ਖਰੀਦਦਾਰਾਂ ਦੀ ਪਹਿਲੀ ਪਸੰਦ ਬਣਿਆ ਇਹ ਈ-ਸਕੂਟਰ! ਮਹੀਨੇ ''ਚ ਹੀ ਵਿਕੇ 24,742 ਯੂਨਿਟ

ਗੈਜੇਟ ਡੈਸਕ : ਭਾਰਤ ਦੇ ਇਲੈਕਟ੍ਰਿਕ ਟੂ-ਵ੍ਹੀਲਰ ਬਾਜ਼ਾਰ ਵਿੱਚ Ather Energy ਦੇ ਫੈਮਿਲੀ ਸਕੂਟਰ Ather Rizta ਨੇ ਆਪਣੀ ਲੋਕਪ੍ਰਿਯਤਾ ਦਾ ਲੋਹਾ ਮਨਵਾਇਆ ਹੈ। ਜੂਨ 2026 ਵਿੱਚ ਇਸ ਸਕੂਟਰ ਦੀ ਵਿਕਰੀ ਵਿੱਚ ਬਹੁਤ ਵੱਡਾ ਵਾਧਾ ਦੇਖਿਆ ਗਿਆ ਹੈ, ਜਿਸ ਨੇ ਪਿਛਲੇ ਸਾਲ ਦੇ ਮੁਕਾਬਲੇ ਲਗਭਗ ਦੁੱਗਣੀ ਵਿਕਰੀ ਦਰਜ ਕੀਤੀ ਹੈ। ਜਾਣਕਾਰੀ ਅਨੁਸਾਰ Ather Rizta ਨੇ ਜੂਨ 2026 ਵਿੱਚ ਕੁੱਲ 24,742 ਯੂਨਿਟਸ ਦੀ ਵਿਕਰੀ ਕੀਤੀ ਹੈ। ਇਹ ਅੰਕੜਾ ਜੂਨ 2025 ਵਿੱਚ ਵਿਕੇ 12,563 ਯੂਨਿਟਸ ਦੇ ਮੁਕਾਬਲੇ 97 ਫੀਸਦੀ ਜ਼ਿਆਦਾ ਹੈ। ਜੇਕਰ ਮਈ 2026 ਨਾਲ ਤੁਲਨਾ ਕੀਤੀ ਜਾਵੇ, ਤਾਂ ਵਿਕਰੀ ਵਿੱਚ 19 ਫੀਸਦੀ ਦਾ ਵਾਧਾ ਹੋਇਆ ਹੈ, ਜੋ ਇਸ ਸਕੂਟਰ ਦੀ ਵਧਦੀ ਮੰਗ ਨੂੰ ਦਰਸਾਉਂਦਾ ਹੈ।

ਕੰਪਨੀ ਦੀ ਸਪੋਰਟੀ ਰੇਂਜ Ather 450 ਸੀਰੀਜ਼, ਦੀ ਮੰਗ ਵਿੱਚ ਵੀ ਵਾਧਾ ਹੋਇਆ ਹੈ। ਜੂਨ ਮਹੀਨੇ ਵਿੱਚ ਇਸ ਸੀਰੀਜ਼ ਦੇ 6,321 ਯੂਨਿਟਸ ਵਿਕੇ, ਜੋ ਮਈ ਦੇ 6,057 ਯੂਨਿਟਸ ਤੋਂ ਵੱਧ ਹਨ। ਹਾਲਾਂਕਿ, ਕੰਪਨੀ ਦੇ ਪੁਰਾਣੇ ਮਾਡਲ ਜਿਵੇਂ ਕਿ 450S, 450X ਅਤੇ 450 Apex ਦੀ ਜੂਨ ਮਹੀਨੇ ਵਿੱਚ ਕੋਈ ਵਿਕਰੀ ਦਰਜ ਨਹੀਂ ਕੀਤੀ ਗਈ, ਜਿਸ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਗਾਹਕ ਹੁਣ ਨਵੇਂ ਵੇਰੀਐਂਟਸ ਨੂੰ ਜ਼ਿਆਦਾ ਤਰਜੀਹ ਦੇ ਰਹੇ ਹਨ।

ਇਸ ਸਕੂਟਰ ਨੂੰ ਖਾਸ ਤੌਰ 'ਤੇ ਪਰਿਵਾਰਾਂ ਦੀਆਂ ਲੋੜਾਂ ਨੂੰ ਧਿਆਨ ਵਿੱਚ ਰੱਖ ਕੇ ਡਿਜ਼ਾਈਨ ਕੀਤਾ ਗਿਆ ਹੈ। ਇਹ ਇਲੈਕਟ੍ਰਿਕ ਸਕੂਟਰ ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ ਲਗਭਗ 160 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰ ਸਕਦਾ ਹੈ। ਇਸ ਵਿੱਚ ਲੰਬੀ ਅਤੇ ਚੌੜੀ ਸੀਟ ਦਿੱਤੀ ਗਈ ਹੈ ਅਤੇ ਸਾਮਾਨ ਰੱਖਣ ਲਈ 56 ਲੀਟਰ ਦਾ ਵੱਡਾ ਅੰਡਰ-ਸੀਟ ਸਟੋਰੇਜ ਮਿਲਦਾ ਹੈ।ਸਕੂਟਰ ਵਿੱਚ ਡਿਜੀਟਲ ਇੰਸਟਰੂਮੈਂਟ ਡਿਸਪਲੇਅ, ਗੂਗਲ ਮੈਪਸ ਸਪੋਰਟ, ਸਮਾਰਟਫੋਨ ਕਨੈਕਟੀਵਿਟੀ, ਟਰਨ-ਬਾਏ-ਟਰਨ ਨੇਵੀਗੇਸ਼ਨ ਅਤੇ ਸਕਿਡ ਕੰਟਰੋਲ ਵਰਗੇ ਸ਼ਾਨਦਾਰ ਫੀਚਰ ਸ਼ਾਮਲ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e