ਜਾਣੋ ਕਿਵੇਂ ਭਾਰਤ ਪਹੁੰਚੀ ਜਲੇਬੀ! ਰਾਹੁਲ ਗਾਂਧੀ ਨੇ ਕੀਤੀ ਦੁਨੀਆਂ ਭਰ ’ਚ ਪਹੰਚਾਉਣ ਦੀ ਗੱਲ

 ਹਰਿਆਣਾ - ਹਰਿਆਣਾ 'ਚ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਲਈ ਪ੍ਰਚਾਰ ਜ਼ੋਰਾਂ 'ਤੇ ਹੈ। ਸਾਰੀਆਂ ਸਿਆਸੀ ਪਾਰਟੀਆਂ ਰੈਲੀਆਂ, ਮੀਟਿੰਗਾਂ, ਲੋਕ ਸਭਾਵਾਂ ਨੂੰ ਸੰਬੋਧਨ ਕਰ ਰਹੀਆਂ ਹਨ। ਕਾਂਗਰਸ ਪਾਰਟੀ ਦੇ ਸਾਬਕਾ ਪ੍ਰਧਾਨ ਅਤੇ ਦਿੱਗਜ ਨੇਤਾ ਰਾਹੁਲ ਗਾਂਧੀ ਵੀ ਆਪਣੀ ਪਾਰਟੀ ਦੇ ਉਮੀਦਵਾਰਾਂ ਲਈ ਚੋਣ ਪ੍ਰਚਾਰ ਕਰ ਰਹੇ ਹਨ। ਰਾਹੁਲ ਗਾਂਧੀ ਚੋਣ ਮਾਹੌਲ ਦਰਮਿਆਨ ਸੋਨੀਪਤ ਦੇ ਗੋਹਾਨਾ ਪਹੁੰਚੇ ਸਨ। ਦੱਸ ਦਈਏ ਕਿ ਸੋਨੀਪਤ ਦਾ ਗੋਹਾਨਾ ਆਪਣੇ ਖੇਤਰ ਦੀਆਂ ਜਲੇਬੀਆਂ ਲਈ ਬਹੁਤ ਮਸ਼ਹੂਰ ਹੈ। ਇਸ ਦੌਰਾਨ ਹੁਣ ਸੋਸ਼ਲ ਮੀਡੀਆ 'ਤੇ ਜਲੇਬੀ ਦੀ ਕਾਫੀ ਚਰਚਾ ਹੋ ਰਹੀ ਹੈ ਕਿਉਂਕਿ ਰਾਹੁਲ ਗਾਂਧੀ ਨੇ ਗੋਹਾਨਾ ਦੀ ਮਸ਼ਹੂਰ ਜਲੇਬੀ ਵੀ ਖਾਧੀ ਸੀ ਅਤੇ ਇਸ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਇਹ ਜਲੇਬੀ ਭਾਰਤ ਸਮੇਤ ਪੂਰੀ ਦੁਨੀਆ ’ਚ ਪਹੁੰਚਣੀ ਚਾਹੀਦੀ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜਲੇਬੀ ਭਾਰਤੀ ਲੋਕ ਬੜੇ ਚਾਅ ਨਾਲ ਖਾਂਦੇ ਹਨ। ਉਹ ਜਲੇਬੀ ਭਾਰਤ ਦੀ ਨਹੀਂ ਹੈ। ਸਗੋਂ ਉਹ ਕਿਸੇ ਹੋਰ ਦੇਸ਼ ਤੋਂ ਭਾਰਤ ਆਈ ਸੀ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਜਲੇਬੀ ਕਿੱਥੋਂ ਆਈ ਹੈ।

ਇਹ ਵੀ ਪੜ੍ਹੋ - ਲੇਬਨਾਨ ’ਚ ਇਜ਼ਰਾਇਲੀ ਹਮਲੇ ਕਾਰਨ 5 ਲੋਕਾਂ ਦੀ ਮੌਤ

ਭਾਰਤ ’ਚ ਜਲੇਬੀ ਦੀਆਂ ਕਈ ਕਿਸਮਾਂ ਬਣਾਈਆਂ ਅਤੇ ਖਾਧੀਆਂ ਜਾਂਦੀਆਂ ਹਨ ਪਰ ਜਲੇਬੀ ਭਾਰਤ ਦੀ ਆਪਣੀ ਮਿੱਠੀ ਨਹੀਂ ਹੈ। ਜਿਵੇਂ ਕਿ ਸਮੋਸੇ ਭਾਰਤ ’ਚ ਹੀ ਬਣਨੇ ਸ਼ੁਰੂ ਹੋ ਗਏ ਹਨ। ਹਾਲਾਂਕਿ, ਜਲੇਬੀ ਭਾਰਤ ’ਚ ਬਣਨੀ ਸ਼ੁਰੂ ਨਹੀਂ ਹੋਈ। ਇਤਿਹਾਸਕਾਰਾਂ ਦੇ ਸਰਵੇਖਣ ਅਨੁਸਾਰ ਜਲੇਬੀ ਈਰਾਨ ਤੋਂ ਭਾਰਤ ਆਈ ਸੀ। ਜਲੇਬੀ ਨੂੰ ਅਰਬੀ ’ਚ ਜਲੇਬੀਆ ਕਿਹਾ ਜਾਂਦਾ ਹੈ। ਜਲੇਬੀ ਦਾ ਜ਼ਿਕਰ ਸਾਨੂੰ ਕਈ ਕਿਤਾਬਾਂ ’ਚ ਪੜ੍ਹਣ ਨੂੰ ਮਿਲਦਾ ਹੈ। ਹੌਲੀ-ਬੌਲੀ ਜਲੇਬੀਆ ਭਾਰਤ ’ਚ ਜਲੇਬੀ ਬਣ ਗਈ। ਇਤਿਹਾਸਕਾਂ ਦੇ ਮੁਤਾਬਕ ਤੁਰਕ ਹਮਲਾਵਰਾਂ ਦੇ ਨਾਲ ਹੀ ਜਲੇਬੀ ਭਾਰਤ ਆਈ ਸੀ। ਹੁਣ ਭਾਰਤ ’ਚ ਹੀ ਨਹੀਂ ਸਗੋਂ ਪਾਕਿਸਤਾਨ, ਬੰਗਲਾਦੇਸ਼ ਵਰਗੇ ਕਈ ਦੇਸ਼ਾਂ ’ਚ ਜਲੇਬੀ ਖੂਨ ਪਸੰਦ ਕੀਤੀ ਜਾਂਦੀ ਹੈ।

ਰਾਹੁਲ ਗਾਂਧੀ ਨੇ ਖਾਦੀ ਸਪੈਸ਼ਲ ਜਲੇਬੀ

ਰਾਹੁਲ ਗਾਂਧੀ ਨੇ ਗੋਹਾਨਾ, ਸੋਨੀਪਤ ’ਚ ਜੋ ਜਲੇਬੀ ਖਾਧੀ, ਉਹ ਬਹੁਤ ਹੀ ਖਾਸ ਜਲੇਬੀ ਹੈ। ਜਿਸ ਦੁਕਾਨ ਤੋਂ ਰਾਹੁਲ ਨੇ ਜਲੇਬੀ ਖਾਧੀ ਸੀ, ਉਹ ਸਾਲ 1958 ’ਚ ਖੋਲ੍ਹੀ ਗਈ ਸੀ। ਰਿਪੋਰਟਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਹੁਣ ਪਰਿਵਾਰ ਦੀ ਤੀਜੀ ਪੀੜ੍ਹੀ ਹੁਣ ਇਸ ਦੁਕਾਨ ਨੂੰ ਸੰਭਾਲ ਰਹੀ ਹੈ। ਗੋਹਾਨਾ ਜਲੇਬੀ ਸ਼ੁੱਧ ਦੇਸੀ ਘਿਓ ਤੋਂ ਬਣਾਈ ਜਾਂਦੀ ਹੈ। ਰਾਹੁਲ ਗਾਂਧੀ ਹੀ ਨਹੀਂ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਇਹ ਜਲੇਬੀ ਖਾਧੀ ਹੈ। ਜੇਕਰ ਇਸਦੀ ਕੀਮਤ ਦੀ ਗੱਲ ਕਰੀਏ ਤਾਂ ਇਹ 300 ਰੁਪਏ ਪ੍ਰਤੀ ਕਿਲੋ ਤੱਕ ਵਿਕਦਾ ਹੈ।

ਇਹ ਵੀ ਪੜ੍ਹੋ - SEBI ਨੇ ਐੱਫ ਐਂਡ ਓ ਵਪਾਰ ਨੂੰ ਸਖਤ ਕਰਨ ਲਈ ਕੀਤਾ ਨਵੇਂ ਉਪਾਵਾਂ ਦਾ ਐਲਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8