International Yoga Day 2026: ਕੋਲਕਾਤਾ 'ਚ PM ਮੋਦੀ ਅਤੇ ਗੁਜਰਾਤ 'ਚ ਅਮਿਤ ਸ਼ਾਹ ਨੇ ਕੀਤਾ ਯੋਗਾ

ਕੋਲਕਾਤਾ/ਅਹਿਮਦਾਬਾਦ : ਅੱਜ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਮੌਕੇ 'ਤੇ ਪੂਰਾ ਭਾਰਤ ਅਤੇ ਦੁਨੀਆ ਯੋਗ ਦੇ ਰੰਗ ਵਿੱਚ ਰੰਗੀ ਨਜ਼ਰ ਆ ਰਹੀ ਹੈ। ਭਾਰਤ ਸਮੇਤ ਵਿਸ਼ਵ ਪੱਧਰ 'ਤੇ ਲਗਭਗ 2,500 ਵੱਖ-ਵੱਖ ਥਾਵਾਂ 'ਤੇ ਵੱਡੇ ਸਮਾਗਮਾਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਸਾਲ ਰਾਸ਼ਟਰੀ ਪੱਧਰ ਦਾ ਮੁੱਖ ਪ੍ਰੋਗਰਾਮ ਪੱਛਮੀ ਬੰਗਾਲ ਦੀ ਰਾਜਧਾਨੀ ਕੋਲਕਾਤਾ ਦੇ ਇਤਿਹਾਸਕ ਰੈੱਡ ਰੋਡ 'ਤੇ ਆਯੋਜਿਤ ਕੀਤਾ ਗਿਆ, ਜਿੱਥੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਖੁਦ ਹਜ਼ਾਰਾਂ ਯੋਗ ਪ੍ਰੇਮੀਆਂ ਨਾਲ ਮਿਲ ਕੇ 'ਕਾਮਨ ਯੋਗ ਪ੍ਰੋਟੋਕੋਲ' (CYP) ਦੀ ਅਗਵਾਈ ਕੀਤੀ।

ਕੋਲਕਾਤਾ 'ਚ ਬਣਿਆ ਰਿਕਾਰਡ 

ਪੱਛਮੀ ਬੰਗਾਲ ਵਿੱਚ ਇਸ ਵਾਰ ਯੋਗ ਦਿਵਸ ਨੂੰ ਲੈ ਕੇ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਇਕੱਲੇ ਕੋਲਕਾਤਾ ਵਿੱਚ ਹੀ ਵੱਖ-ਵੱਖ ਯੋਗ ਸੈਸ਼ਨਾਂ ਵਿੱਚ ਲਗਭਗ 10 ਲੱਖ ਲੋਕਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਜਤਾਈ ਗਈ ਹੈ। ਮੁੱਖ ਪ੍ਰੋਗਰਾਮ ਵਾਲੀ ਥਾਂ ਰੈੱਡ ਰੋਡ 'ਤੇ ਹੀ ਲਗਭਗ 35,000 ਲੋਕਾਂ ਨੇ ਇਕੱਠੇ ਮੈਟ 'ਤੇ ਆਸਣ ਕੀਤੇ। ਸੁਰੱਖਿਆ ਦੇ ਸਖ਼ਤ ਪ੍ਰਬੰਧਾਂ ਦੇ ਵਿਚਕਾਰ ਹਰ ਉਮਰ ਦੇ ਲੋਕ, ਖਾਸ ਕਰਕੇ ਨੌਜਵਾਨ ਅਤੇ ਬਜ਼ੁਰਗ, ਇਸ ਮੁਹਿੰਮ ਦਾ ਹਿੱਸਾ ਬਣਨ ਲਈ ਸਵੇਰੇ ਹੀ ਮੈਦਾਨਾਂ ਵਿੱਚ ਪਹੁੰਚਣੇ ਸ਼ੁਰੂ ਹੋ ਗਏ ਸਨ।

#WATCH | कोलकाता, पश्चिम बंगाल | प्रधानमंत्री नरेंद्र मोदी ने अंतर्राष्ट्रीय योग दिवस के मौके पर सामूहिक योग कार्यक्रम के दौरान योगाभ्यास किया।

इस वर्ष अंतर्राष्ट्रीय योग दिवस 2026 'स्वस्थ आयु के लिए योग' की थीम के साथ मनाया जा रहा है।

(वीडियो सोर्स: DD न्यूज़) pic.twitter.com/hjd9Uof7pD

— ANI_HindiNews (@AHindinews) June 21, 2026

ਸਵਸਥ ਬੁਢਾਪੇ ਲਈ ਯੋਗ 

ਸਾਲ 2026 ਦੇ 12ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਦਾ ਵਿਸ਼ਾ (Theme) 'ਯੋਗਾ ਫਾਰ ਹੈਲਦੀ ਏਜਿੰਗ' (ਸਵਸਥ ਬੁਢਾਪੇ ਲਈ ਯੋਗ) ਰੱਖਿਆ ਗਿਆ ਹੈ। ਇਹ ਵਿਸ਼ਾ ਸਰੀਰਕ ਸਿਹਤ, ਮਾਨਸਿਕ ਤੰਦਰੁਸਤੀ ਅਤੇ ਵਧਦੀ ਉਮਰ ਵਿੱਚ ਸਰਗਰਮ ਜੀਵਨ ਜਿਊਣ ਵਿੱਚ ਯੋਗ ਦੀ ਮਹੱਤਤਾ ਨੂੰ ਦਰਸਾਉਂਦਾ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਯੋਗ ਇੱਕ ਅਜਿਹੀ ਦਵਾਈ ਹੈ, ਜੋ ਬਿਮਾਰੀ ਆਉਣ ਤੋਂ ਪਹਿਲਾਂ ਹੀ ਸਰੀਰ ਨੂੰ ਅੰਦਰੋਂ ਮਜ਼ਬੂਤ ਬਣਾਉਂਦੀ ਹੈ। 

ਗੁਜਰਾਤ 'ਚ ਅਮਿਤ ਸ਼ਾਹ ਨੇ ਸੰਭਾਲਿਆ ਮੋਰਚਾ 

ਦੂਜੇ ਪਾਸੇ, ਗੁਜਰਾਤ ਦੇ ਅਹਿਮਦਾਬਾਦ ਵਿੱਚ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਸਵੇਰੇ ਠੀਕ 7 ਵਜੇ ਪ੍ਰਹਿਲਾਦ ਨਗਰ ਗਾਰਡਨ ਵਿੱਚ ਯੋਗ ਪ੍ਰੋਗਰਾਮ ਵਿੱਚ ਸ਼ਿਰਕਤ ਕੀਤੀ। ਉਨ੍ਹਾਂ ਦੇ ਨਾਲ ਗੁਜਰਾਤ ਦੇ ਗ੍ਰਹਿ ਰਾਜ ਮੰਤਰੀ ਹਰਸ਼ ਸੰਘਵੀ ਅਤੇ ਅਹਿਮਦਾਬਾਦ ਦੇ ਮੇਅਰ ਸਮੇਤ ਕਈ ਸਥਾਨਕ ਆਗੂ ਵੀ ਮੌਜੂਦ ਸਨ।

#WATCH | Gujarat: Union Home Minister Amit Shah performs Yoga on the occasion of the 12th International Day of Yoga in Ahmedabad.

The theme for this year's Yoga Day is 'Yoga For Healthy Ageing' pic.twitter.com/PwEGi5i7Qm

— ANI (@ANI) June 21, 2026

ਜਨ ਅੰਦੋਲਨ ਬਣਿਆ ਯੋਗ

ਆਯੂਸ਼ ਮੰਤਰਾਲੇ ਦੇ 'ਯੋਗ ਸੰਗਮ' ਪੋਰਟਲ 'ਤੇ ਸੰਸਥਾਵਾਂ ਦੀ ਰਜਿਸਟ੍ਰੇਸ਼ਨ 6 ਲੱਖ ਨੂੰ ਪਾਰ ਕਰ ਚੁੱਕੀ ਹੈ, ਜੋ ਸਿੱਧ ਕਰਦਾ ਹੈ ਕਿ ਯੋਗ ਹੁਣ ਇੱਕ ਅਸਲੀ ਜਨ ਅੰਦੋਲਨ ਬਣ ਗਿਆ ਹੈ। ਸਰਹੱਦਾਂ 'ਤੇ ਤਾਇਨਾਤ ਜਵਾਨਾਂ ਤੋਂ ਲੈ ਕੇ ਵਿਦੇਸ਼ਾਂ ਵਿੱਚ ਸਥਿਤ 210 ਤੋਂ ਵੱਧ ਭਾਰਤੀ ਮਿਸ਼ਨਾਂ ਰਾਹੀਂ ਦੁਨੀਆ ਭਰ ਵਿੱਚ ਅੱਜ ਯੋਗ ਦੀ ਧੂਮ ਦੇਖਣ ਨੂੰ ਮਿਲ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8