ਵਿਦਿਆਰਥੀ ਦੀ ਗ੍ਰਿਫਤਾਰੀ ਦੇ ਵਿਰੋਧ 'ਚ ਵਿਦਿਆਰਥੀਆਂ ਨੇ ਕੀਤਾ ਹੰਗਾਮਾ

ਸ਼੍ਰੀਨਗਰ— ਦੱਖਣੀ ਕਸ਼ਮੀਰ 'ਚ ਪੁਲਮਾਵਾ ਜ਼ਿਲਾ ਦੇ ਅਵੰਤੀਪੁਰ ਇਲਾਕੇ 'ਚ ਸਥਿਤ ਇਸਲਾਮਿਕ ਯੂਨੀਵਰਸਿਟੀ ਆਫ ਸਾਇੰਸ ਅਤੇ ਟੈਕਨਾਲੋਜੀ 'ਚ ਸੋਮਵਾਰ ਨੂੰ ਵਿਦਿਆਰਥੀਆਂ ਨੇ ਯੂਨੀਵਰਸਿਟੀ ਦੇ ਇਕ ਵਿਦਿਆਰਥੀ ਦੀ ਗ੍ਰਿਫਤਾਰੀ ਦੇ ਖਿਲਾਫ ਪ੍ਰਦਰਸ਼ਨ ਕੀਤਾ। ਸੂਤਰਾਂ ਅਨੁਸਾਰ ਦਰਜਨਾਂ ਵਿਦਿਆਰਥੀਆਂ ਨੇ ਯੂਨੀਵਰਸਿਟੀ ਕੈਂਪਸ 'ਚ ਬੈਨਰਾਂ ਅਤੇ ਤਖਤੀਆਂ ਨਾਲ ਰੈਲੀ ਕੱਢੀ ਅਤੇ ਵਿਦਿਆਰਥੀ ਦੀ ਜਲਦੀ ਹੀ ਰਿਹਾਈ ਦੀ ਮੰਗ ਕੀਤੀ। ਯੂਨੀਵਰਸਿਟੀ 'ਚ ਪੌਲੀਟੈਕਨਿਕ ਡਿਪਲੋਮਾ ਡਿਗਰੀ ਕਰ ਰਹੇ ਜੁਨੈਦ ਆਖੁਨ ਨਾਮ ਵਿਦਿਆਰਥੀ ਨੂੰ ਅਵੰਤੀਪੁਰਾ ਦੇ ਅਰਮਪੁਰ ਇਲਾਕੇ 'ਚ ਉਸ ਦੇ ਘਰ ਚੋਂ ਗ੍ਰਿਫਤਾਰੀ ਕੀਤਾ ਗਿਆ। 
ਯੂਨੀਵਰਸਿਟੀ ਦੇ ਅਧਿਕਾਰੀ ਨੇ ਕਿਹਾ ਹੈ ਕਿ ਉਹ ਤੱਤਾਂ ਦਾ ਪਤਾ ਲੱਗ ਰਹੇ ਹਨ ਅਤੇ ਲੋੜੀਂਦੇ ਵੇਰਵੇ ਪ੍ਰਾਪਤ ਕਰਨ ਤੋਂ ਬਾਅਦ ਹੀ ਟਿੱਪਣੀ ਕਰ ਸਕਦੇ ਹਨ। ਉਨ੍ਹਾਂ ਨੇ ਕਿਹਾ ਹੈ ਕਿ ਉਹ ਪਤਾ ਲੱਗਾ ਰਹੇ ਹਨ ਕਿ ਲੜਕਾ ਯੂਨੀਵਰਸਿਟੀ ਦਾ ਵਿਦਿਆਰਥੀ ਵੀ ਹੈ। ਯੂਨੀਵਰਸਿਟੀ ਉੱਚ ਅਧਿਕਾਰੀਆਂ ਨੇ ਮਾਮਲੇ ਨੂੰ ਚੁੱਕਿਆ ਹੈ। ਪੁਲਸ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਹੈ ਕਿ ਆਖੁਨ ਨੂੰ ਉਸ ਦੇ ਭਰਾ ਸਾਲਿਆ ਮੁਹੰਮਦ ਆਖੁਨ ਜੋ ਸਰਗਰਮ ਅੱਤਵਾਦੀ ਹੈ ਅਤੇ ਹਾਲ ਹੀ 'ਚ ਮਰਹਾਮਾ ਬਿਜਹਵਾੜਾ 'ਚ ਬੈਂਕ ਡਕੈਤੀ 'ਚ ਸ਼ਾਮਲ ਸਨ, ਇਸ ਦੇ ਸੰਬੰਧ 'ਚ ਪੁੱਛਗਿਛ ਲਈਹਿਰਾਸਤ 'ਚ ਲਿਆ ਗਿਆ ਹੈ।