ਕੋਰੋਨਾ ਨੂੰ ਲੈ ਕੇ ਰਾਮਦੇਵ ਨੇ ਚੀਨ 'ਤੇ ਲਾਇਆ ਦੋਸ਼, ਕਿਹਾ- ਦੁਨੀਆ ਕਰੇ ਬਾਈਕਾਟ

4/5/2020 12:31:13 AM

ਨਵੀਂ ਦਿੱਲੀ — ਚੀਨ ਦੇ ਵੁਹਾਨ ਸ਼ਹਿਰ ਤੋਂ ਫੈਲੇ ਜਾਨਲੇਵਾ ਕੋਰੋਨਾ ਵਾਇਰਸ ਨੇ ਪੂਰੀ ਦੁਨੀਆ ਨੂੰ ਭਾਜੜਾਂ ਪਾ ਰੱਖੀਆਂ ਹਨ। ਜਿਵੇਂ ਜਿਵੇਂ ਇਸ ਵਾਇਰਸ ਨੇ ਦੁਨੀਆ ਨੂੰ ਆਪਣੇ ਚਪੇਟ 'ਚ ਲਿਆ ਉਂਗਲੀਆਂ ਚੀਨ ਵੱਲ ਉੱਠਣ ਲੱਗੀਆਂ ਸਨ। ਉਥੇ ਹੀ ਸ਼ਨੀਵਾਰ ਨੂੰ ਯੋਗ ਗੁਰੂ ਰਾਮਦੇਵ ਨੇ ਵੀ ਕੋਰੋਨਾ ਵਾਇਰਸ ਨੂੰ ਲੈ ਕੇ ਚੀਨ 'ਤੇ ਨਿਸ਼ਾਨਾ ਵਿੰਨ੍ਹਿਆ ਹੈ।
 

ਦਰਅਸਲ ਸਵਾਮੀ ਰਾਮਦੇਵ ਨੇ ਸ਼ਨੀਵਾਰ ਨੂੰ ਆਪਣੇ ਅਧਿਕਾਰਕ ਟਵੀਟਰ ਹੈਂਡਲ ਤੋਂ ਇਕ ਟਵੀਟ ਕੀਤਾ। ਜਿਸ 'ਚ ਉਨ੍ਹਾਂ ਨੇ ਕੋਰੋਨਾ ਵਾਇਰਸ ਵਰਗੀ ਮਹਾਮਾਰੀ ਲਈ ਗੁਆਂਢੀ ਦੇਸ਼ ਚੀਨ ਨੂੰ ਹੀ ਜ਼ਿੰਮੇਵਾਰ ਠਹਿਰਾਇਆ ਹੈ ਅਤੇ ਇਸ ਕਾਰਣ ਉਸ ਦਾ ਪੂਰੀ ਤਰ੍ਹਾਂ ਬਾਈਕਾਟ ਕਰਨ ਦੀ ਅਪੀਲ ਵੀ ਕੀਤੀ ਹੈ।

ਰਾਮਦੇਵ ਨੇ ਭਾਰਤ ਨੂੰ ਪਹਿਲ ਕਰਨ ਲਈ ਕਿਹਾ
ਰਾਮਦੇਵ ਨੇ ਆਪਣੇ ਟਵੀਟਰ 'ਚ ਲਿਖਿਆ ਹੈ, 'ਸੱਚ-ਮੁੱਚ ਚੀਨ ਨੇ ਅਣਮਨੁੱਖੀ, ਅਨੈਤਿਕ ਤੇ ਸਾਰੇ ਵਿਸ਼ਵ ਨੂੰ ਆਫਤ 'ਚ ਪਾਉਣ ਦਾ ਕੰਮ ਕੀਤਾ ਹੈ। ਇਸ ਦੇ ਲਈ ਵਿਸ਼ਵ ਭਾਈਚਾਰੇ ਵੱਲੋਂ ਚੀਨ ਨੂੰ ਰਾਜਨੀਤਕ ਅਤੇ ਆਰਥਿਕ ਸਜ਼ਾ ਦੇਣੀ ਚਾਹੀਦੀ ਹੈ ਅਤੇ ਇਸ ਦਾ ਰਾਜਨੀਤਕ ਅਤੇ ਆਰਥਿਕ ਬਾਈਕਾਟ ਕਰਨਾ ਚਾਹੀਦਾ ਹੈ। ਦੁਨੀਆ ਦੇ ਸਭ ਤੋਂ ਵੱਡੇ ਲੋਕਤੰਤਰ ਭਾਰਤ ਨੂੰ ਕੂਟਨੀਤਕ ਪਹਿਲ ਕਰਨੀ ਚਾਹੀਦੀ ਹੈ।'

 



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Inder Prajapati

Edited By Inder Prajapati