ਰਾਹੁਲ ਨੇ ਡੀ. ਟੀ. ਸੀ. ਦੀ ਬੱਸ ’ਚ ਕੀਤਾ ਸਫ਼ਰ, ਡਰਾਈਵਰਾਂ ਤੇ ਕੰਡਕਟਰਾਂ ਨੂੰ ਵੀ ਮਿਲੇ

ਨਵੀਂ ਦਿੱਲੀ, (ਭਾਸ਼ਾ)- ਲੋਕ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਬੁੱਧਵਾਰ ਦਿੱਲੀ ਟਰਾਂਸਪੋਰਟ ਕਾਰਪੋਰੇਸ਼ਨ (ਡੀ. ਟੀ. ਸੀ.) ਦੀ ਬੱਸ ’ਚ ਸਫਰ ਕੀਤਾ ਤੇ ਬੱਸ ਡਰਾਈਵਰਾਂ ਅਤੇ ਕੰਡਕਟਰਾਂ ਨਾਲ ਜੁੜੇ ਮੁੱਦਿਆਂ ਬਾਰੇ ਜਾਣਕਾਰੀ ਹਾਸਲ ਕੀਤੀ।

ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਨੇ ਦੱਖਣੀ ਦਿੱਲੀ ਦੇ ਸਰੋਜਨੀ ਨਗਰ ਬੱਸ ਡਿਪੂ ਨੇੜੇ ਬੱਸ ਡਰਾਈਵਰਾਂ ਅਤੇ ਕੰਡਕਟਰਾਂ ਨਾਲ ਗੱਲਬਾਤ ਕੀਤੀ।

ਰਾਹੁਲ ਗਾਂਧੀ ਨੇ ਆਪਣੇ ‘ਵ੍ਹਟਸਐਪ’ ਚੈਨਲ ’ਤੇ ਇਸ ਮੁਲਾਕਾਤ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਕਿਹਾ ਕਿ ਦਿੱਲੀ ’ਚ ਡਰਾਈਵਰਾਂ ਅਤੇ ਕੰਡਕਟਰ ਭਰਾਵਾਂ ਨਾਲ ਚਰਚਾ ਹੋਈ। ਫਿਰ ਡੀ. ਟੀ. ਸੀ. ਦੀ ਬੱਸ ’ਚ ਮਜ਼ੇਦਾਰ ਸਫ਼ਰ ਕੀਤਾ।

नेता विपक्ष श्री @RahulGandhi ने DTC बस में यात्रा की और ड्राइवर, कंडक्टर व मार्शल से मुलाकात कर उनकी समस्याएं सुनीं।

जननायक हर उस वर्ग से मिलकर उनकी आवाज बुलंद कर रहे हैं, जिनका देश के विकास में महत्वपूर्ण योगदान है।

📍 सरोजिनी नगर बस डिपो, नई दिल्ली pic.twitter.com/ZvjJmarUSP

— Congress (@INCIndia) August 28, 2024

ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਨੇ ‘ਐਕਸ’ ’ਤੇ ਰਾਹੁਲ ਗਾਂਧੀ ਦੇ ਬੱਸ ਸਫਰ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਕਿਹਾ ਕਿ ਲੋਕਾਂ ਦੀ ਸੇਵਾ ’ਚ ਹਜ਼ਾਰਾਂ ਬੱਸਾਂ ਲੈ ਕੇ ਟਰਾਂਸਪੋਰਟ ਕਾਰਪੋਰੇਸ਼ਨ ਚਲਾਉਣ ਵਾਲੇ ਡਰਾਈਵਰਾਂ, ਕੰਡਕਟਰਾਂ ਤੇ ਮਾਰਸ਼ਲਾਂ ਦਾ ਪਰਿਵਾਰ ਕਿਵੇਂ ਚੱਲਦਾ ਹੈ? ਮਹਿੰਗਾਈ, ਬੱਚਿਆਂ ਦੀਆਂ ਵਧਦੀਆਂ ਫੀਸਾਂ, ਤਨਖਾਹਾਂ ਅਤੇ ਪੈਨਸ਼ਨ ਦੀ ਟੈਨਸ਼ਨ ’ਚ ਉਨ੍ਹਾਂ ਦਾ ਜੀਵਨ ਕਿਵੇਂ ਚੱਲਦਾ ਹੈ? ਦੇਸ਼ ’ਚ ਅਜਿਹੀਆਂ ਕਰੋੜਾਂ ਆਵਾਜ਼ਾਂ ਹਨ, ਜੋ ਭਿਆਨਕ ਆਰਥਿਕ ਅਸੁਰੱਖਿਆ ’ਚ ਰਹਿਣ ਲਈ ਮਜਬੂਰ ਹਨ।