ ਜਸਟਿਸ ਰਾਮਚੰਦਰ ਸਿੰਘ ਝਾਲਾ ਦੀ ਬੈਂਚ ਨੇ ਆਸਾਰਾਮ ਨੂੰ ਜੇਲ 'ਚ ਫੈਸਲੇ ਸੁਣਾਉਣ ਦਾ ਆਦੇਸ਼ ਦਿੱਤਾ ਸੀ। ਉਸ ਤੋਂ ਬਾਅਦ ਪੁਲਸ ਨੇ ਰਾਹਤ ਦੀ ਸਾਹ ਲਈ ਸੀ।
ਫਿਰ ਤੋਂ ਪੁਲਸ ਪ੍ਰਸ਼ਾਸ਼ਨ ਕੋਈ ਰਿਸਕ ਨਹੀਂ ਲੈਣਾ ਚਾਹੁੰਦਾ ਹੈ। ਲਿਹਾਜਾ ਸੁਰੱਖਿਆ ਵਿਵਸਥਾ ਦੇ ਪ੍ਰਬੰਧ ਸਖ਼ਤ ਕੀਤੇ ਜਾ ਰਹੇ ਹਨ। 25 ਅਪ੍ਰੈਲ ਨੂੰ ਜੇਲ 'ਚ ਅਦਾਲਤ ਸ਼ੁਰੂ ਹੋਵੇਗੀ, ਉਸ 'ਤੇ ਹੀ ਆਸਾਰਾਮ ਦਾ ਫੈਸਲਾ ਸੁਣਾਇਆ ਜਾਵੇਗਾ। ਐੈੱਸ.ਸੀ. ਐੈੱਸ.ਟੀ. ਕੋਰਟ ਪੀਠਾਸੀਨ ਅਧਿਕਾਰੀ ਮਧੂਸੂਦਨ ਸ਼ਰਮਾ ਸੈਸ਼ਨ ਕੋਰਟ ਜੱਜ ਜੇਲ 'ਚ ਹੀ ਫੈਸਲਾ ਸੁਣਾਉਣਗੇ। ਕੋਰਟ ਦੇ ਬਾਹਰ ਪੁਲਸ ਸੁਰੱਖਿਆ ਵਿਵਸਥਾ ਦੇ ਪੁਖਤਾ ਬੰਦੋਬਸਤ ਕੀਤੇ ਜਾਣਗੇ।